Wala raw tampong naramdaman si Dimples Romana sa best friend niyang si Bea Alonzo-Co dahil hindi siya naabisuhan sa kasal nito sa asawa na ngayong si Vincent Co.
Ayon sa aktres, masyado na silang matatanda para sa mga ganitong klaseng emosyon.
"Sa tagal naming magkaibigan, hindi uso sa matagal magkakaibigan ang tampu-tampo," diin ni Dimples.
"But I'm very happy for them. I see. We were supposed to have dinner very soon.
"But siyempre, she has wifey and hubby duties, so yun muna sila."
Nakausap ng media, kabilang na ang PEP.ph (Philippine Entertainment Portal), si Dimples sa Tara, Kapatid! 2026 Midyear Media and Trade Celebration ng TV5 noong August 6, 2026, sa MVP Studios, Reliance, Mandaluyong City.
Nakapunta na ba si Dimples sa bagong bahay nina Bea at Vincent?
Natatawang sagot niya: "Naku, guys, parang I'm not in the position to say anything! But as soon as I'm allowed to say anything, I will let you know."
Nagtaka ba si Dimples na hindi siya naabisuhan sa kasal nina Bea at Vincent noong July 8, 2026? Wala pa raw sa sampu ang nakakaalam at bisita sa kasal.
Paliwanag niya: "Bakit parang mas nagugulat pa ako, ako sumasagot.
"Naku, alam mo sa mga kaibigan ko, I'm always asked because I'm always out.
"But for anything, sabi ko nga kay Bey, in all that kasi, I'm just very fortunate to be the friend who's always around, being able to witness all the milestones in her life.
"So I wouldn't be a good friend if I answered any of those questions. So patawad, pasensiya na.
"But if there's anything I wanted you to know is that my whole family really rejoice in the joys of my friends.
"And that goes not only for Bea but for Angel [Locsin], for many of my friends na hanggang ngayon kaibigan ko pa.
"Imagine, ang tagal na natin sa industriyang to. But to be able to say we are still friends from when we were 16, 20s, until now that we are 40s, just a big blessing for us."
Read: Dimples Romana dodges questions on Bea Alonzo, Kathryn Bernardo
BEA ALONZO-CO SAYS THE WEDDING MOMENT "WAS OURS"
Pitong araw ang pagitan ng panayam ng media kay Dimples (August 6), at kay Bea na naganap naman kahapon, August 13.
Pero para kay Bea, hindi naman nila talaga isinikreto ni Vincent ang kanilang kasal.
Bagkus, nakaramdam daw silang nararapat lamang na ang kanilang pag-iisang dibdib ay sumentro sa kanilang dalawang nagmamahalan.
Saad ni Bea: "Honestly, I didn't think that it's something I really need to share.
"So, parang hindi naman sa pinagdadamot. But at that point, parang I felt like I just wanted it to be mine and his, you know.
"That I wanted it to be about us and no one else.
"So, yeah. It wasn't supposed to be a surprise or wala namang... it wasn't supposed to be like that.
"It was just, it felt like it was the right thing to do and, you know, parang it was... the moment was ours."
Read: Bea Alonzo now introduced as “Bea Alonzo-Co” at public event
DIMPLES SHOWS ON TV5
Dalawa ang kinabibilangang shows ni Dimples sa TV5.
Isa na rito ang Someone, Someday (8:45 P.M., nightly) na pinagbibidahan nina Kathryn Bernardo, James Reid, at Maja Salvador.
Kasama rin siya sa nagbabagong-bihis na Gud Morning Kapatid na ginawa nang Frontline sa Umaga (5:30 A.M., daily).
Kasama ni Dimples sa morning program sina Ed Lingao, Angela Lagunzad-Castro, Maoui David, Chiqui Roa-Puno, Alvin Pura, at Dr. Richard Gadiaza.
Read: Marvin-Jolina's Mommy Guard leads TV5's programming expansion