Suportado ng beauty queen-actress na si Kylie Verzosa ang relasyon at pagmamahalan nina Jake Cuenca at Chie Filomeno.
Si Jake ay ex-boyfriend ni Kylie.
Read: Chie Filomeno on "low-key" relationship with Jake Cuenca
Sa Instagram nitong Linggo, April 6, 2025, nag-post si Chie ng mga larawan nila ni Jake mula sa naganap na ABS-CBN Ball 2025.
Magkasama silang rumampa at naglakad sa red carpet.
Read: Standout couples at ABS-CBN Ball 2025
Sa caption ng post ni Chie ay tanging orange at brown heart emoji ang kanyang inilagay, bagay na naglalarawan sa kulay ng suot nilang dalawa ni Jake.
Read: Candid moments caught on the red carpet of ABS-CBN Ball 2025
Kylie proves that being happy for your ex-boyfriend is possible
Sa comments section ng post ni Chie ay kapansin-pansin ang pagkukomento ng ex-girlfriend ni Jake na si Kylie.
Saad nito: "Happy for you guys."
Agad naman itong nireplayan ni Chie: "Thank you Kylie! Happy for you as well."
KYLIE-JAKE PAST RELATIONSHIP
Dahil sa interaksiyon nina Kylie at Chie sa comments section, marami sa kanilang tagahanga ang natuwa.
Ayon sa mga ito, hindi lahat ng dating kasintahan ay kagaya ni Kylie na masaya sa kung sino ang bagong karelasyon ng kanyang ex.
Hindi lingid sa kaalaman ng iba na tatlong taong naging magkasintahan sina Kylie at Jake.
Pinapaniwalaang nagkahulugan sila ng loob habang magkatrabaho sa defunct Kapamilya series na Los Bastardos, na umere mula October 2018 hanggang September 2019.
Read: Jake Cuenca says sexual abuse at workplace never happened to him
Noong April 19, 2022, umugong ang espekulasyong hiwalay na ang couple dahil sa cryptic post ni Kylie na "broken."
Nasundan pa iyon ng pag-iyak ni Kylie sa It's Showtime kunsaan isa siya sa hurado sa segment na "Sexy Babe."
Read: Jake Cuenca counts Chie Filomeno as "the one that got away"
Naapektuhan si Kylie nang magsalita ang host na si Vice Ganda tungkol sa dahilan ng breakup ng ibang couples.
Ani Vice, "May mga pagkakataon na kahit meron ka pang pagmamahal, kailangan mo nang tapusin ang relasyon na ito."
Biniro ni Vice si Kylie nang mahalata niyang napaisip nang malalim ang dalaga dahil sa usapan sa show.
Inusisa niya kung may "pinagdadaanan" ang beauty queen-turned-actress.
Dito na naiyak si Kylie, na nagdahilan na na-touch lang daw siya sa sinabi ni Vice.
Read: Jake Cuenca posts “I will try to fix you” amid breakup rumors with Kylie Verzosa
Ilang araw lamang ang lumipas, noong April 23, 2022, kinumpirma ni Jake na totoong hiwalay na sila ni Kylie.
"This was us," bungad ni Jake sa kanyang Instagram post na may kalakip na picture ng miniatures nila ni Kylie kasama ang dalawa nilang alagang aso.
May picture din silang magkahawak-kamay.
Ayon kay Jake, hindi naging madali ang desisyon nilang maghiwalay ni Kylie.
"I’ll hold on to all our precious memories together with so much value.
"This past 3 years of my life have certainly been the best.
"I say this with such a heavy heart but me and Kylie have decided to go our separate ways," pag-anunsiyo ni Jake.
Hiwalay man ang landas nila ngayon, sinabi ni Jake na nananatiling mabuti silang magkaibigan ng ex-girlfriend.
Saad niya: "I’m still so proud of us because we didn’t want to break up in anger.
"We both wanted to be able to look back on our relationship with no bitterness, no anger, and no regrets, only the good memories. Certainly that’s what I will be holding on to.
"I will still be here to support you because in so many ways I feel a part of your journey and I will always pray for your success.
"I’m happy we were able to finish this chapter of our lives the same way we started it. As friends."
Dagdag pang mensahe ni Jake para kay Kylie: "Wherever you are or what ever your doing I will always be sending you love and positivity.
"Know that you will always have a person in me who will always be proud of you. I’ll see you around Kylie."
Read: Jake Cuenca confirms breakup with Kylie Verzosa
Sa ngayon ay mayroon na ring napapabalitang idine-date si Kylie.
Sa panayam sa kanya ng ABS-CBN News noong November 2023, sinabi ni Kylie na non-showbiz ang nasabing lalaki at hindi ito Pilipino.
Saad ng Miss International 2016: “I'm so happy, I'm so happy.
“Honestly, I want to keep it private this time, so it's a private relationship and it's so much more peaceful.
“It's really, really peaceful.”
Kailan naman kaya niya ipakikilala sa publiko ang boyfriend?
Tugon ni Kylie, “I don't know.
“Siguro ano, when I would want to show it. But right now, I'm so happy.”
Read: Kylie Verzosa chooses to keep her relationship private