Hiwalay na ba ang mag-asawang John Estrada at Priscilla Meirelles?
Ito ang tanong ng netizens matapos pag-usapan online ang komento ni Priscilla sa recent Instagram post ni John, habang nagbabakasyon ang aktor sa Boracay.
Makikita sa post ni John nitong July 14, 2024 ang litrato niya habang ipinapakita ang view ng hotel na kanyang tinutuluyan.
May caption ito na "What an awesome place."
Sa comments section, may netizen ang pabirong nagtanong kung sino kina Lena (Mercedes Cabral) at Marites (Cherry Pie Picache) ang kasama ni Rigor (karakter ni John) sa FPJ’s Batang Quiapo.
Si Marites ay asawa ni Rigor, habang kabit naman ni Rigor si Lena.
Ikinagulat ng marami ang sagot ni Priscilla.
Read: John Estrada describes Priscilla Meirelles as “best wife, best mom” weeks after marital issue
Imbes na makisakay siya sa biruan ng netizens, ibinuking ni Priscilla na wala kina Lena at Marites ang kasama ni John sa Boracay.
Isang babae nagngangalang "Lily Hallman" ang waring pasarkastikong inihirit ni Priscilla.
Read: Priscilla, ibinuking kung sino ang kasama ni John sa Boracay
May dagdag na hirit pa si Priscilla na lalong ikinaintriga ng netizens.
Aniya, "Looking very divorced Mr. Estrada."
Naka-tag muli rito ang IG user na Lily Hallman.
NETIZENS' REACTION
Marami ang napatanong kung sino si "Lily Hallman" na tinukoy ni Priscilla. Hindi mawari kung taga-showbiz ito o hindi.
Pero dahil sa komento ni Priscilla, hinala ng netizens ay dumaraan na naman sa isang pagsubok ang relasyon ng mag-asawa.
Tweet ng isang netizen, "Ang tapang ni Priscilla Meirelles mala Janice din. Hahaha. Kasi ba naman ganyang mga lalaki di na pinagkakatiwalaan at minamahal yan. Haha."
Saad pa ng isa (published as is), "cant change an old dog. Kaya nga hiniwalayan yan ni Janice de Belen, dahil babaero. Now u know, Priscilla Meirelles. Another break-up coming soon? Break-ups are not always bad."
Si Janice de Belen ay dating asawa ni John.
Naghiwalay sila noong 2001, matapos silang ikasal noong 1992, o siyam na taong pagsasama.
Alam sa showbiz na ang matinding pinag-awayan noon nina Janice at John ay ang pagkakaroon ng third party, dahilan kaya sila tuluyang naghiwalay.
May apat na anak sina John at Janice: sina Inah, Kaila, Moira, at Yuan. Parehong pumasok ng showbiz sina Inah at Kaila.
Priscilla MEIRELLES Facebook live
Nakadagdag pa sa kutob ng netizens na may pinagdaraanan ang dalawa nang umalis ng bansa si Priscilla nang hindi kasama si John.
Nitong Lunes, July 15, nag-post si Priscilla sa kanyang Instagram account ng kuha niya sa loob ng eroplano at sa airport kasama ang anak nila ni John.
Caption ni Priscilla, “What’s next?! [Brazil flag at airplane na emoji].”
Nasa hashtag nito ang Brazil at ang lungsod na Manaus sa Brazil.
Nasa hashtag din ang #familyvacay at #vacay2024.
Kasunod ito ng pagla-live niya sa Facebook para maglabas ng saloobin sa hindi nila pagkakaunawaan ni John.
Inamin ni Priscilla na nagtungo siya sa Brazil para makapag-isip-isip.
Saad niya sa livestream: "I'm just so blessed I'm able to do that all the way here in Brazil and in the U.S.
"Because sometimes it's better for you to take yourself out of the situation.
"So that you can think clearly, so that you can do the things that you need to do with a clear mind and heart."
