“Feels like home.”
Ito ang reaksiyon ni Conrad Ricamora nang tanungin siya tungkol sa A Chorus Line, ang bago niyang stage musical na ipapalabas na sa March 12, 2026, sa Samsung Performing Arts Theater, Circuit Makati.
Zach ang pangalan ng role ng U.S.-based Filipino-American actor. Siya ay demanding director and choreographer na magpapa-audition ng ilang mga dancers para makasama sa isang play.
Nakausap ng PEP.ph (Philippine Entertainment Portal) si Conrad sa media briefing ng A Chorus Line noong March 5.
Masaya si Conrad dahil matapos ang mahaba-haba niyang career sa Hollywood at sa Broadway ay nakagawa na siya ng proyekto sa Pilipinas, kung saan lumaki ang kanyang ama.
Pilipino ang tatay ni Conrad habang Amerikano ang kanyang ina.
Kuwento ni Conrad: “You know, my dad left the Philippines looking for a better life, and now to be able to come back to the Philippines as a performer and to experience the beauty of the culture and the country with all of these other Filipino performers and Filipino American performers, it just feels so good for my heart and soul. And like, yeah, I'm just so grateful.”
Nakilala si Conrad dahil sa kanyang role sa TV shows na How to Get Away with Murder at The Resident.
Kasali rin siya sa marami nang stage productions sa Broadway, tulad ng Here Lies Love, The King and I, at Soft Power.
Noong 2025 ay na-nominate siya sa award na Best Performance by a Featured Actor in a Play sa 78th Tony Awards, para sa pagganap niya sa Oh, Mary!
Bilang isang seasoned staged performer, batid ni Conrad na mahusay rin ang mga stage productions dito sa Pilipinas.
Read:
Gigi de Lana, nag-collapse matapos mag-perform sa Davao del Norte
Bea Alonzo wedding banns with Vincent Co announced at a church
CONRAD RICAMORA ON LOCAL STAGE PRODUCTIONS
Sa katunayan, sa isang buwan niyang pamamalagi sa bansa para sa rehearsals ng A Chorus Line ay marami na siyang napanood na local plays at musicals.
Una niyang pinuri sina Lea Salonga at Red Concepcion, na bahagi ng Les Misérables musical, na nagsimulang ipalabas noong January.
Pinanood din niya ang Spring Awakening ng The Sandbox Collective at About Us But Not About Us ng The IdeaFirst Company.
Pagpapatuloy niya: “Spring Awakening, which is a Filipino production with all of these young Filipino performers? That just blew me away.
"Then I just saw About Us But Not About Us. To see the caliber of the acting, I was on the edge of my seat the entire show, and it makes me feel good about coming here.”
Dahil dito, may balak na si Conrad na sumali sa ilan pang local stage productions pagkatapos ng A Chorus Line.
“I wanna be a part of this scene, this arts and cultural scene here in Manila,” saad niya.
Ipapalabas ang A Chorus Line mula March 12 hanggang March 29, 2026.
Bukod kay Conrad, kasama rin sa cast sina Lissa de Guzman, Christina Glur, Michaela Marfori, Angelo Soriano, at Jordan Andrews.
Ang Emmy-award winning choreographer na si Karla Puno Garcia ang direktor, at ang Theatre Group Asia (TGA) ang producer.