Concerned man sa kaibigan, hindi raw mailarawan ni Angelica Panganiban ang damdamin ng malapit niyang kaibigan na si Kim Chiu ngayong may pinagdadaanan itong personal.
Naiintindihan daw ni Angelica na hindi niya ito laban.
Hindi rin niya matiyak kung paano kinakaya ng kaibigan ang isyung ito dahil hindi pa raw sila nagkakausap.
Sa panayam ng ABS-CBN News, kasama ang PEP.ph (Philippine Entertainment Portal), naitanong ni MJ Felipe kay Angelica kung ano ang pagkakakilala niya sa kaibigang si Kim.
Nahirapan si Angelica na sagutin ang tanong dahil bilang matalik na kaibigan, halatang nag-aalala siya para rito.
"Si Kim? Hirap. Sus!" panimula ng Kapamilya actress.
"Ayaw ko kasing sabihin na strong siya kasi ang hirap i-describe kung ano yung posibleng nararamdaman niya ngayon.
"So, hindi ko kaya i-describe kung ano siya. Hindi ko kaya sabihin na matapang siya and strong siya.
"And siguro, ang masasabi ko ay si Kim ay, kumbaga, maging ano na lang tayo sa kanya...
"Sobrang hirap ito... Maging, kumbaga, maging considerate tayo sa kanya, sa kung ano yung nararamdaman niya, yung pinagdadaanan niya ngayon."
Tinawagan ba niya si Kim noong nabalitaan niya ang isyu nito sa sariling kapatid?
Tugon ni Angelica: "Hindi kasi kami ganun, e, na parang pagka may nangyayari, e, super call na parang...
"Ayaw kong maramdaman niya na nakiki-chismis ako or, alam mo yun, habang mataas ang emotion ng lahat, baka mamaya iba yung ma-interpret niya.
"So, alam naman niya kung ano na nandito lang ako, di ba?
"So, anytime na kailangan niya ng kausap, ganun naman kami, e. Yung samahan namin."
Nitong nakaraang December 2, 2025, naghain si Kim ng reklamong qualified theft laban sa kapatid na si Lakam Chiu sa Quezon City Prosecutor's Office.
Inamin ni Kim sa kanyang opisyal na pahayag na may kinalaman sa pera ang tensiyon nilang magkapatid.
Napag-alaman daw niyang may nawawalang "substantial amounts" of money mula sa kanyang "business assets."
Masakit daw para kay Kim ang pinagdadaanan nila ngayon ni Lakam.
Napilitan daw siyang sampahan ng reklamo ang kapatid para protektahan ang kanyang kumpanya pati na rin ang mga empleyadong umaasa sa mga negosyo niya.
Read: Kim Chiu sues sister Lakam for qualified theft
Nakausap ng entertainment press si Angelica sa media conference ng UnMarry nitong Biyernes ng tanghali, December 5, sa Noctos Bar, Quezon City.
Kasama niyang humarap sa media ang co-stars na sina Zanjoe Marudo, Tom Rodriguez, Eugene Domingo, Nico Antonio, at Zac Sibug.
Ang UnMarry ay official entry ng Quantum Films at Cineko Productions para sa 51st Metro Manila Film Festival (MMFF).
Read: Tom Rodriguez, may mensahe sa engagement ni Carla Abellana
ANGELICA PANGANIBAN ON KIM CHIU'S SITUATION: Let's not judge.
Pakiusap ni Angelica, huwag muna tayong manghusga sa sitwasyon ng kaibigan at kapatid nito.
"Let's not judge. Hindi ko alam kung kailangan niya ng help, di ba?
"Hindi ko alam kung kailangan ba niya ng support.
"Hindi ko alam kung nag-i-strong-strong-an ba siya and, of course, hindi yun yung pinagdadaanan ko.
"I have to respect na di ako involved dito.
"Laban niya ito and kailangan niyang malaman na sa bawat laban niya nandun ako sa likuran niya.
"Yun lang siguro yung gusto kong sabihin," saad ni Angelica.
RELATED ARTICLES: