Itinuturing ni AJ Raval na "best decision" sa kanyang buhay ang pananahimik noon sa mga isyung ipinupukol sa kanya.
Ang maprotektahan ang katahimikan ng kanyang buhay ay nakakagaan daw sa pakiramdam.
Kaya nagpasalamat siya sa mga taong naintindihan siya kahit hindi man siya nagpaliwag.
Buong post ni AJ sa kanyang Instagram ngayong Biyernes, November 14, 2025: "The best decision I ever made was to stay quiet. Protecting my peace feels too good [praying hands, heart emoji]
"And thank you to those who understood me without me having to explain [praying hands, face holding back tears emojis]"
View this post on Instagram
Hindi idinetalye ni AJ kung ano ang pinanggagalingan ng kanyang mensahe.
Ngunit maaaring ang tinutukoy ni AJ ay ang hindi niya pagsasalita noon sa paratang na siya ang third party sa hiwalayan ng mag-asawang Aljur Abrenica at Kylie Padilla.
Posible ring tumutukoy ito sa pagtanggi niya noong may mga anak na sila ni Aljur.
Hanggang sa pagkadulas ng ama niyang si Jeric Raval noong August 2025, at kinumpirma nitong may mga anak na sina AJ at Aljur.
Read: Jeric Raval, inaming dalawa na ang apo kina AJ at Aljur
AJ RAVAL'S BOMBSHELL REVELATIONS
Nitong nakaraang November 12, 2025, sa live interview sa kanya ni Boy Abunda sa Fast Talk With Boy Abunda, hindi na nagpatumpik-tumpik pa si AJ at inaming may lima na siyang anak.
Ang unang dalawang anak ni AJ ay mula sa dati niyang karelasyong walang kinalaman sa showbiz.
Ang tatlo naman ay mula sa kinakasama niya ngayon na si Aljur.
Aniya, “Aaminin ko na para matapos na."
Read: AJ Raval, umaming lima na ang anak; tatlo kay Aljur Abrenica
KYLIE PADILLA KNOWS ABOUT ALJUR'S CHILDREN WITH AJ
Ilang oras matapos ang panayam kay AJ, ang ex-wife naman ni Aljur na si Kylie Padilla ang naghayag ng kanyang damdamin.
Matagal na raw niyang alam ang tungkol dito pero mas inisip niya ang kapakanan ng mga bata.
Masaya na raw siyang malaya nang makapag-bonding ang magkakapatid.
Buong post niya sa Facebook (published as is): “Ito lng po comment ko para matapos na
"matagal ko na pong alam pero syempre inuna po namin ang kapakanan ng mga bata.
"Sobrang close sila at yun pinakaimportante.
“Happy that now di na kailangan magtago. Proud of you.
"Peace all around. Sana matapos na drama.”
Read: Kylie Padilla, matagal nang alam ang rebelasyon ni AJ Raval