Mukhang deadma ang Kapamilya actress na si Kim Rodriguez, 30, sa mga bumabatikos sa kanya makaraang maugnay ang pangalan niya kay re-elected Bulacan governor at dating aktor na si Daniel Fernando, 63.
Noong April 2025, nagsimulang maintriga ang dalawa matapos kumalat online ang litrato nilang magkasama.
Sa nabanggit na larawan ay makikitang may hawak na bouquet of flowers si Kim, habang nasa tabi niya ang gobernador ng Bulacan.
Kapansin-pansin din ang pagiging malapit ng dalawa dahil nakaakbay si Daniel sa aktres, habang si Kim naman ay nakahawak sa baywang ng actor-politician.
Sa likod nila ay makikita ang isang dilaw na luxury car, na suspetsa ng netizens ay bigay umano ni Daniel kay Kim.
Read: GMA-7 actress Kim Rodriguez is a certified biker chick
KIM RODRIGUEZ'S TIKTOK VIDEO
Noong May 23, 2025, isang TikTok video ang ipinost ni Kim na tila sagot niya sa mga patuloy na umiintriga sa kanya.
Dito ay mapapanod siya habang nili-lip sync ang kantang "Bleeding Love" ni Leona Lewis habang nasa loob ng sasakyan.
Makahulugan ang lyrics ng kanta: "I don't care what they say, I'm in love with you; they try to pull me away, but they don't know the truth."
Bukod sa lyrics, nakakaintriga rin ang inilagay na caption ni Kim: "idc [i don't care]."
NETIZENS REACTION
Kumalap ng samu't saring komento ang TikTok video na ito ni Kim.
May ilang tahasang binanggit ang pangalan ni Daniel, bagay na hindi naman inatrasang sagutin ni Kim.
Komento ng isang netizen: "Dedma sa basher basta may Daniel Fernando."
Reply rito ni Kim: "Pikit [laughing in tears emoji]."
Sabi pa ng isang netizen: "sustentado, sanaol."
Akusasyon ng isa: "Musta naman ang budget namin dito sa bulacan sis? Para sa daan na budget napunta sayo pambili ng FJ."
Dagdag pa ng isa: "sayo pala napupunta kaban ng bayan maem?"
Kung mayroong bumabatikos ay mayroon din namang nagtatanggol kay Kim.
Saad ng isang netizen: "Single naman pala yung Daniel Fernando hayaan na natin sila maging masaya."
Depensa pa ng isa: "Mga tao ng naman oh, why not, Daniel is single naman."
Habang isinusulat ang artikulong ito ay wala pang direktang pahayag sina Kim at Daniel kung may katotohanan nga ba ang espekulasyon tungkol sa kanila.
Nagpadala na rin ng mensahe via Instagram ang PEP.ph (Philippine Entertainment Portal) kay Kim para hingin ang kanyang panig, ngunit hanggang ngayon ay hindi pa siya sumasagot.
Read: Mariposa, sinagot ang isyung "girlfriend" siya ni Daniel Fernando
Hindi ito ang unang pagkakataong na-link sa Kim sa kilalang personalidad.
Noong March 27, 2024, kumalat sa social media, partikular na sa X (dating Twitter), na diumano ay karelasyon ng aktres ang dating PBA player na si Marc Pingris.
Ito ay matapos mapansin ng netizens ang mga larawan kung saan makikita sina Kim at Marc na tila nasa iisang lugar lamang.
Bagamat hindi magkasama sa pictures ay gumana ang mapaglarong isip ng ilan dahil sa parehong background nina Kim at Marc, dahilan para magsuspetsa ang mga nakakita nito na marahil ay magkasama ang dalawa.
May isang larawang kuha sa gas station kasama ang crew ng isang sikat na french fries stall.
Pareho ring may kuha sina Kim at Marc sa harap ng tanyag na Sydney Opera House sa Sydney, Australia.
Dahil sa mga larawang ito, marami ang naghinalang may namamagitan sa dalawa sa kabila ng pagiging pamilyadong tao ni Marc.
Kasal si Marc sa dating aktres na si Danica Sotto. Biniyayaan ang kanilang pagsasama ng tatlong anak.
Ang nasabing intriga ay mabilis namang itinanggi nina Kim at Marc.
Read: Kim Rodriguez Debunks Marc Pingris Affair Rumors
Samantala, walang gaanong impormasyon tungkol sa estado ni Daniel, ngunit walang bali-balitang ikinasal siya.