Puring-puri ng seasoned actors na sina Michael de Mesa at Eula Valdes ang Forever Young co-star nilang si Euwenn Mikaell.
Si Euwenn ang itinanghal na Best Child Performer sa Metro Manila Film Festival 2023 dahil sa pagbibigay-buhay niya sa karakter ni Tonton sa Firefly, na hinirang ding Best Picture.
Read: Vilma Santos, Cedrick Juan, Firefly, Gomburza win big at MMFF 2023 Gabi Ng Parangal
Ang Forever Young ay ang upcoming Afternoon Prime drama ng GMA-7 na mapapanood simula sa October 21, 2024.
Ang The Curious Case of Benjamin Button, ang Hollywood movie ni Brad Pitt na ipinalabas sa mga sinehan noong Disyembre 2008, ang inspirasyon ng kuwento ng Forever Young.
Ginampanan dito ni Brad ang karakter ni Benjamin Button, ang lalaking nagkakaedad nang pabaligtad dahil pabata nang pabata ang kanyang hitsura.
Read: Firefly star Euwenn Mikaell bida sa afternoon drama series ng GMA-7
EULA VALDES, MICHAEL DE MESA ON EUWENN MIKAELL
Sa mediacon ng Forever Young noong Martes, October 15, sinabi ni Eula na nagagalingan na siya kay Euwenn kahit hindi pa sila nagkakasama noon.
Lahad ng aktres, "Una ko siyang napanood kasi sa Fast Talk.
"So from there, napansin ko na hindi siya karaniwang bata. Hindi yung kapag may tinanong, ang sasagutin, 'Ano po... ah.'
"Siya hindi, nag-iisip siya. So winish ko noon na, 'Sana, sana makatrabaho ko itong batang to, nakakatuwa.'
"Tapos biglang itong project na ito, siya yung makatrabaho ko. So, tuwang-tuwa ako na makaeksena siya.
"Siyempre, hindi naman maiiwasan na andun pa rin yung pagkabata niya, e. Makulit pa rin."
Maganda rin daw ang naririnig ni Michael tungkol kay Euwenn bago pa sila magkasama sa Forevery Young.
Saad ng aktor: "Una kong narinig ang pangalang Euwenn Mikaell ay dahil sa Firefly, although, to be honest, hindi ko pa siya napapanood.
"Sabi nga ni Euwenn kahapon, e, 'Panoorin mo na, panoorin mo na kasi.'
"Tapos, nabalitaan ko na marami siyang napanalunang awards dahil sa Firefly.
"Tapos, una ko siyang na-meet nung nag-get together yung cast for a table read.
"And doon pa lang, medyo ha, na-impress ako kasi nag-deliver siya sa table read.
"Pero noong nagti-taping na kami, super na-impress talaga ako sa kanya kasi katulad ng sinabi ni Eula, hindi siya pangkaraniwang bata."
Pagpapatuloy ni Michael: "And as an actor, hindi lang siya basta-basta yung makikinig sa instructions, kasi meron siyang questions.
"So, yun ang maganda sa kanya because he's also a thinking actor.
"Hindi niya basta-basta bibitawan. Kailangan niya ng concrete motivation kung bakit niya ginagawa ito, kung bakit niya kailangan gawin.
"So for somebody who's 11 and ganyan na siya magtrabaho, I can say na he's an extraordinary actor.
"This boy is gifted. I'm always on my toes kapag kaeksena ko siya kasi marami kaming eksena together.
"And hindi, you can't just wing it kasi yung mga binibigay niya sa yo, madadala ka talaga.
"Kaya super enjoy ako kapag kaeksena ko siya.
"And not only that, even off-camera, kapag nag-uusap kami, we just don't talk about the project but we talk about life.
"And for an 11-year-old, he's very, very mature. Ayaw nga niyong mag-asawa, e, kasi mahirap daw ang child custody."
