Malungkot at dismayado si Miss Cosmo 2025 first runner-up Chelsea Fernandez matapos mawalan ng PHP100,000 na naiwan umano sa sinakyan at binook niyang ride-hailing vehicle.
Nitong Martes, Mayo 12, 2026, ibinahagi ni Chelsea ang video ng kanyang final walk bilang Miss Cosmo Philippines 2025 sa The Miss Philippines coronation ball na ginanap noong Mayo 10.
Sa video, makikitang ngiting-ngiti pa ang beauty queen habang rumarampa at kumakaway sa audience.
Read: Miss Cosmo 2025 is USA; Chelsea Fernandez is first runner-up
Kalakip nito ang detalye ng nakakalungkot na karanasan ni Chelsea matapos ang nasabing event.
Aniya (published as is), "She doesn’t know it yet, but after this event, she’ll lose P100k after leaving it in the car she booked, and no one will help and cooperate."
Sa caption ng post, hindi naitago ni Chelsea ang kanyang pagkadismaya at panghihinayang sa nawala niyang pera.
Caption niya, "I don’t know anymore. I feel devastated."
Chelsea declines to name the TNVS involved
Bagamat hindi isinapubliko ni Chelsea kung anong Transport Network Vehicle Service (TNVS) ang kanyang na-book, marami sa kanyang mga tagahanga ang nag-alala sa sinapit ng beauty queen.
Read: Former GMA employee files separate complaints vs. Nico Waje
Komento ng isang netizen, "Sana naman magkaroon ng magandang loob yung nakakuha."
Reply dito ni Chelsea, "Kaya nga, makonsensya sana."
Read: Shirley Kuan, Alan German dragged into Bea-Vincent wedding issue
Sabi pa ng isa, "Sana maibalik, if hindi isipin mo na lang mayroon mas maganda at madaming blessings na darating."
"Omg!! Punta kana sa InDrive office, tapos kunin niyo yung information ung next passenger from the driver and sa system nila," suhestiyon pa ng isa.
Mabilis na reply dito ni Chelsea, "Kaya nga. It's either driver and next passenger lang nakakuha."
Read: Alexa Ilacad confirms end of loveteam with KD Estrada
May concerned netizens ding nagtanong kung nai-report na niya ang insidente sa mga awtoridad.
Sagot niya, "Yes."
Samantala, habang isinusulat ang artikulong ito, wala pang ibinibigay na panibagong update si Chelsea kaugnay ng nawalang pera.