Full-support ang Puregold scion na si Vincent Co sa negosyo ng rumored girlfriend niyang si Bea Alonzo.
Naispatan si Vincent na dumalo sa unang araw ng four-day warehouse sale ng pagmamay-aring travel organizer brand ni Bea, ang Bash Manila, sa Makati City, noong June 12, 2025.
Sa Instagram fan account ng aktres, makikita ang mga larawan ni Vincent na naroon sa mismong venue para magbigay ng suporta kay Bea.
Read: Bea Alonzo proudly launches own travel organizer brand Bash
Makikita si Vincent na katabi ang Kapuso actress at nakikipag-usap sa mga bisita.
NETIZENS' REACTION
Ikinatuwa naman ito ng mga tagahanga ni Bea.
Sa comments section ng nasabing post ay marami ang kinilig sa pagpunta ni Vincent para magbigay-suporta kay Bea.
Komento ng isang netizen, "I’m so kilig very supportive bf."
Saad ng isa, "How Mr. Vincent look to Bea, they're both deeply inlove."
Sabi pa ng isa (published as is): "Look at them both smiling and happy. I noticed vincent body compare noon chubby chubby. Now looks very macho na, na inspired siguro Kay Bea."
BEA ALONZO-VINCENT co SIGHTINGS
Hindi ito ang unang beses na naispatang magkasama sina Bea at Vincent.
Noong May 5, lumabas ang espekulasyong may espesyal na relasyon ang dalawa nang kumalat sa social media ang screenshot ng pamamasyal ng isang lalaki at isang babae na parehong nakatalikod habang magkahawak-kamay.
Base ito sa ulat ng Insiderph.com na unang naglathala ng litrato mula sa Instagram account ni Vincent.
Kuha iyon sa isang beach sa Andalucia, Spain.
Read: Bea Alonzo says marriage is not everyone’s "endgame"
Hindi tinukoy ni Vincent ang babaeng kasama niya, pero hinihinalang si Bea iyon na nagbakasyon din sa Spain.
Nasundan pa ito noong May 10 nang maaktuhan naman sina Bea at Vincent na magkasama sa Bangkok, Thailand.
Kasalukuyang nasa Suvarnabhumi Airport, pauwi ng Pilipinas, ang dalawa nang makunan sila ng litrato.
Pagkarating ng Pilipinas, naispatan muli sina Bea at Vincent na nagdi-dinner sa isang restaurant sa Bonifacio Global City, Taguig.
Read: Bea Alonzo spotted anew with rumored beau Vincent Co
June 2, muling umugong ang usap-usapang may espesyal ngang namamagitan sa dalawa nang mag-post si Heart Evangelista sa Instagram Stories ng naging bonding nila nina Bea at Vincent.
Sa litrato, makikitang tila nasa isang bar sina Bea at Vincent, Heart at asawa nitong si Senator Francis "Chiz" Escudero, kasama ang iba pang mga kaibigan.
Ngunit ang nakatawag-pansin sa maraming netizens ay ang pagiging sweet nina Bea at Vincent sa larawan.
Makikitang si Vincent ay nakayapos kay Bea na nasa kanyang harapan.
Kapansin-pansin din ang kamay ni Bea na nakahawak sa braso ni Vincent habang nakasandal ang aktres sa kanya.
Read: Bea Alonzo, Vincent Co spotted hanging out with Heart and Chiz
Bukod sa mga kaibigan, naispatan na rin si Bea na kasama ang pamilya ni Vincent.
Noong June 7, isang fan account muli ni Bea ang nag-upload ng mga larawan niya kasama ang ina ni Vincent na si Susan Co.
Ayon sa uploader, kuha ang mga larawan sa Supplier’s Appreciation Night ng supermarket brand na pagmamay-ari ng pamilya Co.
Naganap daw ito noong June 6 sa Grand Ballroom ng Okada Manila sa Parañaque City.
Read: Bea Alonzo spotted with mom of rumored beau Vincent Co
WHAT PEP KNOWS ABOUT BEA-VINCENT'S RELATIONSHIP
Ayon sa impormasyong nakalap ng PEP Troika, matagal-tagal nang nagde-date sina Bea at Vincent hindi pa man nagba-viral online ang litrato nilang magkasama sa Spain.
Sinasabing masugid sa panliligaw si Vincent kay Bea, pero low-key lamang ang dalawa noon.
Ayon pa sa source ng PEP Troika, nang minsang magkasakit si Bea habang nasa Siargao ay pinasundo pa ito ni Vincent via chopper para makauwi agad sa Maynila.
Patuloy raw ang magandang pagkakakilanlan ng dalawa.
Isa pang source ang nagsabi, na nang tanungin nito si Vincent kung nasa dating stage na sila ni Bea, ang isinagot daw ni Vincent ay isang smile emoji.
Isa namang source ng PEP ang nanindigang kumpirmadong sina Bea at Vincent na.
Read: WHAT PEP KNOWS: Is Bea Alonzo dating Puregold scion Vincent Co?