Mariing itinanggi ni Kris Aquino na may kasabay si Anjo Yllana sa kanyang buhay noong nagkaroon sila ng maiksing relasyon.
Sa Instagram ngayong araw, November 17, 2025, nagbahagi si Kris ng mga paglilinaw sa ilang pangyayari noong naging sila.
Post-script lang iyon sa eksplanasyon ni Kris sa dahilan kung bakit nag-Take 2 siya sa eksena niya sa pelikulang pinagsamahan nila noon ng direktor na si Antoinette Jadaone.
Pero, mas naging interesado ang publiko sa rebelasyon ni Kris sa past nila ni Anjo.
Pinanindigan ni Kris na umabot naman daw sila ng isang buwan at hindi tatlong linggo lamang.
Hindi rin daw totoong pinagsabay niya si Anjo at Robin Padilla sa buhay niya.
Ayon kay Kris (published as is): "You filled my room with pink balloons for our first monthsary (hindi ako proud but he said as he started we didn’t last 3 weeks because pinagsabay ko sila ni Robin.
"Wala syang kasabay. Anjo, ano ba, we were ouside my mom’s house hinatid mo ko- may naghihintay.)"
Binalikan din ni Kris ang insidenteng hinatid siya ni Anjo sa bahay ng kanyang ina, at doon ay naengkuwentro ang tila manliligaw ni Kris.
Balik-tanaw ni Kris: "It was a big surprise for me & you. You left with these parting lines: mukhang nakakagulo ako, fyi girlfriend ko sya, kahit feeling ko pag gising ko wala na.
"The Surprise: Girlfriend mo harapan mong binabastus. You don’t trust her? Dumalaw ako dahil isang buwan akong abroad, dala ko yung pasalubong ko…
"Diba mauuna ka na? I stood unmoving, staring at the floor. (disclaimer i was 21, Anjo was 23-24, Mr. Surprise was 23.)"
View this post on Instagram
Read: Angelica Panganiban reveals agreement with husband about comeback
ANJO YLLANA ON SHORT-LIVED RELATIONSHIP WITH KRIS AQUINO
Taong 2021, sa panayam ng PEP Troika, una nang nabanggit ni Anjo na sandaling nakarelasyon niya si Kris.
Natatawang inalala ni Anjo na pinagsabay umano ni Kris sila nina Robin at Aga Muhlach.
Read: Anjo Yllana scared for brother Ryan after appendectomy
Sa hiwalay na vlog ng aktres na si Snooky Serna noong June 2025, muli itong nabanggit ni Anjo.
"Yeah. We had one or two movies tapos, naging kami for a while.
"Ngayon ko lang ikukuwento ito. Tutal matagal na ito, e. Ay, mare, kumare ko yon si Kris. Inaanak ko si Joshua," saad ni Anjo at pagtukoy niya sa panganay na anak ni Kris na si Joshua.
Pagpapatuloy ni Anjo: "Natatawa ako nung araw pag babalikan. Sana hindi magalit si Miss Kris. Nung medyo kami pa, ano lang naman kami, parang three weeks.
"Nag-break kami ni Kris kasi minsan dumalaw ako sa kanya. Nagdala ng flowers, yung flowers ko parang galing Baguio.
"May matataas na stem na roses na alam mong galing sa ibang bansa. Sabi ko, 'Hmp, kanino galing yan na roses na yan?'"
Sagot daw ni Kris, "Oh, this came from Robin."
Sabi ko, "'Nanliligaw ba sa yo si Robin?'"
Sagot daw ulit ni Kris, "'Oh, he's my boyfriend.'
Nagulat na reaksiyon daw ni Anjo, "Huh? 'Boyfriend mo si Robin, boyfriend mo rin ako?'"
Pag-amin daw ni Kris, "Yeah, including Aga."
Natatawang pagpapatuloy ni Anjo, "So, nabaliw ako doon. Alam mo nabaliw ako doon. Sabi ko, sabi ko kanya, 'Ikaw, baliw ka, e.'
"Ano, magkaibigan na lang tayo kasi wala, wala mangyayari sa atin nito.
"Hanggang sa naging super close, best friend ko yan, si Kris. Panahon ni Kuya Ipe."
Ang tinukoy ni Anjo na Kuya Ipe ay si Philip Salvador, ex-boyfriend ni Kris at ama ng anak ni Kris na si Joshua.
Wala pang bagong pahayag si Anjo ukol sa mensahe ni Kris.
Read: Angelica Panganiban reveals agreement with husband about comeback