One hundred percent daw na in love ngayon ang aktres na si Heaven Peralejo.
Ito ang sinabi ni Heaven sa interview niya sa Fast Talk With Boy Abunda kahapon, February 26, 2025.
Dito ay napag-usapan ang tungkol sa rumored boyfriend ni Heaven na si Marco Gallo.
Unang nagkasama sina Heaven at Marco sa ABS-CBN reality show na Pinoy Big Brother: Lucky 7 noong 2016.
Tinanong ni Boy Abunda si Heaven kung ano ang nagustuhan nito sa pagpasok sa PBB Lucky 7 ngayong magkakaroon ng PBB Celebrity Collab Edition ang GMA-7 at ABS-CBN.
Read: Mavy Legaspi, bagong co-host ng PBB Celebrity Collab Edition
INVISIBLE STRING THEORY
"Ang nagustuhan ko sa loob ng bahay was actually meeting Marco," pagtukoy niya sa Filipino-Italian actor.
"Naniniwala ako sa invisible string theory na, imagine, nagkita kami when we were kids. It did not work out. I liked him, he liked me during that time pero bata pa masyado.
"And then, after seven years, again nagkita kami, and then look how it folds... unfolds di ba?"
Ang "invisible string theory" ay lumang paniniwala ng mga Tsino kung saan ang dalawang tao ay kunektado ng "invinsible string" at balang araw ay itinadhana talaga sila.
Sa Instagram account ni Heaven noong January 2025, sa kaarawan ni Marco, ibinahagi ng aktres ang mga larawan nila noong nasa loob pa sila ng Bahay ni Kuya.
Pagbati niya kay Marco: "Met at 16, life took us on separate paths, and 7 years later, The Rain in España (ty viva!!!) brought us back together. Happy birthday to my soulmate, my best friend, and the one who feels like home [kissing face with closed eyes emoji] uno!"
View this post on Instagram
Read: Marco Gallo, Heaven Peralejo comfortable with PDA
HEAVEN PERALEJO ON EX-BOYFRIENDS
Binalikan din ni Boy ang ilang isyu tungkol sa mga ex-boyfriend ni Heaven sa showbiz.
Isa na rito si Jimuel Pacquiao.
Wala naman siyang sama ng loob sa pamilya nito?
Pagtanggi ni Heaven, "No, no beef at all."
So, hindi totoong hindi siya tanggap ng mga magulang ni Jimuel na sina Manny at Jinkee Pacquiao?
Sagot ni Heaven, "Wala. Sobrang okay namin. Okay po kami until the end."
Kasunod nito si Kiko Estrada.
Sabi ni Heaven, "We worked recently for Lumuhod Ka sa Lupa."
Hindi na napag-usapan ang iba pang isyu.
Nagkahiwalay sina Jimuel at Heaven noong kalagitnaan ng 2019.
Sina Heaven at Kiko naman ay nagkahiwalay noong kalagitnaan ng 2021.