Dahil tungkol sa relasyon ng mag-ama ang upcoming movie na Fatherland, tinanong namin ang mga kabataang artista na cast member ng naturang pelikula kung ano ang masasabi nila tungkol sa relasyon nila sa kanilang ama.
Ginanap ang storycon ng Fatherland noong August 10, Sabado, sa Ilang Ilang Café sa Manila Hotel sa Maynila.
IÑIGO PASCUAL
Una naming pinasagot ang male lead star ng Fatherland na si Iñigo Pascual, na tulad ng alam ng lahat ay anak ng matinee idol at mahusay na aktor na si Piolo Pascual.
“Okay naman po, si Papa laging nandiyan to support me,” umpisang pakli ni Iñigo.
“Si Papa yung pinapabayaan niya akong gawin kung ano yung gusto ko, with his support.
“And siyempre pag may kailangan akong itanong sa kanya, masaya ako na nandito ako sa industriya na parehas namin nararanasan.
“So madali ko siyang natatanong kung ano ba ang dapat kong gawin or kung ano ang dapat kong maramdaman.
“And a lot of times, I find myself nervous for a lot of things I have to do and he helps me with those,” pag-amin pa ni Iñigo.
Read:
Inigo Pascual, balik-local movie pagkatapos ng Hollywood stint
Cherry Pie Picache at Mercedes Cabral, tulungan off cam
ABED GREEN
Simple lamang ang naging sagot ng Kapuso hunk na si Abed Green.
Ayon sa kanya, “Okay naman po kami, nag-uusap naman, we’re good.”
BO BAUTISTA
Saad naman ni Bo Bautista, “I think I’d say I have a pretty good relationship with my dad, kahit hindi po kami laging nagkikita.”
Si Bo ang anak na dalaga ng dating magkarelasyong sina Romnick Sarmenta at Harlene Bautista.
Dagdag pa ni Bo, “Kapag pareho kaming free naman, kapag walang work, nagkikita naman po kami, and he’s always there to support me and my siblings. So, ayun, okay naman po kami.”
ARA DAVAO
Lahad naman ni Ara Davao, “Same kami ni Iñigo, since nasa industriya siyempre yung Papa ko, nalalapitan ko siya for advice.
“Tapos, nasasabi din niya sa akin na, ‘maganda yung ginawa mo dito pero next time i-improve mo ‘to,’ so open kami sa ganun, and yun, very supportive siya.”
Si Ara ay anak nina Ricky Davao at Jackielou Blanco.
JERIC GONZALES
“Ako, miss na miss ko na po yung tatay ko, kasi na-busy… sa industriya natin busy,” saad naman ni Jeric Gonzales.
“Hindi na nakikita yung magulang natin, so yun nga, nag-birthday ako, hindi ko nga sila nakasama, so later may celebration kami, so makikita ko siya.
“So they are my support system, yung tatay ko, very close kami, and pag busy ako nagtatawagan lang kami about basketball, boxing, ganun.
"So, ano na, very relaxing sa akin,” sinabi pa ni Jeric.
YASSER MARTA REVEALS STRAINED RELATIONSHIP WITH DAD
Nakakagulat naman ang naging reaksyon ni Yasser Marta tungkol sa usaping mag-ama.
Aniya, “Ako naman po, yung tatay ko…
”Sa totoo lang, galit ako sa tatay ko, e. Kasi siguro nung bata kami parang iniwan niya kami, ganun.
“Pero kuwento ko lang din, after almost fifteen years, umuwi siya last week dito sa Pinas.
“So halu-halong emosyon, pero happy naman at nagkasama na ulit yung pamilya, pero umalis na siya last night, hinatid namin.
“So, medyo madaming emosyon, e. Hindi pa nagsi-sink in sa akin, pero happy at least nagkita na, nakapag-usap na yung pamilya.”
Labinglimang taon silang hindi nagkita ng ama niya, ayon pa rin kay Yasser.
Ilang taon siya nang iniwan silka ng tatay niya?
“Thirteen years old, nung lumipat kami dito sa Pinas, kasi born and raised po ako sa ibang bansa, e.
“Nung pumunta kami dito hindi na kami ulit nag-usap at nagkita, tapos last week lang siya umuwi.”
Hindi na siya galit sa ama niya?
Lahad niya, “Siyempre masaya nung una ko siyang nakita, pero ang dami ding ano, e…
“Parang ang daming… parang sinabi ko din sa kanya nung pagdating niya na, after 15 years eto na pala yun, parang hindi pa rin siya po nag-aano sa akin e, parang hindi pa pumapasok sa loob ko, e.
“Pero yun, naging… para na din sa nanay ko, para maging masaya na lang din yung nanay ko, ayun, parang binuo ko na lang po yung samahan namin, nung family.”
Portuguese ang ama ni Yasser na sa Riyadh, Saudi Arabia nagtrabaho. Nagkaroon raw ng problema sa trabaho ang ama niya kaya nito lamang nakauwi.
“Na-bankrupt yung company, hindi na siya naka-support din,” dagdag na kuwento pa ni Yasser, “Ngayon pa lang ulit nakabangon.”
Nakauwi raw sa Pilipinas ang ama niya matapos itong mabayaran ng naturang kumpanya, umuwi ito para puntahan at makita si Yasser.
“Sobrang mixed emotions, nakakatuwa pero sobrang happy dahil buo na ulit ang pamilya.”
Malamang raw bumalik sa Pilipinas sa Disyembre ang ama ni Yasser.
Read:
Yasser Marta, muling nakapiling ang ama pagkalipas ng 15 taon
Ang Fatherland ay produced ng Heaven’s Best Entertainment ni Harlene Bautista at BenTria Productions ni Engineer Benjie Austria.
Mga artista rin dito sina Allen Dizon, Cherrie Pie Picache, Richard Yap, Ara Mina, Mercedes Cabral, Max Eigenmann, Rico Barrera, Jim Pebanco at Angel Aquino, sa direksyon ni Joel Lamangan at panulat ni Roy Iglesias.