Matagal na sa ligawan stage sina ex-Pinoy Big Brother (PBB) Celebrity Collab Edition housemate Shuvee Etrata at Fil-Am model-actor Anthony Constantino.
Itinuturing ni Shuvee si Anthony na TDH o tall, dark, and handsome man sa buhay niya.
Nagawi ang usapan kay Anthony nang mabanggit ang ultimate crush ng Kapuso actress na si Donny Pangilinan, na inilarawan niya bilang "perfect example ng TDH."
Biro pa ni Shuvee, "Kaya nga kami nagka-jive [ni Anthony], kaya nga sinabi ko, 'Kung hindi ko makuha si Donny, maghanap ako ng kamukha niya.'
“Si Anthony na sobrang guwapong version, sobrang talino. Nasa kanya naman talaga lahat."
Birong tanong ng PEP.ph (Philippine Entertainment Portal), "Gaano na kayo katagal?"
Paglilinaw ni Shuvee, “Hindi pa po kami. Pero nag-meet po kami January 24 last year. Naglililigawan, nagliligawan po talaga."
Dagdag pa niyang biro kung kailan niya sasagutin si Anthony, "Para sa akin, ten years more.
"Ang mga lalaki kasi, kapag sinasagot mo, dun pa siya maaaning. May mga ganun.”
Nakausap ng ilang media si Shuvee pagkatapos ng question-and-answer portion sa media conference ng upcoming horror movie na Huwag Kang Titingin noong nakaraang linggo sa Citadines Hotel, Quezon City.
May special participation si Shuvee sa pelikula na ipalalabas sa April 15, 2026 sa mga sinehan nationwide.
Bida sa Huwag Kang Titingin sina Sofia Pablo at Allen Ansay; kasama sina Marco Masa, Charlie Fleming, Michael Sager, Kira Balinger, Josh Ford, Sean Lucas, at ang nauugnay kay Shuvee na si Anthony.
![The cast of Huwag Kang Titingin [L-R] Sean Lucas, Josh Ford, Kira Balinger, Allen Ansay, Sofia Pablo, Marco Masa, Charlie Fleming, Shuvee Etrata, Anthony Constantino, and Michael Sager.](https://contents.pep.ph/images2/images2/2026/04/01/shuvee-insert-1775036844.jpg)
Read: Shuvee Etrata recalls intense bashing she faced in the past
SHUVEE ETRATA AND ANTHONY CONSTANTINO: THE REAL SCORE
Kahit hindi pa umaamin nang pormal, may nagsasbaing may relasyon na raw talaga sina Shuvee at Anthony, base sa ulat na lumabas sa Cabinet File ng PEP.ph noong November 1, 2025.
Pero nanindigan si Shuvee na nasa ligawan stage pa lamang sila.
Noong may pinagdaanang matinding bashing si Shuvee last year, siniguro ni Anthony na maaasahan daw ni Shuvee ang kanyang suporta.
Sabi ng model-actor, "My form of supporting her is just showing up. Also, whatever it is, everybody loves to be loved in a different way."
Kabisado rin daw ni Anthony ang love language ni Shuvee.
"For Shuvee, communication is key, and I talk to her, and just showing up is what she loves.
“Of course, if she loves me to be there, I’m gonna be there without a doubt."
Malaking bagay na raw na maipakita niya ang suporta rito.
Saad ni Anthony: "Everybody knows how busy Shuvee is so she already has enough on her plate.
"And really, just showing up for her, so whether it’s just getting her mood, giving her her alone time or just being a driver for the day.
"We both have our work, but a simple act of service, that really adds something, can make somebody’s day."
Read: Anthony Constantino, pinaramdam ang suporta kay Shuvee Etrata