Sa gitna ng pagtatalo tungkol sa trademark ng Eat Bulaga!, ibinahagi ni Joey de Leon sa Instagram kung sino ang may likha ng original logo ng longest-running noontime show.
Ayon kay Joey—na bahagi ng sikat na triumvirate na TVJ nina Tito Sotto at Vic Sotto—ang logo ay gawa ng nagngangalang Vic Ja. Delgado.
Binahagi ni Joey ang caption ng anak ni Delgado sa caption ng IG post ng comedian.
Saad ni Joey sa post sa Instagram kagabi, June 4, 2023, “TRIVIA: that's the original EB LOGO conceptualize by my Dad (Vic Ja. Delgado) and Tito Joey, he's seated beside Tito Joey Deleon Eileen Macapagal”
View this post on Instagram
Mainit ngayon ang usapin tungkol sa Eat Bulaga! trademark kung sino ba talaga ang may karapatang gumamit nito.
Sa pagkalas nina Tito, Vic, Joey, at co-hosts ng noontime show sa Television and Production Exponents (TAPE) Inc., producer ng Eat Bulaga!, samu’t saring opinyon ang lumalabas tungkol dito.
Read: TAPE Inc. issues statement on Tito Sotto, Vic Sotto, Joey de Leon's departure
Pero sa malalimang pagsasaliksik ng PEP.ph (Philippine Entertainment Portal), ang tunay na makakasagot dito ay ang Intellectual Property Office of the Philippines (IPO-PHL).
Parehong nag-apply ng pagmamay-ari ng Eat Bulaga! trademark ang kampo nina Tito, Vic, Joey, Mr. Tony Tuviera, at TAPE upang mapasakanila ang legal ownership nito.
TITO CLAIMS TVJ OWNED EAT BULAGA! TRADEMARK
Sabi ni Tito sa eksklusibong panayam ng PEP.ph noong June 1, 2023, "Ganito yun. Nag-apply kami ng Section 41 ng IPO. Ano ang Section 41? Entertainment Services.
"Wala ang TAPE nun. Meron ang TAPE, merchandising, goods. Yan ang mayroon sila na ipinayl nila.
"The truth is they filed for ownership of the logo of Eat Bulaga! for goods.
"They filed—pero in bad faith. Bakit? E, kami nag-umpisa ng Eat Bulaga!, 1979!
"Wala naman sila, e. Paano naging sila owner? Di ba? Ang tingin siyempre ngayon, ang tingin legally, ang tingin diyan—they registered in bad faith.
"Dapat sinama nila kami. O, kaya kami, nag-file kami ngayon ng separate namin.
"Yan ang background nun."
Very confident daw si Tito na maigagawad sa kanila ang trademark.
Pahayag ni Tito: "I'm sure. I'm very confident. So, sinasabi ng mga lawyers namin, they’re very confident na we will get it.
"Kami nag-imbento, e. Look at the [trademark] law. Look at the laws, the Supreme Court jurisprudence on these kind of issues. It's always, the inventor is the owner—unless you give it up."
Read: Tito Sotto claims TVJ owns Eat Bulaga! trademark
Makikita sa website ng World Intellectual Property Organization (WIPO) ang detalye ng trademark na Eat Bulaga!. Ito ay nakarehistro sa Intellectual Property Office of The Philippines (IPO).
Sa records ng WIPO, ang Eat Bulaga! trademark— na nakapaloob sa "Trademark Class 16, 18, 21, 25" — ay nakarehistrong pagmamay-ari ng Television and Production Exponents Incorporated o TAPE.
Makikita sa kanilang rehistro ang "Class 16, 18, 21, 25"— na kasalukuyang nakarehistro sa pangalan nito—ay may kinalaman din sa "paper, leather, household utensils, at clothing/footwear/headger" respectively.
Ito naman ay nakatakdang mag-expire, ayon pa rin sa WIPO records, sa "June 14, 2023."
Makikita rin sa WIPO records na nag-apply si Tony for ownership ng "Eat Bulaga!" trademark— sa "Trademark Class 16, 18, 21, 25, 41" — noong "February 27, 2023."
Ang "Class 41" sa application nito ay may kinalaman sa trademark para sa "entertainment services."
Gayundin sa application ni Joey na meron ding "Class 41."
Ipinakita rin ni Tito ang aplikasyon nilang apat nina Joey, Vic, at Mr. Tuviera ang tungkol sa "Trademark Class 41."
Pending ang status ng application.
Read: TVJ & Tony Tuviera applied as one group for Eat Bulaga! trademark
"CASE IS NOW PENDING"
Ayon naman kay IPO-PHL director-general Atty. Rowel Barba, sa ulat ng The Daily Tribune kahapon, sinabi nitong hindi pa siya makapagkomento tungkol sa aplikasyon kaugnay ng "Eat Bulaga!" trademark dahil pinag-aaralan pa ito ng kanilang adjudication officer.
Aniya, “Case is now pending so we cannot comment. A sub judice rule (is in effect). Magkakaron ng hearings pa yan before our adjudication officer can decide. Let us wait for the decision on the case."
Samantala, umere nang live ngayong araw, June 5, 2023, ang Eat Bulaga! kung saan ang mga tumatayong bagong hosts nito ay sina Paolo Contis, Buboy Villar, Betong Sumaya, ang kambal na sina Cassy and Mavy Legaspi, at Alexa Miro.
Read: Paolo Contis, Betong Sumaya, Buboy Villar are the new 'Eat Bulaga!' hosts