Sinagot ng beauty queen at Los Baños, Laguna councilor na si Leren Mae Bautista ang post niya tungkol sa laundry Christmas tree.
Noong November 14, 2023, nagbahagi si Leren ng larawan ng mga nakatambak na labahan na hugis-Christmas tree.
May star pang nakalagay sa tuktok nito.
Sabi ni Leren sa caption: “Feeling the holiday spirit already…”
Read: Who is Leren Mae Bautista alluding to in her laundry Christmas tree post?
Bago pa nito, noong Nobyembre 10, 2023, sa unang PBA game ng nobyong si Ricci Rivero bilang manlalaro ng Phoenix Fuel Masters, nagbiro ang kapatid ni Ricci na si Prince na oras na para maglaba siya dahil basang-basa ng pawis ang kanyang damit.
Pero sinagot ito ni Leren ng “Wag ka maglaba, ako na!”
Read: Leren Bautista to boyfriend Ricci Rivero: “Wag ka maglaba, ako na!”
Sa panayam ni Ogie Diaz, na lumabas sa kanyag YouTube channel kahapon, November 26, 2023, sinabi ni Leren na ginawa na lamang nilang biro ni Ricci ang pamba-bash ng netizens sa basketball player tungkol sa hindi umano paglalaba nito ng kanyang mga damit.
Saad niya, “Yung ano naman, yung post na yun, yung Christmas tree post na yun, we're just making fun of us na lang.
“Kasi nga, di ba, parang na-quote na rin na si ano [Ricci] ay hindi naglalaba. So, parang kami, ‘Sige, let's just make fun of this na lang.'
“Kasi kawawa din naman siya since ganun nga yung tingin ng tao sa kanya na parang hindi nga daw siya naglalaba.
"Ang sabi ko, ‘Sige ano, gawin na lang nating light yung pagni-negative na ginagawa nung mga tao sa kanya.'
"So, yun lang naman yun."
Totoo naman daw talaga na naglalaba si Leren.
Nag-ugat ang biruan tungkol sa labada dahil sa alegasyon ni Andrea Brillantes, ex-girlfriend ni Ricci, na hindi nilalabhan ng dating karelasyon ang mga damit nito.
Sa tingin ba ni Leren ay "vindicated" sila sa mga pangyayari ngayon?
Mahabang tugon ng beuaty queen-politician, "Yung ngayon na lang, Tito, feel ko kasi, siyempre nasa show business din.
"So, mahirap din yung posisyon and mahirap din lalo ngayon sa social media.
"So parang ako, honestly, nagugulat din ako kasi hindi naman ako sanay dun sa nangyayari. So it’s very new to me.
"It's different from the pageant scene, it's different from the political side.
"Ngayon, parang, kahit anong gagawin mo ngayon, may masasabi yung ibang tao. And even if you do good, may masasabi din. And even kung may makikita man silang mali, talagang ia-attack ka talaga nila."
Pagpapatuloy ni Leren, “Kami naman ngayon, we're really focusing on our careers, our work.
"So, yun lang, we wanna stay positive na lang. Kasi ang hirap din if we put focus on the negative.
"Sabi ko nga, mas pag-igihan na lang namin ang mga trabaho namin and kung saan kami patungo, since siya sa PBA career niya and ako, as a councilor in Los Baños.
“Sabi ko, mas ipakita na lang namin kung sino kami with our work."
Inamin ni Ricci ang relasyon nila ni Leren sa pamamagitan ng isang Instagram post noong October 21, 2023.
Read: Ricci Rivero finally admits relationship with Leren Mae Bautista