Engaged na ang Unang Hirit host at weatherman na si Anjo Pertierra sa kanyang longtime girlfriend, ang Gracenote vocalist na si Eunice Jorge.
Ngayong Martes, July 1, 2025, nag-post si Anjo ng larawan nila ng nobya kunsaan proud na ipinakita ni Eunice ang kanyang engagement ring.
Mababasa sa caption ng post ni Anjo (published as is), "Its true. Someday, someone will love and accept you for who you are. If that person comes, dont let go. Found mine."
Read: How pandesal brought Anjo Pertierra closer to Unang Hirit family
Sa hiwalay na post ni Eunice, ibinahagi naman niya ang video ng proposal ni Anjo na nangyari sa mismong kaarawan niya.
Sa video, makikita na nasa stage si Eunice nang lumapit at lumuhod sa harap niya si Anjo para alukin siya ng kasal.
Sabi ni Anjo bago siya lumuhod at ipakita ang singsing kay Eunice, "It is a symbol of my commitment and love for you."
Read: GMA's Anjo Pertierra saddened by showbiz rejection
Mabilis namang nakamit ni Anjo ang matamis na “oo” mula sa nobya, kasabay ng pagtugtog sa background music ng kinompose na kanta ni Eunice, ang "Respeto."
Sa caption ng post, sinabi ni Eunice na nagulat siya naging proposal sa kanya ni Anjo.
Dagdag pa raw rito ang napiling kantang patugtugin ni Anjo nang sagutin niya ito ng "Oo."
Pagbabalik-tanaw ni Eunice, 2012 pa nang sulatin niya ang "Respeto" na patungkol sa isang taong nakahanap ng totoong pag-ibig.
Saad ni Eunice (published as is): "i said an explosive YES.
"i wrote ‘respeto’ (song in the background) way back 2012 not knowing for whom or about whom i was really singing.
"napanaginipan ko lang isang tao na walang mukha at sinulat ko yung pinaramdam niya sakin and last night biglang nagmake sense lahat. nakakasabog ng utak at puso wala akong masabi. what did i do to deserve a love like this?
"it’s my birthday and i just got engaged asdfhdkrihrkd !!!"
Bukod kay Anjo, laking pasasalamat din ni Eunice sa kanilang pamilya at mga kaibigang dumalo sa kanyang kaarawan at nakasaksi sa espesyal na araw sa buhay niya.
Aniya (published as is), to everyone who came, I honestly didn’t expect you’d end up witnessing one of the most special moments of my life. So happy you were there. Thanks for celebrating with me."
Dagdag pa niya, "i love you weatherman, @anjopertierra."
CONGRATULATORY MESSAGES FOR ANJO AND EUNICE
Samantala, sa comments section ng post nina Anjo at Eunice ay bumuhos ang pagbati mula sa ilan nilang kaibigan at kasamahan sa industriya.
Read: Anjo Pertierra: New Heartthrob Weatherman
Komento ni Alexa Ilacad, "Congratulations!!! Cheers to forever!!"
Saad ni Karylle, "Congratulations. sorry we missed it ahhhhh."
"Aba totoo nga," hirit naman ni Juancho Trivino.
Dagdag pa ni Chito Miranda, "Congrats at best wishes sa inyooo."