Hindi nakapagpigil si Will Ashley na sagutin ang ilang netizens na paulit-ulit siyang bina-bash tungkol sa kanyang height.
Sa gitna ng kanyang gaming livestream, may mga nagkomento tungkol sa kanyang height.
5'7" ang height ni Will.
Buwelta ni Will sa bashers: "Ginagawang pangkabuhayan yung pamba-bash. Wala na ba kayong ibang pam-bash kung hindi height ko?
“Dyusko, five years na akong tapos diyan. Wala na ibang mahanap?”
Ayon pa kay Will, wala naman siyang magagawa kung iyon ang ipinagkaloob sa kanya ng Panginoon.
“Anong magagawa ko ito lang binigay ni Lord, e,” pakli ng PBB: Celebrity Collab Edition Kapuso Second Big Placer.
Hindi man daw siya nabiyayaan pagdating sa height, binigyan naman daw siya ni Lord ng maraming talents.
Pag-e-enumerate ng award-winning actor: "At least binigyan ako ng [ibang talents like] singing, dancing, acting, modeling din ako, gamer ako."
Marami raw siyang kayang gawin, pero bakit ang height niya ang pinagdidiskitahan ng bashers.
Sabi pa niya: “Compare mo yun sa height ko. One equals five? Anong gagawin ng height ko sa talents ko?”
Ang tinutukoy ni Will na "1=5" ay ang height (1) at talents (5) niya.
@pavsykel “anong gagawin ng height ko sa talents ko?!” - @Will Ashley RIGHT???? RIGHT!!!!! #WillAshley #fyp?? ? original sound - Jenar de Luna
Read: Anne Curtis denies "iconic" quote but says "I'm gonna own it"
WILL ASHLEY ADMITS he was affected before
Sa isang episode noon ng PBB: Celebrity Collab Edition Season 1, ibinahagi ni Will na isa sa natatanggap niyang komento mula sa bashers ay tungkol sa kanyang height.
Aminado ang aktor na naapektuhan siya noon.
Saad niya, "Nakakaapekto sa akin before ay mga comments na, 'May itsura, magaling sana kaso kulang sa height.'"
Sa ngayon, abala si Will sa promo ng kinabibilangan niyang bagong collab project ng GMA Network at ABS-CBN, ang suspense-thriller na The Secrets of Hotel 88.
Makakasama niya rito ang Big Winners ng PBB: Celebrity Collab Edition na sina Mika Salamanca at Brent Manalo.
Ganundin ang dating housemates na sina Bianca de Vera, Ralph de Leon, AZ Martinez, River Joseph, Bianca de Vera, Dustin Yu, Klarisse de Guzman, Esnyr Ranollo, Xyriel Manabat, Josh Ford, at Kira Balinger.
Mapapanood ang pilot episode ng The Secrets of Hotel 88 simula March 2, 2026, 9:35 P.M. sa GMA Prime at Kapuso Stream; at sa GTV tuwing 11:25 P.M.
Mapapanood din ito sa GMA Pinoy TV, at streaming naman sa iWant simula Pebrero 23.
Read: Brent Manalo, Mika Salamanca topbill The Secrets of Hotel 88