Ilang sandali matapos mag-post ng cryptic message ang beteranong aktor na si Niño Muhlach, ang kanyang misis na si Diane Tupaz naman ang nagbahagi ng cryptic post sa Facebook.
Si Diane ang ina ng dating child star na si Alonzo Muhlach at stepmother ng Sparkle artist na si Sandro Muhlach, mga anak ni Niño.
Read: Alonzo Muhlach seen as the next child wonder after his dad Niño
DIANE TUPAZ: "ITUTULOY NAMIN ANG LABAN!"
Sa Facebook ngayong Miyerkules, July 31, 2024, naglabas ng kanyang saloobin si Diane tungkol sa hindi niya tinukoy na insidente.
Hindi malinaw kung ano ang kanyang pinanggagalingan, pero halatang galit na galit ito dahil naka-all caps ang kanyang post.
Pansin na pansin din sa kanyang post ang mga salitang "kademonyohan" at "kababuyan."
Panimula ni Diane (published as is), "PINALAKI AT ININGATAN NAMING MABUTI ANG AMING MGA ANAK NA PUNO NG PAGMAMAHAL AT PAG AARUGA TAPOS WAWALANG HIYAIN LANG NG MGA KUNG SINONG TAO NA NILAMON NG KADEMONYOHAN SA KATAWAN PARA MAGAWA YUNG GANUNG KLASENG KABABUYAN!"
Nangako rin siyang gagawin nila ang lahat para makamit ang hustisya.
Aniya, "HINDI KAMI MAKAKAPAYAG NA HINDI NAMIN MAKAKAMIT ANG HUSTISYA! HABANG BUHAY NA DADALHIN NG ANAK NAMIN YUNG KABABUYAN NA GINAWA NYO SA KANYA! WALA KAMING PAKIALAM KUNG SINO KAYO O KUNG SINO ANG POPROTEKTA SA INYO!"
Nagbabala rin si Diane na "managot ang dapat managot" at sinamahan pa niya ng hashtag na #JUSTICESHOULDPREVAIL.
Pagtatapos ni Diane, "SISIGURADUHIN NAMIN NA PAGBABAYARAN NYO YUNG GINAWA NYO! HINDI NAMIN HAHAYAAN NA MAY MABIKTIMA PA KAYO NA IBA! ITUTULOY NAMIN ANG LABAN! MANAGOT ANG DAPAT MANAGOT! NAKAKA NGINIG KAYO NG LAMAN!
NIÑO MUHLACH: "INUMPISAHAN NYO, TATAPUSIN KO!"
Kaninang umaga, July 31, 2024, isang cryptic post din ang ibinahagi ng former Child Wonder of the Philippines na si Niño sa kanyang Facebook.
Nakalagay sa post niya: "INUMPISAHAN NYO, TATAPUSIN KO!"
Read: Nino Muhlach, sino ang pinatatamaan sa cryptic post?
Hinala ng ibang netizens, tila may kinalaman ang post na ito ni Niño sa kontrobersiyang kinasasangkutan ng isang aktor na malapit sa dating Child Wonder at dalawang personalidad mula sa industriya ng telebisyon.
Ayon sa ulat ng Cabinet Files, desidido na ang biktima at ang pamilya nitong magkaroon ng hustisya ang diumano'y paglapastangan sa aktor.
Marami ang nakikisimpatiya sa aktor at naniniwalang totoong biktima ito ng seksuwal na pang-aabuso, kahit hindi pa siya nagsasalita.
Read: Newbie actor, muntik nang maging "midnight snack" ng TV execs
ANDREW AND LUIGI MUHLACH
Samantala, pati ang pinsan ni Niño na si Andrew Muhlach ay may cryptic post din sa kanyang Facebook.
Ni-repost nito ang post ng pinsan at nilagyan niya ito ng caption na: "justice will prevail."
Si Andrew ay anak ng yumaong si Cheng Muhlach, na ama rin nina Aga at Arlene Muhlach.
Ni-repost din ng anak nina Aga at Janice de Belen na si Luigi Muhlach ang post ni Niño.
Makahulugan niyang caption dito: "Subukan niyo kami ng gising."
GMA RELEASES STATEMENT
Kahapon, July 30, 2024, naglabas ng pahayag ang GMA Network kaugnay ng insidenteng kinasangkutan umano ng kanilang "artist" at "independent contractors."
Wala pa raw silang natatanggap na pormal na reklamo kaya hindi pa nila matukoy kung may katotohanan ang mga kumakalat online.
Gayunpaman, sakaling magkaroon ng pormal na reklamo, magsasagawa raw sila ng masusi at walang kinikilingang imbestigasyon.
Narito ang kabuuang pahayag ng istasyon:
"Online articles and posts have recently circulated regarding an alleged incident involving an artist and independent contractors of GMA Network.
"We have yet to receive a formal complaint from those allegedly involved in the issue. Should one be filed, the Network is committed to conducting a thorough and impartial investigation.
"We assure the public that GMA Network takes such matters with utmost seriousness."
Read: GMA-7 statement on issue about artist, independent contractors