Sa gitna ng pagla-live ni Priscilla, may isang netizen diretsong nagtanong kung may third party sa isyu nilang mag-asawa.
Sabi ng netizen, "Idol, may new na naman ba si John? Grabe naman, napakaganda mo na para maghanap pa ng iba."
Mabilis naman ditong nag-react si Priscilla, "Ay, ano ba to? Nako po, ganun talaga ang buhay."
Waring nadulas na hirit niya, "Wala naman, wala, e... wala pa namang divorce sa Pilipinas, di ba?"
Sabay bawi rin niya, "Joke lang, guys. Basta ang gusto kong sabihin is that konting respect lang."
PRISCILLA: "I HAD ENOUGH"
Hindi binanggit ni Priscilla sa livestream ang pasarkastikong hirit niya sa comments section na may ibang babaeng kasama si John.
Pero mahihinuhang may kinalaman sa problema nilang mag-asawa ang gusto niyang tumbukin sa kanyang livestream.
Mabigat ang hirit niya na waring sumagi sa isip niya ang "divorce," kahit pa sabihing binawi niya rin ito.
Katuwiran naman ni Priscilla, mapagpasensiya at mapagpatawad siya sa taong karapat-dapat bigyan ng second chance.
Ngunit dumarating daw talaga sa puntong masasagad siya.
Sabi niya: "I'm a very patient [person]. I'm very kind. I'm a very forgiving person.
"But until the limit. When I get to my limit, I'm sorry.
"I don't think I'm the best person for you to fight.
"Because, you know, the nicest people, they turn to be the most dangerous people.
"Because when we give our best and we get to the limit of the abuse of certain people, we know we just throw, we don't care anymore."
Idiniin din ni Priscilla na may mga pagkakamaling hindi puwedeng basta na lang palampasin.
Aniya, "I think when you do things, you need to be very careful about the consequences of the things that you do in life.
"We're all grown-ups, right? We're grown-up. We're all adults.
"Everything that you do, there is a consequence. And I refuse to let it pass anything from this point onwards.
"So, that's basically who I am."
Mahihinuhang alam ni Priscilla na maaari siyang mapulaan sa pagsisiwalat niya ng pribadong bagay sa kanyang buhay.
Pero nakikita raw niya na ito ang tamang gawin.
"Sometimes you just want to just to tell, to help with everything, you know...
"I had enough.
"Maybe I'm in my time that I said, I need to say, I had enough. Right?
"I have a voice. I had enough," saad ng Brazilian beauty queen.
HOPING FOR UNDERSTANDING
Tila umapela pa si Priscilla na maintindihan siya sa kanyang pinagdadaanan.
Dagdag na pahayag niya: "I want to also remind everyone that, you know, things that you see in social media, they don't seem to, they're not always true to life.
"I hope you guys understand that being a celebrity, sometimes, you know, we go through things and you do things and you do for the well-being of everyone.
"But it does not reflect who you are as a person. It does not reflect what you have in your heart."
Read: Priscilla Meirelles responds to netizen calling her John Estrada's "second wife"
Sa huli, may mensaheng iniwan si Priscilla sa kanyang mga tagasuporta.
"I just want to wish you all the very best. Please, do remember and remind yourself to be always kind to everyone.
"We don't know the battles that other people are going through. We are mere spectators in social media.
"We don't know what's going through. We just see what people want us to see.
"Today is a new day. Tomorrow is an even newer day and life goes on."
Samantala, hindi ito ang unang beses na mapabalitang may pinagdaraanan ang relasyon nina John at Priscilla.
March 2023 nang magparinig si Priscilla sa mga babaeng dumidikit sa lalaking may asawa.
Read: Why is Priscilla Meirelles asking what to call a woman who entertains a married guy?
April 2023 nang inanunsiyo ni Priscilla na pinili niyang magkaayos sila ni John dahil parte raw ng buhay ang mga di pagkakaunawaan.
Read: Priscilla Meirelles says she and John Estrada decide to "fix the light" amid marital issues