Mali ang hula ng netizens na si Sarah Lahbati ang "Chucky" na pinasaringan ni Annabelle Rama sa post nito kamakailan.
Sa Facebook noong June 5, 2024, nag-post si Annabelle ng nakakaintrigang pasaring tungkol sa hindi nito pinangalanang "Chucky" na gusto raw makalaban ni "Annabelle Doll."
Si Chucky ay isang demon doll mula sa sikat at classic horror movie na Child's Play (1988). Habang si Annabelle naman ay ang possessed doll sa Annabelle film series.
Mababasa sa post ni Annabelle Rama (published as is): "Hoy!! Yung walang magawa sa buhay tumahimik na kayo.
"Kasi si Annabelle Doll hindi lalaban kay Barbie Doll maganda, maputi at makinis.
"Ang gusto makalaban ni Annabelle Doll si Chucky. Alam nyo na kung sino yun HAHAHA happy kana!?"
Read: Who is Annabelle Rama alluding to in her "Chucky" post?
Mabilis na kumalap ng samu't saring komento ang post na ito ni Annabelle.
Marami sa netizens ang naghinalang si Sarah ang pinapatungkulan ni Annabelle na "Chucky."
Si Barbie Imperial naman daw ang tinutukoy ni Annabelle na "Barbie Doll" na "maganda, maputi, at makinis."
May espekulasyong nasabi ito ni Annabelle dahil magpahanggang ngayon ay hindi sila magkaayos ni Sarah, estranged wife ng anak niyang si Richard Gutierrez.
Habang si Barbie naman ang nali-link ngayon kay Richard.
Read: Did Barbie Imperial post gym photo with Richard Gutierrez?
WHO IS CHUCKY?
Sa patuloy na pagdagsa ng comments sa post ni Annabelle, at sa pagturo ng netizens na si "Chucky" ay si Sarah, tila hindi na nakatiis ang kontrobersiyal na ina ni Richard na bigyan ng clue ang netizens kung sino talaga ang pinapasaringan niya.
Sa comments section, nag-iwan ng komento si Annabelle na mas nagpaintriga sa mga sumusubaybay sa kanya.
Ang exchange nila published as is:
Ani Annabelle, "MALI ang hula nyo kung sino si CHUCKY."
Bagay na nireplayan ni Senyora, isang social media personality. Hirit ni Senyora, "Initials po ni Chucky?"
Mabilis naman itong nireplayan ni Annabelle, "Senyora matalino ka day! Dapat alam mo na.
"Hindi S.
"E!!"
IS ANNABELLE ALLUDING TO ESTHER LAHBATI?
Dahil sa ibinigay na initial ni Annabelle, nabaling ang atensiyon ng netizens sa ina ni Sarah na si Esther Lahbati—na siya raw tunay na pinaparinggan ni Annabelle.
Nakumbinsi pa ang ilan na si Esther nga ang pinapatungkulan ni Annabelle nang may isang netizen ang magtanong ng, "Yung ina ba ni SL?"
Na nireplayan ni Annabelle ng face with tongue emoji.
Hindi naman nagpatinag si Esther nang may isang netizen ang magparating ng pasaring sa kanya ni Annabelle.
Sa Instagram noong June 9, may isang netizen na nagkomento sa post ni Esther.
Ang exchange published as is:
Sumbong ng netizen, "Tingnan nyo po yung post ni Ms Annabelle Rama sa facebook oh."
Sagot ni Esther, "Bskit no need abala lang sa akin,Thank you."
Dagdag din niya, "Hayaan na natin sya.si LORD na bahala sa kanya."
Read: Esther Lahbati laughs at "ginaya" comment on Barbie Imperial
ANNABELLE-ESTHER RIFT
Unang nagpasaringan ang magbalaeng sina Annabelle at Esther nang magkahiwalay ang mga anak nilang sina Richard at Sarah, noong March 1, 2023.
Sa isang interview noong December 8, 2023, sinabi ni Annabelle na nakatira sa kanya ang anak na si Richard at balak na nitong lumipat matapos ng Pasko.
Read: Annabelle Rama, iginiit na wala siyang kinalaman sa hiwalayang Richard Gutierrez at Sarah Lahbati
Sinabi ni Annabelle na kasama rin ni Richard ang dalawa nitong anak
Pigil ang pagsasalita ni Annabelle, na kilalang mas madalas ay todo-todo lang.
Subalit ang kanyang mga pahayag ay nagbigay ng indikasyong posibleng may katotohanan sa paghihiwalay nina Richard at Sarah.
Read: Did Annabelle Rama just confirm Richard Gutierrez-Sarah Lahbati breakup?
May pasaring naman ang Moroccan father ni Sarah sa isang Instagram post noong December 8, 2023.
Sa larawan, kasama ni Abdel Lahbati ang misis na si Esther, si Sarah at ang dalawang anak nina Sarah at Richard na sina Zion at Kai.
“Enjoying every moment with family. The convoy keeps going and don’t mind dogs barking [flexed biceps emoji],” ang siyang caption ni Abdel.
Pakiwari ng netizens ay pasaring ito kay Annabelle.
Read: Who is Sarah Lahbati’s father alluding to in “dogs barking” post?
Isa namang patutsada ang nanggaling kay Annabelle sa post nito noong December 10, 2023, nang i-post niya ang kuwento ng Hollywood movie na Gone Girl (2014).
Makahulugang caption ni Annabelle: "Devil Woman, makamandag, manipulative, BEST LIAR. Please watch Gone Girl sa netflix, makita nyo ang leading lady ni Ben Affleck. I watched it 3 times. Hulaan nyo kung sino ang tinutukoy kung babae na DEVIL WOMAN”
Read: Who is Annabelle Rama alluding to in “Devil Woman, makamandag, manipulative, BEST LIAR” post?
Sinabi rin ni Annabelle sa isang interview na trabaho nang trabaho ang anak niyang si Richard samantalang “yung isa nagwawaldas ng pera.”
Suspetsa ng netizens ay si Sarah ang pinasaringan ni Annabelle rito. Ito rin ang dahilan kung bakit binansagang "Patron Saint of Waldas" ang estranged wife ni Richard.
Bagay naman na hindi inatrasan ni Sarah ng eksklusibo siyang makapanayam ng PEP.ph (Philippine Entertainment Portal), sa opening ng Travertine: Longevity and Wellness Spa sa EDSA Shangri-La Plaza, noong January 24, 2024.
Natawa lang ang celebrity mom sa "Patron Saint of Waldas" moniker.
Aniya, "I think it's funny. Yeah, it's just something I laugh about... I don't take anything seriously. That's another secret to be happy."
Hindi rin daw siya nagpapaapekto sa mga ito, dahil alam niyang sa totoong buhay ay "very good" siya pagdating sa paghawak ng pera.
Read: Sarah Lahbati responds to "Patron Saint of Waldas" tag with humor