Walang mapagsidlan ang kasiyahan at pasasalamat ng Kapamilya actor na si Ralph de Leon sa matagumpay niyang journey sa Pinoy Big Brother (PBB).
Si Ralph at ang Kapuso actor na si Will Ashley — o mas kilala sa kanilang duo name na RaWi — ang hinirang na Second Big Placer Duo sa katatapos lamang na PBB: Celebrity Collab Edition.
Read: BreKa hailed Big Winner Duo of PBB Celebrity Collab Edition
Sa Instagram nitong Lunes, July 7, 2025, nag-post si Ralph para pasalamatan ang mga taong naging bahagi ng kanyang PBB journey.
"Ang Mama’s Dreambae ng Cavite" Will Ashley (left) and "Ang Dutiful Judo-Son ng Cavite" Ralph de Leon (right), collectively known as RaWi, finished PBB Celebrity Collab Edition as Second Big Placer Duo.
Para kay Ralph, matagumpay ang pagbabalik niya sa Bahay Ni Kuya matapos ma-evict noon kasama ang ka-duo na si Josh Ford.
Read: Ralph de Leon, Josh Ford fourth evictees in PBB: Celebrity Collab
Nagkaroon ng wildcard round kunsaan lahat ng na-evict na housemates ay binigyan ng pagkakataong makabalik sa pamamagitan ng botohan mula sa taong-bayan.
Nakatapat noon ni Ralph ang kapwa niya Kapamilya ex-housemates na sina Kira Balinger at AC Bonifacio.
Sa huli, nanaig sa botohan si Ralph kasama ang Kapuso housemate na si Charlie Fleming.
Read: Ralph de Leon, Charlie Fleming officially back as PBB housemates
Balik sa Instagram post ni Ralph, una niyang pinasalamatan ang Diyos na nagbigay raw ng lakas sa kanya para manatiling matatag sa PBB house.
Pagsisimula niya (published as is): "comeback completed. unang una sa lahat, tulad ng sabi ko sa speech ko nung big night, THANK YOU LORD!!
"sa lahat ng strength, blessings, at guidance na binigay Niyo sakin lalo na sa pagbabalik ko sa bahay ni kuya, Ikaw po talaga ang rason kung bakit naging ganito ang takbo ng kwento ko.
"naging ilaw Ka naming lahat sa buong pananatili namin sa bahay."
RALPH THANKS WILL FOR BEING PART OF HIS PBB JOURNEY
Sumunod na pinasalamatan ni Ralph ang final duo niyang si Will Ashley.
Ayon kay Ralph, proud na proud siya sa narating at mararating pa ni Will dahil sa pagiging totoo at bukas nitong ibahagi ang kanyang kuwento at talento.
Read: Will Ashley reflects on his PBB Celebrity Collab journey
Itinuturing din niyang malaking bahagi ng kanyang PBB journey si Will dahil sa nabuo nilang relasyon, hindi lang bilang magkaibigan kundi para na ring tunay na magkapatid.
Saad ni Ralph (published as is): "para sa aking kapatid, kaibigan, at final duo, Will, sobrang proud ako sa’yo. anlayo ng narating natin. biro mo, from first nominations naging 2nd big placers pa. WOOOW.
"maraming salamat sa lahat ng kwentuhan, tawanan, heart-to-hearts, sigawan, and everything in between.
"you made my stay so much more worthwhile. i am so blessed to have been given the opportunity to be your duo and see just how far our dynamics and relationship can take us.
"i know bigger stages are waiting for us and i would be honored to be by your side through it all. pangako, ano mang hamon ng buhay ang kailangang harapin, hindi ako mawawala.
"so excited for what’s to come and what lies ahead for you especially dahil nakita na ng mga tao ang tunay na Will Ashley. marami pa tayong pangarap na hahabulin. let’s go, boy!"
Read: PBB: Celebrity Collab Big Night highlights
RALPH EXPRESSES GRATITUDE TO HIS FAMILY, CO-HOUSEMATES, AND FANS
Bukod kay Will, hindi rin nakaligtaang pasalamatan ni Ralph ang mga taong nagmahal at sumuporta sa kanya.
Ayon kay Ralph, ginawa niya ang lahat upang patunayang hindi nasayang ang pagboto sa kanya upang makabalik sa PBB house.
Bagamat hindi nila nakuha ni Will ang Big Winner title, umaasa si Ralph na masaya at proud ang fans niya sa kanyang narating.
Aniya (published as is): "sa lahat ng nagmahal at sumuporta sa aking sa buong journey ko sa pbb, please accept my most heartfelt gratitude for all the love you’ve shown me since day one.
"tulad ng sinabi ko bago ako pumasok ulit, para sa inyo na talaga yung laban ko. every task i got was an opportunity to prove na hindi kayo nagkamali na piliin ako sa wildcard.
"the last thing i wanted to happen was for your trust to be misplaced and sana, sa pagkamit nating lahat ng 2nd big placer, proud kayo sa narating ko.
"you all deserved to be on top of that stage as much as did. mahal na mahal na mahal ko kayo."
Nagpasalamat din si Ralph sa crew at staff ng PBB, at sa kanyang pamilya at mga kaibigan na nagtiwala sa kanya.
Mensahe niya: "to all the people who made this collab possible and gave me a chance to truly show who I am, maraming maraming salamat po.
"to all the ex-housemates, thank you for making my stay one that i will bring with me my whole life.
"and to all my family and friends, thank you for being my rock and source of strength during my whole stay."