Matapos ang halos 18 taong pananahimik, nagsalita na ang aktor na si Patrick Garcia tungkol sa masalimuot na nakaraan nila ng aktres na si Jennylyn Mercado.
Naging magkarelasyon sina Patrick at Jennylyn noong 2007.
Noong January 2008, inanunsiyo ng dalawa sa publiko na nagdadalantao si Jennylyn.
Read: FIRST READ ON PEP: Jennylyn Mercado nearly two months preggy, to wed Patrick Garcia
Ngunit makalipas lamang ang isang buwan, noong February 2008, ay tinapos nila ang kanilang relasyon habang ipinagbubuntis ni Jennylyn ang anak nila ni Patrick.
Noong mga panahong iyon ay si Jennylyn lamang ang nagsasalita sa dahilan ng hiwalayan nila ng aktor.
Read: FIRST READ ON PEP: Jennylyn Mercado confirms breakup with Patrick Garcia
Ayon sa aktres, simula raw nang mabuntis siya ay wala siyang nakukuhang suporta mula kay Patrick, emotionally and financially, kundi stress lamang.
Bukod pa rito, pakiramdam daw niya ay pinagdududahan ni Patrick ang pagkakakilanlan ng ama ng nasa sinapupunan niya noon, na labis daw niyang ikinasama ng loob.
Mainit na usap-usapan noon na hindi umano si Patrick ang ama ng ipinagbubuntis ni Jennylyn, makaraang maisyu na mayroong ibang lalaking sinasamahan ang aktres.
Isinilang ni Jennylyn ang anak niyang si Alex Jazz noong August 16, 2008.
Eighteen years old na ngayon ang anak ng aktres kay Patrick.
Read: Jennylyn Mercado remains firm in keeping her son away from Patrick Garcia
PATRICK GARCIA FINALLY BREAKS HIS SILENCE
Makalipas ang halos dalawang dekadang pananahimik, nagdesisyon si Patrick na ihayag ang sarili niyang bersiyon sa umano'y totoong dahilan ng hiwalayan nila ni Jennylyn.
Inihayag ng aktor ang kanyang saloobin sa YouTube vlog ni Ogie Diaz na in-upload ngayong Martes, September 29, 2026.
Ayon kay Patrick, malaking rason ng kanyang pagsasalita ngayon ang katakut-takot na bashing na ipinupukol sa panganay nilang anak ng misis niyang si Nikka Martinez—si Michelle Garcia, 13.
Ikinasal sina Patrick at Nikka noong 2015 at biniyayaan ng apat na anak.
Read: Patrick Garcia and Nikka Martinez tie the knot
Ang panganay nila ay si Michelle na kasalukuyan na ring gumagawa ng pangalan sa showbiz bilang dancer.
Read: Patrick Garcia's daughter Michelle undergoes K-pop training
Pahayag ni Patrick: "Actually, one day, my daughter, si Michelle, went up to me and said, 'Daddy, I'm sad. Because every time there's good news about me, in the comment section, it's all bashing, and they're bashing me because of you.
"'Daddy, why don't you tell your story? What really happened between you and your past?'
"Sabi ko sa kanya, 'Yeah, I can tell my story, but I cannot promise you na the bashing will stop, or could lessen, or it could worsen.'
"Sabi niya sa akin, 'Daddy, it's okay, as long as they know the truth.'"
Dito na sinimulan ni Patrick ikuwento ang natatandaan niyang pinagsimulan ng hindi nila pagkakaintindihan ni Jennylyn na humantong sa kanilang hiwalayan.
Pagbabalik-tanaw niya: "Let's start from when Jen got pregnant.
"So when she got pregnant, we found out together. I bought test kits, and then it was positive.
"So siyempre, nung nalaman naming positive, ako, medyo kabado. Medyo may halong takot kasi this was not planned, but ready to face it naman.
"So after that, sinabihan namin yung family namin. I told my family; she told hers.
"After that, we told our managers. This was within the first month of her pregnancy."
