Tila pasimpleng kinumpirma ni Lella Ford ang relasyon ng rumored couple na sina Daniel Padilla at Kaila Estrada.
Si Daniel ay nakatatandang kapatid ni Lella.
Read: PBB Kapamilya Big Winner Lella Ford accepts "nepo baby" tag
Sa Star Magic Spotlight presscon ng Kapamilya Big 4 housemates na sina Lella, Krystal Mejes, Joaquin Arce, at Miguel Vergara ngayong Miyerkules, March 18, 2026, nausisa si Lella tungkol sa suportang ibinigay sa kanya ni Kaila—na sinasabing nobya ngayon ng kanyang kuya na si Daniel.
Hindi lingid sa kaalaman ng iba na bago ang PBB Big Night ay nag-post sa Instagram Stories si Kaila para ikampanya si Lella na iboto ng kanyang fans.
Si Lella ang itinanghal na Kapamilya Big Winner ng PBB: Celebrity Collab Edition 2.0.
Habang si Caprice Cayetano naman ang Kapuso Big Winner.
“Yung girlfriend ng kuya mo, si Kaila, sumuporta rin siya [sa yo sa Pinoy Big Brother journey mo]," tanong sa Kapamilya young actress.
Mabilis na sagot ni Lella: "Yes, opo. Nagkita nga po kami after Big Night po. Pumunta siya sa house.
“Ayon, catch up lang with family.”
Sundot na tanong sa kanya, "Close na kayo?"
Nakangiting sagot ni Lella, "Opo naman, of couse."
LELLA TO KAILA: "I'm so happy that she makes by brother happy."
Ibinahagi pa ni Lella na bago pa man siya pumasok sa PBB house ay madalas na silang nagkikita at nagba-bonding ni Kaila.
Sa katunayan, nang ipakilala raw sa kanya si Kaila ay wala siyang ibang naramdaman kundi saya para sa Kuya Daniel niya.
Read: Daniel Padilla spotted at Kaila Estrada's birthday bash
Malaki rin ang pasasalamat ni Lella kay Kaila dahil sa kaligayahang hatid nito sa kanyang kapatid.
"Okay naman po. Masaya po [nung pinakilala siya sa amin].
"Ako po, masaya lang po talaga ako for them.
"I'm so happy that she makes my brother happy," saad ng PBB Kapamilya Big winner.
LELLA DESCRIBES KAILA AS SOMEONE SHE “REALLY LOOKS UP TO”
Dahil dito, hindi tuloy napigilang usisain si Lella kung paano niya ilalarawan si Kaila biglang bagong nobya ng kapatid.
Ani Lella: "[Si] Ate Kai, sobrang... grabe, she's a role model.
"She's someone I really look up to. Hindi lang po sa acting, but her as a person.
"Grabe po, she's very smart, very eloquent. She's so nice, she's so good. I love her."
Read: Karla Estrada reacts to Daniel-Kaila rumored relationship
Kaugnay nito, tinanong siya kung saka-sakaling magdesisyon si Daniel na magpakasal, handa na ba sila?
Sagot ni Lella, "Yes, of course. Go, kung saan siya masaya."
Read: Karla, inaming hindi pinapanood ni Daniel si Lella sa PBB