Maganda ang ngiti ni Kate Valdez nang matanong kung may bago na siyang manliligaw matapos nilang mag-break ng ex-boyfriend niyang si Fumiya Sankai.
"Sana nga meron, e, pero wala. But sabi nga ni Lord, 'Anak, makakakita ka.' That's the thought," may halong birong sabi ng Kapuso actress.
Hindi naman daw bad breakup ang nangyari sa kanila ni Fumiya.
"I think based naman sa pinost ko, hindi naman," sambit niya.
Naglabas ng joint statement sina Kate at Fumiya noong February 8, 2026, sa pamamagitan ng Instagram Stories. Dito ay kinumpirma nilang hiwalay na sila
Bahagi ng kanilang pahayag: "Following considerable thought, we have mutually decided to go our separate ways.
"This decision was made with respect, understanding, and care for one another.
"We believe that this step is necessary for our personal growth, as we each need time and space to focus on healing and self-development.
"There is no bitterness between us, only gratitude for what we shared and hope for what lies ahead."
Read: Kate Valdez and Fumiya Sankai finally confirm breakup
KATE VALDEZ MUM ON REASON FOR THEIR BREAKUP
Maaari na ba niyang sabihin ang rason kung bakit natapos ang relasyon nila ni Fumiya?
"Oh. Sorry, I can't disclose that yet, because medyo maaga pa," paiwas na sabi ni Kate.
Masaya na ba siya ngayon?
"I think so. Kasi, like, this is what I'm gonna say na lang, everything happens for a reason.
"And if para sa yo, para sa yo," makahulugang sabi niya.
Eksklusibong nakausap ng PEP.ph (Philippine Entertainment Portal) sa launching ng kapwa Kapuso star niyang si Cheska Fausto bilang endorser ng Clever Skin suncreen noong nakaraang March 14, 2026.
Dumating sina Kate at Michelle Vito upang suportahan ang kanilang kaibigan na si Cheska.
Read: Jeric, tumangging sabihin ang dahilan ng breakup nila ni Rabiya
KATE VALDEZ UPDATE ON ENCANTADIA
Nagbigay naman ng update si Kate sa kinabinilangan niyang teleserye, ang Encantadia Chronicles: Sang'gre.
Ano pa ang nilu-look forward niya sa Sang'gre kung saan ginagampanan niya ang role bilang Mira.
Natatawa niyang sagot, "Nilu-look forward ko na mabuhay kami. Ang tagal na kasi naming patay.
"Hello po, sana po no mabigyan pa kami ng chance mabuhay ni Lira [Mikee Quintos]."
Read: Barbie Forteza admits regrets but remains grateful for Kara Mia