Nanggagalaiti ang pamilya ni Anne Curtis sa anila'y pambabastos ni Quezon City Fourth District Representative Jesus "Bong" Suntay sa aktres at It's Showtime co-host.
Naging kontrobersiyal ang mga salitang binitiwan ng kongresista sa pagdinig ng House Committee on Justice nitong Martes, March 8, 2026, kaugnay ng pangatlong impeachment complaint laban kay Vice President Sara Duterte.
Read: Sara Duterte announces presidential bid amid impeachment raps
Sinabi ni Suntay na wala umanong sedition o political destabilization nang sabihin ni VP Duterte sa isang pagtitipon na siya ay isang "designated survivor."
Bahagi lamang daw ito ng imahinasyon ni VP Duterte at hindi ito dapat kasuhan.
Pagtatanggol niya sa bise-presidente, "Sinabi niya lang yon, siguro nagpapatawa lang siya."
Read: Anne Curtis reunites with husband Erwan, daughter Dahlia in Oman
Ginamit pang halimbawa ng politiko ang insidente kung saan nakita umano niya si Anne sa isang hotel.
Saad ni Suntay: "Alam mo minsan, nasa Shangri-La ako, nakita ko si Anne Curtis. Ang ganda-ganda pala niya.
"You know, may desire sa loob ko na nag-init talaga. Na-imagine ko na lang kung ano ang puwedeng mangyari.
"Pero siyempre, hanggang imagination na lang yon.
“Pero hindi naman siguro ako puwedeng kasuhan dahil kung ano yung na-imagine ko, e.”
Read: QC congressman, binatikos dahil sa komento kay Anne Curtis
ANNE'S MOTHER AND SISTER CALL OUT QC CONGRESSMAN
Kagaya ng mga tagahanga ni Anne, ang pahayag na ito ni Suntay ay hindi rin pinalampas ng kanyang pamilya—partikular na ang kanyang inang si Carmen Ojales Curtis-Smith at kapatid na si Jasmine Curtis-Smith.
Sa Facebook, ibinahagi ni Carmen ang isang artcard na naglalaman ng naging statement ni Suntay, kalakip nito sa caption ang kanyang pagkamuhi sa kongresista ng Quezon City.
Sabi ng ina ni Anne (published as is): "Mr. Bong Suntay your sick man I reckon!! Your foul!!"
Read: Anne Curtis's gift makes mom Carmen Ojales the "happiest" birthday girl
Maging si Jasmine ay hindi rin nakapagtimpi sa aniya'y pangmamaliit ng mga lalaking nasa kapangyarihan, hindi lang sa kanyang nakatatandang kapatid kundi maging sa lahat ng kababaihan.
Ayon pa sa Kapuso actress, ang mga binitawang pahayag ni Suntay tungkol kay Anne ay nagpapalakas daw sa maling pagtingin ng lipunan sa mga babae.
Read: 9 empowering female leads in Philippine cinema
Giit pa ni Jasmine, pinag-uuusapan dapat sa bulwagan ng pamahalaan ang mga kontribusyon, ideya, at pamumuno ng mga babae, imbes na bilang subject ng bastos na imahinasyon.
Dagdag pa ni Jasmine, kung nais ng bansa ng mas ligtas na mundo para sa mga kababaihan, dapat magsimula ang pananagutan sa mga iniluklok sa puwesto ng publiko.
Buong post ni Jasmine sa Facebook (published as is): "This moment is not about one female celebrity. It is about how ALL WOMEN, regardless of profession, continue to be reduced to bodies in spaces dominated by men in power.
"When a congressman publicly narrates his “desire” and imagination about a woman he once saw (or dreams he saw, idk his statements keep changing), it reinforces a culture that treats women as consumable, as spectacle, as fantasy, as objects for commentary rather than as whole human beings with agency, intellect, and autonomy.
"Public office carries with it the responsibility to elevate discourse, not diminish it. The halls of government should be spaces where women are discussed for their contributions, their ideas, and their leadership — not as imagined scenarios.
"We cannot continue excusing this as “just being honest” or “just a compliment.” It is neither.
"Respect is not complicated. If we want safer environments for our daughters, nieces, and future leaders, accountability must begin with those elected to represent us."
SUNTAY: "SHE SHOULD TAKE IT AS A COMPLIMENT"
Samantala, sa panayam ni Suntay sa beteranong journalist na si Ed Lingao sa programang Storycon, nanindigan ang kongresista na "nothing sexual" ang kanyang sinabi tungkol kay Anne.
Saad niya: “There’s nothing sexual dun sa sinabi ko. Nothing immoral.
"I said may na-imagine ako. I think there’s nothing wrong. There’s nothing even sexual sa statement na yon."
Read: 5 must-watch Filipino movies that depict girl power
Palusot pa ni Suntay, "imaginary situation" ang sinabi niyang pinagpantasyahan niya si Anne, bagay raw na hindi dapat gawing big deal o seryosohin ng publiko.
Aniya: "No, it was not even a real situation... it was an imaginary situation. Kaya nga sinabi ko imagination and desire, e....
“Sabi ko, 'Parang nung nakita ko si Anne Curtis sa Shangri-La.' It’s not a real event...
"It doesn’t mean it’s a real event. I was wringing up the scenario."
Sa opinyon na kailangan niyang humingi ng paumanhin kay Anne, imbes na mag-apologize, sinabi ni Suntay: “Sabi ko, 'Ang ganda-ganda niya.' And I think she should take it as a compliment that I feel and I believe that she’s very beautiful.”
Habang isinusulat ang artikulong ito ay wala pang inilalabas na reaksiyon si Anne tungkol sa mga naging pahayag sa kanya ni Suntay.
Read: Park Bom claims being a decoy for Sandara's alleged drug abuse