Inalala at binigyang-pugay ni Rufa Mae Quinto ang yumaong asawang si Trevor Magallanes sa ika-sampung anibersaryo nila bilang mag-asawa.
Nitong Martes, January 13, 2026, ibinahagi ni Rufa Mae sa kanyang Instagram account ang mga litrato nila ng nag-iisang anak na si Athena, 8, na ayon sa aktres ay pinakamalaking regalong iniwan sa kanya ng late husband.
Read: Rufa Mae clarifies late husband Trevor did not file for divorce
Pagmamalaki ni Rufa Mae, nang magdesisyon sila ni Trevor maging mag-asawa ay ipinangako nila sa isa't isa na magiging mabuti at hands-on silang mga magulang.
Hindi naman daw nagsisi si Rufa Mae na ibigay ang lahat dahil sa tulong at pag-aalaga ni Trevor ay naging madali ang kanyang pagdadalantao at pagiging ina.
Saad ng aktres sa caption: "Ang mga larawang ito ay ang memories kung paano ko po pinanganak at inalagaan si Athena.
"Hands-on and wala po kami[ng] yaya, kami lang mag-asawa ang nag alaga, nagpalaki, hands on parents kami.
"Kaya naninibago pa ako mag artista ng todo ulit, naging ordinary person lang ako sa America. [Ang] pinakamaganda at masaya na naganap sa buhay ko [ay] maging ina.
"Salamat sa pang habambuhay na Ikaw, Trev! Mula sa tummy ko siya inalagaan ko ng mabuti, dala na rin ng sobrang pagmamahalan natin."
Read: Rufa Mae Quinto promises late husband to care for their daughter
Rufa Mae recalls whirlwind romance that led to marriage
Hindi rin pinalampas ni Rufa Mae ang pagbabalik-tanaw kung paano nagsimula ang kanilang pagmamahalan ni Trevor.
Ayon sa aktres, bagamat mabilis ang naging pagpapakasal nila ng yumaong mister, hindi niya ito pinagsisihan dahil mula’t sapul ay alam niyang si Trevor ang lalaking kanyang pakakasalan.
Pagbabalik-tanaw ng Your Face Sounds Familiar contestant: "Naging kami po January 9, 2016, bago ako umuwi sa [Pilipinas] pero bumalik din ako ng January 13, 2016, sa America para magpakasal at [hin]di na po kami naghiwalay mula noon.
"[Three] days lang ako sa [Pinas], bumalik na ako sa SF [San Francisco] agad at magpakasal! Ganoon kadali, kagaan, at bilis sa amin ang lahat."
Read: How Rufa Mae Quinto celebrated wedding anniversary without late husband Trevor Magallanes
RUFA MAE'S MESSAGE TO TREVOR
Sa huli, taos-pusong nagpasalamat si Rufa Mae sa pagmamahal na ibinigay sa kanya ni Trevor noong ito'y nabubuhay pa, lalung-lalo na sa pagbibigay nito sa kanya ng supling—si Athena.
Aniya, "Salamat for giving me Athena, kitang kita ko ang lahat ng ikaw sa kanyang mga mata, ugali, tawa, mukha, smile, magsalita, kamay, boses , kuko, lahat na."
Read: Rufa Mae Quinto opens up about coping with husband's death
Hindi rin ikinaila ni Rufa Mae ang kanyang pangungulila sa yumaong mister.
Saad niya, "We miss you physically, pero alam namin kasama ka namin parati. Nandiyan lang watching our daughter.
"Patuloy mo akong alalayan sa mga pangarap natin para kay Athena [kung] paano palakihin ng masaya, mabait, matalino, cute, funny, healthy wealthy way to go go go!"
Dagdag pa ni Rufa Mae, "Magandang umaga, Happy New Year, Happy 3 Kings, Happy Chinese New Year, Happy Valentine’s Day, advance Happy Birthday."
Read: Rufa Mae Quinto denies foul play in husband Trevor's death
Pumanaw si Trevor noong July 31, 2025, sa edad na 40.
Read: Rufa Mae Quinto reveals depression after passing of husband