Binasag na ng tech entrepreneur na si Jonathan Sterling, boyfriend ng beauty queen na si Celeste Coertesi, ang kanyang pananahimik kaugnay ng isyung ibinabato sa kanila ngayon.
Sa kanyang Instagram Story kahapon, June 23, 2026, sinabi ni Jonathan na isa sa dahilan ng kanyang pagbabalik sa social media ay ang samu't saring usapin na lumalabas tungkol sa kanya.
Una na rito ang paglalarawan sa kanya bilang "millionaire" ng ilang balita.
Biro niya, "I am NOT a millionaire. I'm a billionaire."
Ayon kay Jonathan, sasagutin niya ang lahat ng "false allegations" sa podcast ni Celeste, ang Celeste Unscripted, sa mga susunod na araw.
Buong mensahe ni Jonathan: "There have been a lot of false allegations going around online and in the media about me recently, so l'd like to break my silence, come back on social media, and take a moment to correct the record: I am NOT a millionaire. I'm a billionaire.
"(But seriously, if you want the full story, watch Celeste Unscripted when it comes out later this year)"
Ang Celeste Unscripted ay eight-part docu-series tungkol sa buhay ni Miss Universe Philippines 2022 Celeste Cortesi.
View this post on Instagram
Read: Bianca on Senator Gatchalian: "We’re still very good friends."
THE LATEST ISSUE ABOUT CELESTE, BOYFRIEND JONATHAN
Noong June 13, 2026, naglabas ng pahayag si Celeste sa pamamagitan din ng Instagram Story kung saan idinetalye ng Filipina-Italian beauty queen ang set-up nila ngayon ni Jonathan.
Ito ay matapos lumabas sa isang online news site na naghiwalay diumano ang dalawa dahil sa isa pang beauty queen, si Bb. Pilipinas-Universe 2009 Bianca Manalo.
Ayon kay Celeste, walang problema sa pagitan nila ni Jonathan.
Nakatuon daw ang kanyang atensiyon ngayon sa pag-aalaga sa ipinagbubuntis pa lamang niyang baby boy, na papangalanan nilang Sergio.
Nais daw niyang gawing pribado ang buhay nila.
Saad niya: "Jonny and I are good. Our focus remains on caring for our child, Sergio, and supporting our family.
“I believe some situations call for greater consideration and respect, especially when a child and family are already involved.
“Our priority is our family, and that is where our time, energy, and attention will remain.
“With that said, people can now relax and focus on their own lives instead.”
Pero hindi niya nabanggit ang tungkol sa third-party issue na nag-udyok sa kanyang maglabas ng pahayag.
Read: Celeste Cortesi on breakup; Bianca Manalo on third-party issue
Nauna nang naglabas ng pahayag ang Sparkle GMA Artist Center, ang talent management na kinabibilangan ni Bianca, kung saan mariin nilang pinabulaanang sangkot ang actress-beauty queen sa relasyon ng ibang couple.
Ayon sa pahayag na inilabas nila noong June 12, "On behalf of our Sparkle Artist, Bianca Manalo, we would like to clarify that there is no truth to rumors circulating about her involvement with another couple. She is single and not in any relationship."