Pagpapatuloy ng aktor: "So after that, after telling our managers, I remember we went to St. Luke's para magpa-ultrasound.
"And then, yun nga, buntis nga siya.
"For the first time, we heard yung heartbeat ng baby. And then sabi pa nga ng doktor, 'Uy, baka girl ito, kasi usually kapag malakas ang heartbeat, girl, ganun.'
"So medyo may konting sense of excitement.
"I remember pa after going home from St. Luke's, Jen was thinking of girl names kasi 'kala nga namin girl.
"So within the timeframe of the first month of her pregnancy, doon din kami nag-announce. Nag-announce kami na buntis siya.
"Nag-announce kami sa Makati RTC [Regional Trial Court].
"Nandoon kami because the announcement was real—yun kasi ang parang gusto ni Tita Becky na parang we had the intent of getting married.
"That's why we announced it in front of the judge."
Ang "Tita Becky" na tinutukoy ni Patrick ay si Becky Aguila, ang long-time talent manager ni Jennylyn.
Dagdag pa ni Patrick: "Pero yung intent of getting married kasi, parang may mga clauses yata si Jennelyn sa mga kontrata, endorsements, or something like that.
"So parang may intent kami to get married, pero hindi rin puwede kasi my sister [Cheska Garcia] was getting married at the same year.
"So may sukob, kaya hindi kami natuloy.
"Parang ayun yung ploy, ayun yung parang nag-ride on lang na lang ako doon.
"Pero the announcement was real."
October 9, 2008, ikinasal ang nakatatandang kapatid ni Patrick na si Cheska Garcia sa PBA player na si Doug Kramer.
Read: Patrick and Jennylyn still enjoying each other's company
Patrick recalls FIGHT WITH Jennylyn's over "hypothetical" pregnancy question
Matapos nilang isapubliko ang pagbubuntis ni Jennylyn, dito na raw sila nagsimulang magkagulo.
Nangyari raw ito nang masamain ni Jennylyn at ng kanyang pamilya ang naging sagot ni Patrick sa isa niyang interview.
May kinalaman ito sa umano'y pagkuwestiyon kung si Patrick nga ba ang ama ng kanya noong ipinagbubuntis.
Saad ni Patrick: "After announcing, medyo naging magulo. This is entering the second month of her pregnancy.
"Medyo naging magulo kasi after announcing, ang raming tsismis.
"Kesyo, hindi raw sa akin. Kesyo nakita daw si Jen sa condo ng aktor, or I think mayroon din kay politician.
"Marami, you know how showbiz is.
"But to be fair, hindi ko nakita yung mismong write-up. Parang nakakarating lang sa amin yung mga tsismis na yon.
"Pero for me, part of show business. Yung, it's bothersome, pero ganito talaga yung show business.
"Parang, you know, it's not in my control, di ba?
"So within the timeframe, I think a week after that, in-interview ako ni Nay Jobert [Sucaldito] for The Buzz.
"So, in-interview ako about the pregnancy, like, 'How is Jen, how's the pregnancy, how are you?'
"And then may last question siya, 'Pat, paano kung nalaman mo hindi pala sa iyo yung dinadala ni Jen? Anong gagawin mo?'
"Sabi ko, 'Nay, hindi ko sasagutin yan. Pangit-pangit ng tanong.'
"Sabi niya, 'Pat, sige na. Kunwari lang naman.'
"Sabi ko, 'Nay, hindi ko kaya.'
"Sabi niya, 'Pat, it's just a hypothetical question. Anong gagawin mo kung sakaling malaman mo na hindi pala sa iyo yung dinadala ni Jen?'
"So, para sa akin, para lang matapos yung interview, sinagot ko. Sabi ko, 'Mamahalin ko pa rin at tatanggapin yung bata kahit na hindi akin.'
"Ayun yung naging sagot ko doon sa question na yun para matapos na.
"So that was aired for sure on a Sunday, The Buzz, and then hindi ko siya napanood.
"I don't know how it was edited. Basta, yun ang naging interview.
