Aminado ang Kapamilya actor na si Baron Geisler na abot-tenga ang kanyang ngiti nang makatanggap siya ng imbitasyon sa ABS-CBN Ball, a.k.a. Star Magic Ball, ang annual formal gathering event para sa Kapamilya stars.
Ito’y matapos ang mahigit isang dekadang pagka-ban ng aktor sa ABS-CBN Ball dahil sa kanyang drinking problem.
Read: Baron Geisler gets invited to ABS-CBN Ball after 14-year ban: “I won’t mess it up.”
Kung ang aktor daw ang tatanungin, wala siyang sama ng loob o hinanakit sa ABS-CBN, lalo na’t alam na alam niya ang kanyang ugali noon kapag nalalasing.
Kung babalikan nga raw niya ang karanasan sa mga nagdaang ABS-CBN Ball na kanyang dinaluhan, wala siya maikukuwentong maganda at masaya.
Saad ni Baron, “To tell you the truth, wala pong good memories before. As in wala po talaga.
“I was always drunk because I was an insecure person.
“Bago pa man mag-start ang inuman, I would be drinking for five to seven hours before the Ball [starts].
“So, pagdating ko dun, wrecked na ko, walang interaction.”
Sinisiguro raw ngayon ni Baron na gagawin niya ang lahat ng kanyang makakaya para magsaya, makakilala ng mga bagong kaibigan, at hindi gumawa ng anumang gulo.
Aniya, “So, I’m here in the [upcoming] Ball to interact, to make new friends, to meet new actors, kasi maliit lang ang mundo.
“I would want to work, keep working with these new actors, and even the ones I know already.
“Because I’m here to work [for] my family and I’m there to enjoy also, I don’t need alcohol to enjoy the Ball.
“Nakailang parties na ako na sober.”
Read: Baron Geisler, pinayuhan ang newbie stars na huwag siyang gayahin
Nakapanayam ng PEP.ph (Philippine Entertainment Portal) si Baron sa media launch ng GG (Good Game), kung saan isa siya sa mga ipinakilalang cast member, noong September 21, 2023.
PREPARATION FOR THE BALL
Sa September 30, Sabado, gaganapin ang ABS-CBN Ball 2023. Pero ngayon pa lang ay handang-handa at excited na raw si Baron.
Pagbabahagi niya, "Everybody is excited, kasi...I think, ilang years din na walang Ball and ngayon invited pa ako — plus ang ganda pa ng show namin.
"Actually, ready na yung shoes ko, yung outfit naman tinatahi na po ni Mr. Avel Bacudio.
"I need to lose more weight kasi dapat mala Euro-slick yung tuxedo."
Wala raw ibang nilu-look forward si Baron sa Ball kundi magpasalamat sa muling pagtitiwala sa kanya ng home network niya.
Sabi niya, “[Looking forward] to just say thank you to everyone.
"To say thank you to the boss and to say thank you to my co-actors and directors.
"Also, to just celebrate each other’s achievements and the full support to Kapamilya, I love you, I love you, yun lang masasabi ko."
Hindi raw siya mangangako ng kung anuman ang dapat i-expect sa kanya ng co-stars niya, dahil mas gusto raw niyang sila mismo ang makakita sa kanyang pagbabagong buhay.
Ani Baron, "You know what, hindi ako magpa-promise [sa colleagues ko], I’ll just do it because talk is cheap. Maganda yung makita nila.
"Tapos after the Ball, sila na ang bahala na magsabi kung ano yung experience nila with me na warm, loving, caring, and supportive sa industriya [and] colleagues."
FOREVER GRATEFUL TO ABS-CBN
Noong September 16, nang ianunsiyo ni Baron sa kanyang social media account na naimbitahan siyang dumalo sa ABS-CBN Ball.
Agad na nag-viral ang kanyang post, kung saan marami sa netizens ang natuwa lalo na't sa post niya ay sinabi nitong makalaking bagay ang imbitasyong natanggap na indikasyong muli siyang pinagkakatiwalaan lalo na ng mga ABS-CBN bosses.
Saad niya, “I didn’t expect that it [the post] would go viral. I didn’t even know that the theme of the ball is 'Forever Grateful.'
"But I’m forever, eternally grateful sa kanila because hindi ko naman sila masisisi na na-ban ako for 14 years.
"Kasi nga, every time that they invited me before, nang-aaway ako ng mga tao o I get super drunk to the point na nagkakalat ako dun.
"So, hindi siya maganda for the other celebrities who are there to celebrate their achievements.
"So now, since na-invite na ako, I’m really thankful to Tita Cory [Vidanes] and Dreamscape [Entertainment].
"I will not let you down, yun lang."
Dagdag pa niya, "I will really wear a handsome suit, [I will put my] best foot forward and [be on my] best behavior."
Read: Baron Geisler gets invited to ABS-CBN Ball after 14-year ban: “I won’t mess it up.”
Napadagdag pa raw sa excitement ni Baron ang pagpaplano ng kanyang mga Senior High co-stars, sa pangunguna ni Slyvia Sanchez, na binalaan pa raw siyang huwag uminom sa araw ng ABS-CBN Ball.
Kuwento ni Baron, "I’m glad also na nag-uusap kami sa set na may sarili kaming table na magkakadikit.
"Si Tita Sylvia, sabi niya, bubugbugin niya ako, si Direk Andoy [Ranay] naman sabi niya sasapukin ka kahit isang shot lang.
“So, I’m grateful na kahit na alam kong hindi ako iinom, I felt the love and support coming from the cast members and director.
"Full support sila sa recovery as an alcoholic before."
Read: Baron Geisler, inamin ang pagkakaroon ng mental illness
Sa huli, sinabi ni Baron na maaaring may iba pang nagdududa sa kanyang pagbabagong buhay, ngunit hindi raw siya mapapagod na ipakita at muling patunayan ang sarili.
Aniya, “I’ve been talking about not only accountability but also maging honest ako sa sarili ko or maging totoo ako sa mga tao.
"I’m done lying to myself, I’m done lying to other people, so nakakapagod na.
"Kaya I’m here to just embrace everyone with the love-love-love."