Malaya na sa anumang legal na usapin ang aktres na si Rufa Mae Quinto matapos i-quash ng korte ang kaso laban sa kanya.
Ito ay kaugnay ng reklamong 14 counts ng paglabag umano sa Section 8 of Securities Regulation Code na inihain ng tatlumpu’t siyam (39) katao laban sa kanya sa Pasay Regional Trial Court.
Kapag sinabing na-quash ang isang kaso, ibig sabihin nito ay pinawawalang bisa na ng korte ang naunang desisyon, gaya ng conviction, subpoena, at arrest warrant.
Sa kanyang Instagram ngayong Biyernes, May 2, 2025, inanunsiyo ni Rufa Mae na na-quash na ang kanyang kaso kaya malaya na siya katulad ng isang saranggola.
Mensahe niya: "FFF hooray! Na Quash na Case! I’m free as a kite (kite emoji)! Malayang malaya!
"To GOD be the GO GO GLORY!
"GO GROW GLOW!"
Sinabi rin ni Rufa Mae na naghahanda siya para sa mga bagong proyekto kaya pina-pamper niya ngayon ang sarili.
Aniya: "Tapos… ayun, nagpa-fresh ako, pampering, consultation, visit visit @luminisce_official @drkayceereyes
"Naghahanda, preparing for something New and Big!
"Ako na din nag make up to Myself!
"Iba din nagagawa kapag malaya sa kaso!
"Salamat sa inyong lahat na naniwala at nagtiwala sa akin!"
Hindi nagbigay ng anumang detalye si Rufa Mae tungkol sa naging desisyon ng korte.
View this post on Instagram
Sa comments section, marami ang bumati kay Rufa Mae, kabilang na ang kaibigan niyang si Ruffa Gutierrez.
Read: Rufa Mae Quinto returns to PH; voluntarily surrenders to NBI
RUFA MAE QUINTO'S CASE
Noong January 9, 2025, nakapagpiyansa si Rufa Mae matapos niyang magpalipas ng gabi sa National Bureau of Investigation (NBI) headquarters dahil sa patung-patong na kasong kinakaharap niya.
Read: Rufa Mae Quinto returns to PH; voluntarily surrenders to NBI
Sa NBI headquarters siya natulog gabi ng January 8, dahil hindi natapos ang proseso ng pagpipiyansa niya sa Pasay Regional Trial Court.
PHP1.7 million ang binayaran ng aktres para sa pansamantala niyang kalayaan.
Read: Rufa Mae Quinto, magpipiyansa ng PHP1.7M para di makulong
Ang 14 counts ng violation of Section 8 ng Securities Regulation Code ay may kaugnayan sa mga reklamong isinampa ng investors laban sa Dermacare, ang beauty clinic na pag-aari ni Chanda Atienza.
Si Rufa Mae ay isa sa mga kinuhang celebrity endorsers ng nasabing clinic.
Nadawit ang aktres sa kaso ng beauty clinic matapos magreklamo ang complainants na nag-invest sa beauty clinic at tinakbuhan ng may-ari.
Lumalabas ding hindi rehistrado sa Securities and Exchange Commission (SEC) ang beauty clinic na magbenta ng securities.
Sa isa kasing negosyo, kinakailangan nito ng primary license mula sa SEC para lehitimong makapag-operate.
Ang secondary license naman ay kailangan para makapaghikayat ng iba na maging investor.
Nakasaad sa Securities Regulation Code (SRC) o Republic Act 8799, na dapat magrehistro sa SEC ang anumang negosyo o sinumang tao na tatanggap, magbebenta, o magpo-promote ng investment programs.
Read: EXPLAINER: Neri Naig's syndicated estafa and securities code violations
Ang isa pang dawit sa kasong ito ay si Neri Naig Miranda.
Read: Neri Naig finally breaks silence after legal ordeal
Additional reports from Tin Baylon