Pinagmumulta ng Department of Labor and Employment (DOLE) si dating Ateneo Blue Eagles head coach Tab Baldwin ng kabuuang PHP9.8 million, habang PHP4.9 million naman ang ipinapataw sa Ateneo de Manila University (ADMU) dahil sa umano’y mga paglabag sa employment permit requirements.
Kasunod ito ng pagkamatay ng dalawang student-athletes na sina Rene Baterbonia at Divine Adili noong June 8, 2026, na nasawi sa drowning incident habang nasa isang team-building activity sa Dipaculao, Aurora.
Read: Baterbonia and Adili families seek accountability from Ateneo; present five demands
Sa inilabas na pahayag ngayong Martes, August 11, 2026, sinabi ng DOLE na nalabag ni Baldwin at ng Ateneo ang Article 40 ng Labor Code, partikular sa hindi pagkuha ng Certificate of Exemption (COE) at Alien Employment Permit (AEP).
Dahil dito, ipinag-utos ng DOLE ang pagbabayad ni Baldwin ng PHP4.9 million dahil sa hindi pagkuha ng AEP at isa pang PHP4.9 million para naman sa COE.
PHP4.9 million naman ang ipinababayad sa Ateneo dahil sa pag-employ nito kay Baldwin nang walang kaukulang legal na pahintulot at permit.
Mababasa sa pahayag ng DOLE: "This office hereby finds Mr. Thomas Anthony 'Tab' Baldwin and Ateneo de Manila University to be administratively liable for separate violations of Article 40 of the Labor Code, as amended and renumbered in its implementing rules and regulations.
"For failure to secure a certificate of exemption under the DO [department order] 248 series of 2025, Mr. Thomas Anthony Baldwin and ADMU are jointly and solidarily liable to pay an administrative fine in the total amount of PHP4,900,000."
Read: Rene Baterbonia's family visits site of fatal Aurora drowning
Bukod pa rito, inatasan din si Baldwin at ang Ateneo na magbayad ng tig-PHP10,000 dahil sa kawalan ng AEP ng dating head coach habang nagtatrabaho siya sa unibersidad mula December 1, 2015 hanggang September 28, 2016.
Sa isang ambush interview ng GMA News kay Labor Secretary Francis Tolentino, ipinaliwanag nito ang ibig sabihin ng “solidarily liable” na nakasaad sa pahayag ng DOLE.
"Solidarily liable si Ateneo. Ibig sabihin, kung hindi makabayad si Mr. Baldwin, si Ateneo ang magbabayad," paglilinaw ni Tolentino.
Mayroon lamang 30 araw ang pamunuan ng Ateneo at si Baldwin upang bayaran ang administrative fines na ipinataw sa kanila.
Read: Tab Baldwin resigns amid probe into deaths of Ateneo athletes
DOLE refers Baldwin case to Bureau of Immigration
Inirekomenda na rin ng DOLE sa Bureau of Immigration ang desisyon para sa nararapat na proseso ng deportation kay Baldwin.
Gayunman, ayon kay Tolentino, kailangan munang harapin ni Baldwin ang mga criminal case na posibleng ipataw sa kanya ng mga awtoridad sa Pilipinas bago siya tuluyang ma-deport.
"Bago ka mag-deportation, kailangan mo munang harapin yung mga criminal cases kung mayroong ipa-file ang DOJ [Department of Justice] at CIDG [Criminal Investigation and Detection Group], so hindi mo muna siya puwedeng i-deport.
"Naka-pending yon.
"Kasi, kailangan pang litisin doon sa criminal aspect kasi, di ba, mayroon atang binabanggit na homicide o ano," saad ni Tolentino.
Read: DOJ to review CIDG hazing case vs Tab Baldwin, 10 others
ATENEO RELEASES STATEMENT REGARDING DOLE’S DECISION
Samantala, kasunod ng desisyon ng DOLE, naglabas na rin ng pahayag ang pamunuan ng Ateneo.
Sa kanilang statement, sinabi ng unibersidad na kasalukuyan na nilang nire-review at pinag-aaralan ang desisyong ipinataw sa kanila ng ahensya.
"The Ateneo de Manila University has received a copy of the Order of the Department of Labor and Employment regarding the alleged employment permit requirements of former Men's Basketball Team Head Coach Tab Baldwin.
"The University is currently reviewing the Order with its legal team and studying the remedies available to it under the law.
"Ateneo will take the appropriate next steps after its review."
Habang isinusulat ang artikulong ito, wala pang inilalabas na reaksiyon o anumang pahayag si Baldwin tungkol sa desisyon ng DOLE.
Read: Ateneo refutes allegations from Tab Baldwin’s estranged wife