Read: Olive May, love interest ni Euwenn Mikaell sa Forever Young
DIRECTOR GIL TEJADA ON EUWENN AS THE STAR IN FOREVER YOUNG
Ipinaliwanag naman ng direktor na si Gil Tejada ang kuwento ng Forever Young.
Saad niya, "Kasi actually, concept to nung isang writer namin ano.
"So, actually ang concept nito, to create something different, something new, out of the box, na hindi pa nakikita ng tao.
"Di ba, ang pansin mo, yung bida natin, bata, pero yung age niya is already 25 years old.
"So, more or less, alam na natin, he's already matured. So, yun ang magiging buhay niya."
Masaya naman si Direk Gil na ipapalabas na ito bago pa man ang election ban.
Tungkol kasi ito sa eleksyon at baka maapektuhan ang kandidatura ni Alfred Vargas na cast member ng show.
Sabi niya, "Actually, it was a sort of a blessing for us na iere na siya.
"Kasi kung next year, parang mapapansin na siya sa election, si Alfred tatamaan sa election ban.
"So, automatic, magiging problema namin.
"So, I think it's a wise decision for the management to show it ahead of time and very timely na naman.
"Kasi nag-file na ng election last week, tapos next week tayo naman ang iere.
"So, very timely ang kuwento natin."
Matagal na bang nagawa ang Forever Young?
Paliwanag ni Direk Gil, "We started conceptualizing this as early as February 2023.
"So, we're looking for somebody who could portray the role. So, it started with a female lead.
"Pero siguro nakawalong audition ako. Wala kaming makita.
"Until such time we stopped auditioning prior to Christmas.
"Nung nanalo si Euwenn sa Metro Manila Film Festival...
"So, it was a sudden turn of events na parang sabi ng management, 'Why not come up with a male lead instead of the female?' Na ang tagal naming hinahanap."
Pagpapatuloy ng direktor, "Matagal na po nagawa yung script. Kasi, di ba, usually naisip siguro natin na parang yung babae, mas endearing.
"Pero yung karisma nung bata, nung nakita at nanalo dun sa Firefly, parang nagbago yung ano.
"So, we tweaked everything. So, instead na naka-conceptualize for a female lead, it turned out na parang mas swak pala sa lalaki.
"So, it was a blessing in disguise, na parang ganun po yung nangyari."
Kumusta si Euwann sa trabaho?
Sabi ng direktor, "Ah, yung bata, hindi sanay mag-work sa TV.
"Kasi, di ba sa TV, ang number of sequences, mas marami compared sa film.
"So, it was... how do I say this, ang laking adjustment na ginagawa nung bata.
"So, sa part din namin, kailangan din kami mag-adapt din sa kanya, para makuha din namin yung working style niya at saka working habit.
"So, we meet halfway. So, nag-workshop kami, ang daming kausap sa magulang, ang daming oras na kinausap namin yung bata.
"You have to develop a sort of focus and dedication kasi we imagine na 11 years old yung bata, pero ang gagampanan niya nang role is 25 years old.
"So, ang daming mga bagay-bagay na hindi niya alam sa mundo, na hindi pa niya napagdaanan, kasi he's just 11 years old.
"So, how would you portray as a politician? So, talagang inaral namin siya, yung capacity niya.
"So, it was really tailor-made for him. Lahat, halos na mga eksena.
"So, ang nangyari, kailangan ko iarte yung mga eksena, kokopyahin niya ako.
"So, ganun ang naging proseso namin. Kaya nakakatuwa yung bata, kasi nasusunod niya yung mga gusto ko.
"So, nakuha niya yung gusto namin mangyari doon sa concept.
"So, it was really a blessing in disguise for everybody here sa production, dahil magaan, di ba?
"Kahit na we're following the number of hours lang na allowed yung bata.
"So, talagang paspasan yung trabaho. Kasi pag cut off na niya, release na namin po siya."