Punung-puno ng pasasalamat ang Kapuso actor na si Will Ashley sa lahat ng taong sumuporta at naging bahagi ng kanyang Pinoy Big Brother (PBB) journey.
Si Will at ang ka-duo niyang si Ralph de Leon — o mas kilala sa kanilang duo name na RaWi — ang hinirang na Second Big Placer sa katatapos lamang na PBB: Celebrity Collab Edition.
Read: BreKa hailed Big Winner Duo of PBB Celebrity Collab Edition
Isang araw matapos ang Big Night noong Sabado, July 5, 2025, nag-post si Will sa kanyang Instagram account para isa-isahing pasalamatan ang mga taong tumulong at sumuporta sa kanya.
Kalakip nito ang mga natutunan niyang aral sa pagpasok niya sa Bahay Ni Kuya na tumagal ng 119 days.
Read: PBB: Celebrity Collab Big Night highlights
Ayon kay Will, hindi naging madali ang pakikipagsapalaran niya sa PBB house, ngunit sa tulong ng kanyang co-housemates ay matagumpay niya itong nalampasan.
Mababasa sa kanyang caption (published as is): "Lumaban at Kinaya, Hey Outside World! Maraming maraming salamat po!
"My journey inside the house was rough. I went through a lot of ups and downs. But thank God. I managed to get through everything.
"Sobrang pasasalamat sa mga HOUSEMATES na nakasama ko sa loob ng bahay na talagang minahal at sinuportahan ako. I’m grateful for yall!!"
Read: Dustin Yu admits he was jealous of Will Ashley
Will ASHLEY shows appreciation to his supporters
Bukod sa co-housemates niya, malaki rin ang pasasalamat ni Will sa kanyang fans.
Hindi raw niya sukat-akalaing aabot hanggang sa Big Night ang kanyang PBB journey.
Pahayag niya: "Maraming salamat po sa walang sawang pag mamahal at suportang ibinigay niyo sa akin. Hindi ko man po kayo nakita sa loob ng 4 na buwan, naramdaman ko po ng sobra yung pag-mamahal ninyo.
"Maraming salamat po sa pag laban niyo sa akin. Never kong na expect na makakaabot ako sa ganitong punto ng aking PBB JOURNEY.
"Napakalaking parte ninyo sa aking journey. Kayo ang dahilan bakit nilaban ko ang hamon na ito.
"Sobra-sobrang pasasalamat, now na andito na po ako sa outside world. Sama-sama tayong lumaban sa mga magiging hamon sa labas ng BNK.
"Maraming salamat din po sa pag mamahal niyo sa amin ni @ralph_dl , Ang laban na pong ito ay para sa inyo. Sobrang out of words pa din ako. But isa lang ang masasabi ko. Mahal na mahal na mahal ko kayong lahat. With all my heart."
Read: RaWi claims second spot in Big 4 of PBB Celebrity Collab
WILL EXPRESSES GRATITUDE TO GMA-7 AND ABS-CBN
Hindi rin nakaligtaang pasalamatan at bigyang-pugay ni Will ang mga boss ng ABS-CBN at Sparkle GMA Artist Center, ang talent management arm ng GMA-7, na nagtiwala at nagbigay sa kanya ng oportunidad na maging official housemate ng PBB: Celebrity Collab Edition.
Saad ng 22-year-old actor: "To my GMA family @tracymgarcia, @annettegonzonvaldes, @joymarcelo1115, @tenorexplorer. Maraming salamat po sa tiwala, pag mamahal at oportunidad na ibinigay ninyo sa akin.
"To ABS-CBN FAM! Maraming salamat po sa panibagong opportunity na ito."
Pinasalamatan din ni Will si Big Brother pati na ang mga tao sa likod at harap ng kamera sa edisyon ngayon ng PBB.
Mensahe niya: "To PBB Team! I labyu ol! Maraming salamat po sa alaga.
"To my favorite human being, KUYA. I LOVE U SO MUCH. SALAMAT PO SA MAGAGANDANG MEMORIES. Salamat po sa pag-aalaga at pag-guide sa loob ng apat na buwan. Sobrang grateful po ako sa inyo."
Sa huli, sinabi ni Will na dadalhin niya sa pagharap sa hamon ng buhay ang mga aral na natutunan niya sa loob ng Bahay Ni Kuya.
Sabi niya, "Umpisa palang po ito, lalaban tayo."
Samantala, bilang patunay ng kasikatang tinatamasa ngayon ni Will paglabas niya ng Bahay Ni Kuya ay umabot na sa 1 million ang followers niya sa Instagram.