Nagulantang ang maraming tagahanga ng K-pop girl group na 2NE1 sa mga rebelasyong ibinahagi ni Park Bom tungkol sa co-member niyang si Sandara Park.
Sa burado nang Instagram post niya nitong Martes, March 3, 2026, ibinunyag ni Park Bom na ginawa umano siyang "scapegoat" upang pagtakpan ang paggamit daw ng ilegal na droga noon ni Sandara.
Read: Sandara Park hopes for Manila stop of 2NE1 reunion tour
Pinalaki rin umano ang drug-smuggling scandal na kinasangkutan niya upang mabaling ang atensiyon ng publiko sa kanya sa halip na kay Sandara, na siya raw tunay na gumagamit ng ilegal na droga.
Read: Lexi Gonzales stands by ex Gil Cuerva amid alleged video scandal
Noong 2010 ay naging laman ng balita sa iba't ibang bansa ang pangalan ni Park Bom dahil sa isyu ng paggamit niya diumano ng international courier delivery service para sa tangkang pagpuslit ng Adderall.
Lumabas noon sa mga ulat na nahuli si Park Bom na sinubukang magpuslit ng 82 tablets ng Adderall mula sa U.S. sa pamamagitan ng FedEx.
Gayunpaman, na-hold ng Customs ang package sa Incheon International Airport.
Ang Adderall ay gamot na naglalaman ng amphetamine at dextroamphetamine. Ginagamit ito bilang inireresetang medikal na lunas sa ilang bansa para sa may mga attention deficit hyperactivity disorder (ADHD) at narcolepsy
Subalit ipinagbabawal ang paggamit ng nasabing psychotropic drug sa South Korea sa ilalim ng Presidential Decree.
Mabilis na nagsagawa ng imbestigasyon ang Incheon District Prosecutors na humawak sa kaso ni Park Bom.
Ngunit hindi nagtagal, noong November 2010, ay tuluyan itong nasuspindi.
Park Bom claims she was framed to cover up Sandara’s alleged drug abuse
Kaugnay nito, ngayong 2026 ay muling binalikan ni Park Bom ang insidente, kalakip ang nakakagimbal niyang rebelasyon sa likod ng kontrobersiyang kinasangkutan noon.
Mababasa sa post ni Park Bom (ayon sa English translation ng Koreaboo): "To the citizens of the nation..Hello. This is Park Bom.
"I am writing because I want to share the truth with you. Have you all been well? I am not sick and am working hard to live well.
"I'm about to talk about something sensitive and something frightening."
Read: Lee Min Ho’s agency denies dating rumors with 2NE1’s Park Bom
Giit ni Park Bom, totoong mayroon siyang ADHD.
Ang wala raw katotohanan ay ang pag-label sa kanya bilang drug addict.
Dito na niya binanggit ang pangalan ni Sandara na aniya'y tunay na may history ng drug abuse.
Saad niya: "It is not a drug. I am an ADD patient, something called Attention Deficit Disorder.
"Sandara Park was caught for drug abuse, and to cover that up, they turned the medication into something labeled as a drug scandal involving me.
"At the time, there wasn’t even a specific medication system or law in this country regarding Adderall, but strangely, after Park Bom, a law was created.
Read: Ron Angeles: “Sanay na akong mahusgahan.”
Hindi pinangalanan ng K-pop idol kung sino ang umano’y pumilit sa kanyang maging cover-up sa takot na muling masira ang kanyang reputasyon at pangalan dahil sa pagsasabi umano ng katotohanan.
Pahayag niya: "I'm being cautious in case it causes another uproar, but the medication known as Adderall, which is labeled as a psychtropic drug, weighs on my mind.
"I really didn't want to bring it up again.
"I'm afraid that even mentioning it on the news again would be a shortcut to ruining my reputation. At that time, I felt like I was dying... but now I am gathering the courage to speak."
PARK BOM CALLS OUT YG FOUNDER, 2NE1 LEADER CL
Sa huli, nanawagan si Park Bom sa publiko na muling imbestigahan ang isyu.
Nanawagan din siya sa YG Entertainment founder na si Yang Hyun Suk at 2NE1 leader na si CL na huwag siyang i-report sa mga awtoridad.
Pagsusumamo niyang saad: "To the citizens online, I sincerely ask that you please investigate, the facts as they are.
"YG Entertainment, Yang Hyun Suk, Teddy Park, and Lee Chaerin (CL), please do not report to the authorities that Park Bom used more than the prescribed amount of a drug that you yourselves have not used even once in 30 years.
"I am writing this because it feels like my soul is crying."
SANDARA PARK ON PARK BOM'S CLAIM
Sa ulat naman ng YTN, sinabi ng kampo ni Sandara Park na "groundless" ang mga alegasyon ni Park Bom.
Ini-report din ng Korean media outlet na OSEN na isang malapit na kaibigan ni Sandara Park ang nagsabing "mentally unstable" si Park Bom.
Saad nito: "We only just became aware of the content. As you know, this happened due to Park Bom’s unstable health condition. We ask for your understanding."
Read: Arron Villaflor, biglang umakyat ang bilang ng IG followers