Engaged na ang dating child actress na si Krystal Reyes sa kanyang non-showbiz boyfriend na si Lawrence dela Cruz.
Sa Instagram post ni Krystal nitong Lunes, March 25, 2024, masaya niyang ibinahagi ang naging proposal sa kanya ni Lawrence.
Kalakip nito ang litrato habang nakaluhod ang kanyang nobyo, at larawan kung saan ipinapakita niya ang kanyang engagement ring.
Base sa post, naganap ang prposal ni Lawrence kay Krystal sa isang private resort sa Basco, Batanes, habang palubog ang araw.
Mababasa sa caption ni Krystal (published as is), "I’d like to hang out with you for my whole life ..[heart emoji]."
Sa comments section ng post ay bumuhos ang pagbati ng ilan sa mga kaibigan, fans, at dating kasamahan ni Krystal sa showbiz.
Kabilang sa mga nagpahatid ng congratulatory messages ay ang Kapuso stars na sina Barbie Forteza, Bea Binene, Joyce Ching, Shaira Diaz, at Carla Abellana.
Komento ni Barbie, "Waaaaahhhh congratulations, @krystalreyes08."
Sabi ni Bea, "AWWWWWWW."
"OH MY GULAAAAAY! CONGRATULATIONS TALAAAAA! IM SO HAPPY," saad naman ni Joyce.
Mensahe naman ni Shaira, "Congratulations bessy!!!!," [heart emojis].
Bati ni Carla, "Congratulations, Krystal! [heart emoji]."
Read: Former child star Krystal Reyes takes on teen roles
Si Krystal, o Jolina Marie Bautista Reyes sa totoong buhay, ay unang nakilala sa kanyang pagganap bilang batang Krystal sa 2006 hit GMA-7 drama series na Bakekang.
Kabilang pa sa mga teleseryeng tinampukan niya ay ang Mga Mata ni Anghelita (2007), Kaputol Ng Isang Awit (2008), Rosalinda (2009), Bantatay (2010-2011), Munting Heredera (2011-2012), Anna Karenina (2013), Carmela (2014), at Healing Hearts (2015).
Read: Krystal Reyes graduates from child roles; now part of love triangle in Munting Heredera