Dalawang taon nang kasal sina Derek Ramsay at Ellen Adarna sa darating na November 21, 2023, kaya naman sinusubukan na raw nilang makabuo ng baby.
Ito raw ang dahilan kaya nagpatanggal na ang asawa niyang si Ellen ng nakakabit sa kanyang matres na intrauterine device o IUD.
Sabi ni Derek, “Sumusubok na. Sumusubok na. Natanggal na niya yung IUD so we're trying, so hopefully by the end of the year.”
Ang IUD ay isang birth control device na ikinakabit sa matres ng isang babae upang hindi siya mabuntis sa loob ng sampung taon o higit pa.
Maaari rin itong tanggalin ng doktor kung nais na ng isang babae na mabuntis.
Sa naunang panayam kay Derek, sinabi niyang nais nila ni Ellen na magkakaron ng “Dragon baby,” na ang ibig sabihin ay sa taong ito, 2023—Year of the Dragon ayon sa Chinese Horoscope.
Parehong may anak sa mga dati nilang karelasyon sina Derek at Ellen.
Ang aktor ay may 19-year-old son, si Austin Ramsay, sa dati niyang asawa na si Christine Jolly.
Si Ellen naman ay may five-year-old son, si Elias Modesto, sa ex-boyfriend na si John Lloyd Cruz.
Eksklusibong nakausap ng PEP.ph (Philippine Entertainment Portal) si Derek sa 3rd SamLo Cup, isang golf tournament na inorganisa ni Samantha Lopez para sa Kids for Jesus Foundation, na ginanap sa Wack Wack Golf and Country Club, kahapon, October 17, 2023.
Read: Samantha Lopez on being single at 54: “Masaya naman, busy.”
Kumusta naman ang buhay may-asawa?
Sagot ni Derek, “Nothing has changed in our relationship. We‘re still discovering new things about each other, pero I’m sure I made the right decision.”
Ikinasal sina Ellen at Derek sa Bagac, Bataan, noong November 11, 2021.
Read: Derek Ramsay and Ellen Adarna are now married
TO RETIRE FROM DOING TV SHOWS BUT NOT FILM
Sa susunod na buwan ay aalis sia Derek at Ellen papuntang Barcelona, Spain.
Babalik sila sa Pilipinas para sa promotion ng pelikula ni Derek na kalahok sa Metro Manila Film Festival (MMFF) 2023, ang (K)ampon.
Read: Sharon-Alden, Dingdong-Marian starrers among first four official entries at MMFF 2023
Anong pakiramdam na una silang napili ng MMFF Execom sa four entries ng festival ngayong taon?
Ani Derek, “Well, siyempre that’s very rewarding, ‘no. I think over twenty movies were submitted. Napili kami sa Top 4, so at least wala ring stress.
“So, nung shinoot namin, first time... hindi first time, pero matagal na akong hindi gumagawa ng horror. And according kay Atty. Joji [Alonso, film producer], maganda daw yung pinakita ko sa pelikula.
"So, tingnan natin. Ako, akala ko, nakalimutan ko na[ng umarte].”
Sinabi ni Derek na retirado na siya sa paggawa ng TV shows, pero pagdating sa pelikula ay tatanggap naman daw siya basta maganda ang proyekto.
“Yeah, I think I wanna retire from TV. But big screen, of course, if there’s a very nice script.”
Itinutuon na rin daw ng aktor ang kanyang iba pang oras sa mga bago niyang negosyo. Ilan sa mga ito ay ang ice plant business at construction company niya.
Saad niya, “Si Mr. Freeze is the King of Ice in the Philippines, so nag-franchise ako ng isang ice plant sa Bulacan and then I started my construction company.
“So, just trying to keep myself busy. Yung construction, passion lang naman, e.”