Inamin ni Awra Briguela, 20, ang kanyang pagkakamali nang masangkot noong nakaraang taon sa isang gulong ikinapresinto niya.
Sabi pa niya, napariwara siya noon dahil tumatakas siya sa mga personal na problema.
Halos gabi-gabi raw siya noon sa mga bar at umiinom para panandaliang makatakas sa mga suliranin.
Pinag-usapan nang husto si Awra nang madawit sa isang gulo sa isang bar sa Makati City, noong June 29, 2023.
Read: Awra Briguela, pinosasan matapos masangkot sa rambulan sa Makati
Nag-viral ang kuhang videos kay Awra na makikitang nakikipagrambulan sa mga nakainitan sa bar.
Nakita rin ang pakikipaggirian niya sa mga pulis habang pinoposasan siya.
Dinala siya sa presinto at napiit nang ilang araw. Sinampahan din siya ng patung-patong na reklamo.
Halos isang taon na ang nakalilipas, sinabi ni Awra na pinagsisisihan niya ang pagkakamali niyang iyon.
AWRA OPENS UP ABOUT 2023 "RAMBULAN"
Nagsalita si Awra tungkol sa insidentang ito sa YouTube interview sa kanya ni Vice Ganda nitong May 2, 2024.
“I’m okay. I’m getting better and I’m getting stronger,” sagot ni Awra nang kumustahin siya tungkol sa pangyayaring iyon.
Bakas din na nagsasalita si Vice on behalf of Awra.
Si Vice ang siyang tumatayong manager ni Awra.
Sabi ni Vice ukol sa alaga, “Ang suma naman nun, lahat kayo nagkamali. Lahat kayo may sobra at pagkukulang.
“Inamin mo naman yun, di ba? Hindi mo naman ine-excuse yung sarili mo sa pagkakamaling nangyari nung gabing iyon.”
“Yeah, I own up to my mistakes,” sundot ni Awra.
Aminado si Awra na bumigay siya matapos ang kontrobersiyang ito.
Sabi niya, “Ako yung taong hindi ko kayang magpakita ng weakness ko sa mga taong mahal ko, gano'n.
“Kaya after what happened, kaya after nung nakauwi na 'ko, siyempre, lugmok na lugmok na ako. Umiyak na ako. Yung time na hindi ko na talaga kaya.
“Nung nakulong ako parang hindi ko pa rin siya ma-realize na nangyayari na sa akin yun.”
Read: Awra Briguela bar brawl incident: A timeline
AWRA WAS "Walwalera, nomoera, rampadora"—VICE GANDA
Hindi nga raw inasahan ni Awra na pagdadaanan niya ang ganoong pangyayari.
Pero sinabihan siya ni Vice, “Walwalera ka noon. Walwalera, nomoera, rampadora. Sumobra ka din naman talaga. Tumodo sa edad na 19 anyos. Itinodo mo lahat, di ba?”
Sagot ni Awra, “Sumobra talaga. Super ano talaga ako noon, super gimikera. And I just want to have fun talaga and makalimot ng problema.
“So, in short, tinatakbuhan ko yung problem ko, hindi ko siya hinaharap. Tinalikuran ko. So, nung nangyari siya sa akin, di ako makapaniwala.”
Ang pagwalwal daw ang naging paraan ni Awra para pansamantalang makalimot sa mga problema.
Hindi naman niya idinetalye kung ano ang mga problemang iyon.
Payo ni Vice sa kanya, “Hindi masamang tumakas paminsan-minsan, lalo na pag ang sakit-sakit na, di ba?
“Ume-escape talaga tayo, pero kailangan alam natin na hindi iyon ang solusyon. Tatakas ka sandali para magpalakas, pero kailangan mong balikan ang issues mo.”