"Two days, I think, after it aired, may taping kami ni Jen. It was for QTV; it's a cooking show, yung cooking show sa QTV.
"Okay naman, nag-taping kami. And then after taping, umuwi siya; umuwi ako.
"Tapos, ayun na, yun yung away namin over the phone."
Kinukuwestiyon daw noon ni Jennylyn kung bakit ganoon ang isinagot ni Patrick sa interview.
"So, nag-away kami.
"Yung mismong point ng pag-aaway namin was about that interview, kasi napanood daw ng side niya yung interview, bakit ko raw sinasabi yun.
"Sabi sa akin, 'Pat, bakit mo sinabing hindi sa iyo? That's unfair.'
"Sabi ko naman, 'No, wala akong sinasabing hindi sa akin. I just answered the question na anong gagawin ko kung hindi sa akin. Hypothetical lang, pero wala akong sinasabi na it's not mine.'
"Ayun yung naging away namin about that interview.
"Of course, there are some, you know, mga na-input pang ibang away, but yung main away was about that interview.
"So I don't know how the conversation ended, but I know it ended na hindi kami okay. Unresolved pa siya."
Read: Patrick Garcia on Jennylyn Mercado: "Kung saan siya ma-in love, I'm always happy for her."
Kinabukasan, ilang ulit daw tinawagan ni Patrick si Jennylyn para muling makausap.
Ni isa sa tawag niya ay hindi raw sinagot ng aktres.
Pagbabalik-tanaw ni Patrick: "I tried calling her on her phone, but 'The subscriber cannot be reached.'
"Then another day, 'The subscriber cannot be reached.' Then the third day, 'The subscriber cannot be reached.'
"Hindi ko siya pinupuntahan kasi usually pag nag-aaway kami, gusto kong tawagan muna siya.
"You know, tatanungin, 'Okay ka na ba?' Then usually I would visit her, ganun.
"Then the fourth day, natatandaan ko yun na yung Startalk interview niya na umiyak siya, saying, I did this, I did that.
"So, hindi ko natapos yung buong Startalk interview niya kasi hindi ko siya kayang panoorin.
"Parang it was about me. Parang she was saying things about me.
"But I was still optimistic. Parang, 'Ah, buntis lang to or you know, usually kasi kapag buntis, emosyonal e, di ba? Kung anu-ano ang nasasabi.'
"So, parang for me, parang, 'Maaayos pa ito.'
"So after that interview, pumunta ako doon sa bahay niya sa Quezon City. Pero sa gate pa lang, bawal na akong pumasok.
"So ako, 'Ano to? Bakit bawal akong pumasok?'
"And then soon, I found out kaya hindi ko siya ma-reach because she changed her number.
"But still, optimistic pa rin ako. Baka give it some time.
"So this is about the second month of her pregnancy. So, parang entering third month na."
Patrick ON Finding Out Jennylyn Has a New Boyfriend
Tumagal daw ng halos dalawang linggo ang hindi nila pag-uusap ni Jennylyn, hanggang sa malaman na lang daw ni Patrick na mayroon nang ibang kasintahan ang kanyang nobya.
Lahad niya: "Two weeks later, I found out, may tumawag sa akin na kaibigan, sabi niya, 'Uy, Pat, si Andrei tsaka si Jenelyn na.'
"Si Andrei Felix ay kaibigan ko. And we have the same circle of friends.
"So, silang dalawa na. Parang hindi pa ako naniniwala.
"Parang, sabi ko noon, baka hangout lang.
"You know, kasi she's pregnant, and two weeks pa lang after that interview, parang it was too soon, di ba?
"Then two weeks after that, it was confirmed to me by close friends na, indeed, si Andrei tsaka si Jenelyn were a couple."
Read: PART I: VJ Andrei Felix claims that he and Jennylyn Mercado dated for "two years"
Noong mga panahon iyon ay gulong-gulo raw si Patrick dahil sa pagkakaalam niya ay hind naman sila pormal na naghiwalay ni Jennylyn.
