Sinusuri na raw ng abogado ni Sunshine Cruz ang mga pekeng balita tungkol sa kanya at sa rumored boyfriend niyang si Atong Ang.
At pati sa tatlong anak na babae ni Sunshine na sina Angelina Cruz, Samantha Cruz, at Chesca Montano.
Sa Facebook kahapon, October 21, 2025, ipinost ni Sunshine ang ilang screenshots na nakuha niyang headline mula sa isang website.
Kabilang dito ang haka-hakang buntis ang isa sa mga anak ni Sunshine at ang ama ng dinadala umano nito ay si Atong.
Sabi ni Sunshine sa caption, palagi na lamang ginagamit sa mga pekeng balita ang kanyang mga anak.
Wala raw itong katotohanan.
Saad ng aktres: "My children and I have been subjected to years of ridiculous rumors.
"My children and I have been supposedly pregnant, murdered, beaten, arrested and even secretly own a mansion in a posh village.
"It's a testament to how easily people are misled that even the smartest individuals sometimes fall for them.
"No to #fakenews!"
Kaugnay nito, pinag-aaralan na raw ng kanyang abogado kung anong hakbang ang gagawin nila.
Saad ni Sunshine: "*fyi guys, my lawyer Atty. Bonito Alentajan has been looking into these sites.
"It isn't easy kasi psuedo names ang gamit nila. For now I am posting these fake news for awareness."
Read: Jillian Ward at kanyang ina, desididong magsampa ng cyberlibel
SUNSHINE ANSWERS NETIZENS' COMMENTS
Sinagot ni Sunshine ang ilang netizens na nagkomento sa kanyang post.
Ayon sa isa, maaaring ito raw ang kapalit ng pagiging sikat at maganda.
Buong komento ng netizen: "That’s really the price of being popular — and very beautiful.
"People will always try to stir up fake news just to get attention. The more ridiculous the story, the more the chances it becoming viral.
"What truly matters is that the people close to you know the truth. The opinions of those who don’t really know you shouldn’t carry any weight anymore."
Sagot ni Sunshine ay hearts at praying hands emojis.
Hinikayat naman ng isa si Sunshine na sampolan niya ang bashers para tumigil na ang mga ito.
Ayon dito: "Gusto rin naman nila yan, para 'napag-uusapan' sila... otherwise, tuluyan na sila malalaos.
"KUNG TALAGANG AFFECTED KA, FILE A CASE!"
Tugon ni Sunshine: "huwag mo lahatin ang mga tao at artista. Fyi, my lawyer Atty. Bonito Alentajan has been looking into these sites. It isn't easy kasi psuedo names ang gamit nila. For now I am posting these fake news for awareness."
