Nagsalita si Leon Barretto, 21, tungkol sa pagpo-post niya noon ng open letter para sa amang si Dennis Padilla kaugnay ng sigalot nilang mag-aama.
Noong 2022, naglabas ng saloobin si Leon sa Instagram kaugnay ng madalas na pagpu-post ni Dennis sa social media ng hinaing nito sa mga anak na sina Julia Barretto, Claudia Barretto, at Leon.
Sina Julia, Claudia, at Leon ay mga anak ni Dennis sa dating asawang si Marjorie Barretto.
Dahil sa pagsasapubliko ng mga tampo ni Dennis sa tatlong anak, inuulan ng matinding batikos ang magkakapatid dahil natitikis umano ng mga ito ang kanilang ama.
Read: Dennis Padilla laments not getting Father’s Day greeting from children Julia, Claudia, Leon
Naglabas ng open letter noon si Leon para sa amang si Dennis bilang “stepping up to protect my sisters.”
Naging agaw-atensiyon ang open letter na ginawa ni Leon dahil kadalasan ay si Julia ang nagre-react, pati na rin ang kanilang ina, pagdating kay Dennis.
Sa guest appearance nila ng kapatid na si Julia sa ABS-CBN morning show na Magandang Buhay ngayong Biyernes, April 19, 2024, natanong si Leon tungkol sa kanyang Instagram post noon para sa ama.
Paliwanag ni Leon ukol sa kanyang ginawa, “As the only boy in the house, I felt like it was my job also to stand up for my sisters naman, because my sisters really don’t want issues naman.
“At the end of the day, they just really want peace.
“But I feel like sometimes you just have to stand up for yourself, but I wanted to do that for them.”
Nagbigay rin ng reaksiyon si Julia sa ginawang pagtatanggol ng kanyang nakababatang kapatid na si Leon.
Sabi ni Julia, “Grateful, of course. Because I feel like all throughout, parang wala naman naging protector for me.
“So, technically, parang that was the first time somebody stood up for me and it was Leon pa.
“I did not expect ever in my life that it would be my younger brother.
“E, malaki na kasi siya, e, so nagiging protective na siya sa girls. He’s the only boy.”
Read: Julia Barretto on younger brother Leon: “I’m grateful he spoke up and he protected us.”
LEON’S OPEN LETTER TO DENNIS IN 2022
June 26, 2022 nang i-post ni Leon sa Instagram ang kanyang open letter.
Tugon ito ng binata sa ginawang IG post ng amang si Dennis na tila kinakastigo silang tatlong magkakapatid sa hindi pagbati sa ama ng “Happy Father’s Day.”
Ang mga ganitong post ni Dennis ay nagreresulta para magkomento ang netizens at punahin at batikusin sina Julia, Claudia, at Dennis.
Sa kanyang open letter, naglabas ng hinaing si Leon.
Parte ng kanyang post, “Papa, why does it seem like you enjoy hurting your kids in public?
"Why do you keep posting cryptic posts about us and allow people to bash us on your own Instagram page?
"Do you think it does not pain all of us not to feel protected by their own father?
"It's not that we don't want to talk to you, but the few times that we do to resolve the issues, you communicate by shouting, cursing, and using hurtful words that traumatize us."
Tanong ni Leon sa ama: "Is public sympathy really more important to you than your own children?
"Your words have the power to destroy your children, papa."
"It's exhausting, papa. As the only man in the family, this is me stepping up to protect my sisters.
"I need you to know that I want nothing else but to move forward in the safest and healthiest manner possible. I want peace, papa."
Hinaing pa ni Leon, ang ginagawa raw ni Dennis ay paninira sa kanyang mga ate na hindi naman daw nagsasalita laban sa kanilang ama.
Ani Leon sa letter, “For years I watched my sisters get torn into pieces because of your false narratives and not once did they explain their side nor speak negatively about you in public.”
DENNIS’ SIDE OF THE STORY
Tinalakay naman ni Dennis ang isyung ito nang ma-interview ng batikang entertainment writer na si Aster Amoyo sa kanyang YouTube vlog noong April 12, 2024.
Paliwanag ni Dennis sa interview, dinadatnan siya noon ng pangungulila sa mga lumalaking anak na matagal na niyang hindi nakakasama.
Sabi ni Dennis, mga apat o limang taon na niyang hindi nakikita ang mga anak kay Marjorie.
Ayon sa aktor, “Nung nakita ko na naglalakihan na sila, siyempre, that was the part na gusto ko silang makita o makasama na hindi ako nagkaroon ng pagkakataon.”
Ang pagpo-post daw sa social media ang naisip niyang paraan para makarating sa mga anak ang kanyang mga mensahe on special occasions.
“Gusto ko lang makarating na I remember them on these special days,” katuwiran ni Dennis.
Gayunpaman, napapalaki naman ito dahil sa pagbatikos ng netizens.
Natauhan daw si Dennis nang maglabas ng open letter si Leon.
Sabi ni Dennis, “Dun ko na-realize na, yun nga, nakasama rin yung lagi akong nagpo-post ng mga picture nila, tapos yung mga angst ko dun ko inilalabas.
"So, inalis ko na yun. Hindi ko na ginagawa yon.
“Ang nilalagay ko na lang sa social media when I want to greet them happy birthday, Merry Christmas.
"Parang yun lang ang paraan ko para maka-reach out sa kanila.”
Samantala, binanggit ni Dennis na nakatanggap siya ng birthday greeting mula kay Julia noon lamang February 9, 2024.
Gamit daw ni Julia ang kanyang old phone number.
Nito lamang April 2 ay binati ni Dennis si Leon sa birthday nito via social media. Sumagot at nag-thank you naman si Leon.
Read:
- Dennis Padilla, nakatanggap ng mensahe mula kay Julia Barretto
- Leon Barretto thanks dad Dennis Padilla for birthday message