Saad niya: "Parang hindi ko alam kung anong dapat maramdaman or dapat kong isipin.
"Kasi, parang after that interview sa Startalk, tapos hindi ko siya puwedeng matawagan, hindi ko siya puwedeng puntahan, tapos two weeks after, may bagong boyfriend na?
"Parang this is too crazy. Hindi ko siya ma-sense. Hindi ko siya ma-put together sa mind ko.
"Pero when I found out na sila na talaga, parang doon na ako bumitaw.
"Parang doon na ako hindi umasa na magiging kami pa. Parang, sige, kung ayaw mo na sa akin, I'll just have to accept.
"But I didn't stop there. I still wanted to get to talk to her."
Bagamat hindi na mababalik pa ni Patrick ang relasyon nila noon ni Jennylyn, ang hinabol na lang daw niya sa aktres ay ang ipinagbubuntis nitong anak nila.
"I think this was entering, siguro, the fourth month of her pregnancy that I was able to get a hold of her friend. Her name is Nice Cervantes, good friend ni Jen.
"I was able to convince her to convince Jen to meet up with me because I wanted to talk to her.
"So, umoo siya. One night, we met in St. Peter's Church sa Commonwealth, sa parking lot.
"Doon ko na-notice na may bump na. First time kong nakita.
"So, sabi ko sa kanya, 'Alam kong ayaw mo na sa akin, pero may request sana ako. Kung puwedeng kapag may checkup ka, kung may doctor's appointment, kung puwede akong sumama or if you can update me sa baby.'
"Sabi niya sa akin, 'No.'
"So I didn't wanna argue anymore; she was pregnant.
"Baka kung nagtanong pa ako, baka away ulit, ganun. Parang I respect na lang, kasi kung ayaw mo na talaga, I'll just respect it.
"So, noong sabi niya na 'No,' okay.
"I remember saying bye to her. I remember kissing her tummy.
"And ayun na yung last na pag-uusap namin that year kasi, a month or two months after that, umalis na ako [sa bansa].
"Umalis ako because anong gagawin ko pa dito? Magpapahinga muna ako.
"So a month after we talked, or two months after we spoke, umalis na ako. I left the first week of June. Nag-abroad ako.
"And she gave birth in August. So when she gave birth, wala na ako dito.
"I came home na lang for my sister's wedding in October."
Read: PART II: Andrei Felix admits crying in front of Jennylyn Mercado when she broke up with him
Patrick denies abandoning Jennylyn during her pregnancy
Sa kauna-unahang pagkakataon, mariin ding itinanggi ni Patrick ang ibinabato sa kanyang akusasyon na iniwan at pinabayaan niya si Jennylyn noong panahong nagbubuntis ito.
Ayon kay Patrick, hindi niya piniling lumayo kay Jennylyn.
Ang aktres daw mismo ang ayaw na makasama siya habang ito'y nagdadalantao noon.
Pahayag niya: "Sa mga bashers na bina-bash ako, they hate me so much because they're saying na iniwanan ko si Jen. No, that's not true! Hindi ko iniwanan si Jen.
"And sa ibang mga bashers na nagsasabi na I was never there for Jen sa pregnancy niya, that's true.
"I was never there for Jen during her pregnancy, not because I didn't want to be there, but because she didn't want me to be there.
"So, ayun ang totoo. That's my story.
"This is the story I've been holding for 18 years na hindi ko sinasabi kasi, you know, baka makalimutan na lang.
"Baka, you know, move on na.
"But until this day, the words of Jen are haunting me, my family, and my daughter [Michelle].
"People are hating on us too much, and I think it's unfair. That's why I'm telling my story."
Diin pa ni Patrick, "For me, hindi ako masamang tao. I'm not evil.
"Ayun yung nangyari sa situation namin. Ayun talaga ang nangyari."
Habang isinusulat ang artikulong ito, wala pang inilalabas na reaksiyon si Jennylyn sa mga naging pahayag ni Patrick sa kanilang nakaraan.