Mariing pinabulaanan ng singer-actress na si Thea Astley ang haka-hakang may namamagitan sa kanila ng aktor na si Elijah Canlas.
Ito'y matapos pag-usapan sa social media ang video ng dalawa na magkasama sa isang palengke, kung saan makikitang nakahawak umano si Elijah sa braso ni Thea.
May mga kuha ring video kung saan kinukunan ni Elijah ng larawan ang aktres.
Dahil dito, mabilis na kumalat ang espekulasyong maaaring hiwalay na si Elijah sa nobya niyang si Miles Ocampo, at si Thea ang bago nitong karelasyon.
Read: Elijah Canlas spotted with Thea Astley in market video
THEA BREAKS HER SILENCE
Sa episode ng online show na TRGGRD! noong August 28, 2026, kung saan isa sa mga host si Thea, itinanggi ng singer-actress na may namamagitan sa kanila ni Elijah.
Ayon kay Thea, labis silang nagulat ni Elijah sa pagkalat ng kanilang mga video at larawan, gayong noong mga panahong iyon ay namimili lamang sila ng gulay sa isang palengke sa La Union.
Aniya: "Hindi ko rin alam kung bakit nag-viral, e, bumibili lang naman kami noon ng gulay.
"We were really shocked. I think it was on our second or third day yon [sa La Union]; we already saw na parang there was a video circulating.
"But we didn't really think much of it at first, until we got back sa Manila and then we saw how viral it had gotten."
Read: Elijah Canlas, aminadong "hindi okay" sa mga naririnig na balita
Sa tingin ni Thea, nabahiran ng malisya ang kanilang video dahil sa mga screenshot na kuha ng ilang fans mula sa anggulo kung saan nakahawak si Elijah sa kanya.
Nilinaw niyang wala itong ibang kahulugan dahil matalik silang magkaibigan ng aktor.
Pahayag niya: "Parang lumaki na siya nang lumaki.
"Parang it was just taken out of context na kasi there was a video, tapos biglang naging screenshots na, where kung yung screenshots lang kasi talaga yung tiningnan mo, mapapaisip ka talaga that Jelo [Elijah] was, like, holding my hand or something like that.
"But I just want to be clear that Elijah and I are friends.
"Like, we’ve been friends for years now."
Thea denies third-party role in Elijah-Miles RUORED SPLIT
Nilinaw rin ni Thea na wala siyang kinalaman sa umano'y hiwalayan nina Elijah at Miles Ocampo.
Read: Miles Ocampo in four-year relationship with Elijah Canlas
Ito ay matapos siyang pagbintangan ng ilang tagahanga ng dalawa na maaaring siya ang dahilan ng kanila umanong paghihiwalay.
Diin ni Thea: "I've never cheated on anyone.
"I've never been the third party in any relationship, to my knowledge.
"I understand the parasocial relationship. I understand yung fans nilang dalawa, especially since they've been in the business for a long time.
"They've seen these two grow up.
"Gets ko yung feeling ng fans na they feel invested in the relationship.
"Trigger sila kasi sinuportahan nila yung dalawa and nakita nila kung paano nag-blossom yung relationship ng dalawa through the years, and then suddenly parang here I come na parang threat to that bond."
Hinding-hindi raw kayang pumasok ni Thea sa ibang relasyon at maging dahilan ng ikakasakit ng kapwa niya babae.
Saad niya: "I just want to be clear that I’m just friends with Elijah, and I would never do that to another girl.
"I know what that’s like. I know what that feeling is like. I would never ever willingly come between a relationship.
"Never! I would never do that."
Read: Elijah Canlas on Miles Ocampo: "We support each other."
Sa puntong ito, hindi napigilan ni Thea na maging emosyonal nang alalahanin ang mga masasakit na salitang natanggap niya dahil sa maling akala.
Umiiyak niyang sabi, "So, gets ko yung pain ng mga fans.
"But also, I hope that you could give me a little bit of grace, like, to see the things that I'm being called on the internet kind of hurts too.
"Like, to be called kabit or malandi.
"And just to see also my parents’ reactions to seeing some of the comments, parang I also feel hurt for them.
"To see that I’m being called these names when it’s not true."
Kung si Thea raw ang tatanungin, ayaw na sana niyang magsalita o palakihin pa ang isyu.
Ngunit sa dami raw ng threats na natatanggap niya dahil dito, kinailangan na niyang magsalita.
"I, like, just kind of held off on, like, talking about it kasi parang inisip ko na maybe if I just let it pass, it'll die on its own, and it has kind of dissipated already.
"Pero, I think, I'm also learning right now na maybe sometimes it is better to speak.
"The things that you're saying are hurtful, guys," aniya.
Sa huli, nag-iwan ng mensahe si Thea sa mga patuloy na bumabatikos sa kanya.
Mensahe niya: "Watch your words. Words have power too. And they're not true.
"You don't know the full story. You don't know me. You don't know Jelo [Elijah], and you probably don't know Miles either.
"You just don't have the facts."
Read: Elijah Canlas: "It’s not the happiest moment of my life."
Samantala, habang isinusulat ang artikulong ito, wala pang inilalabas na pahayag o anumang reaksiyon ang panig nina Elijah at Miles patungkol sa isyu ng kanilang umano'y hiwalayan.
Read: Elijah Canlas reveals relationship status with Miles Ocampo