Ang pelikulang Red Crown ay tumatalakay sa fictional beauty pageant na Queen of the Islands kung saan 25 aspiring queens from different areas ang kasali.
Kabilang sa cast ang titleholders na sina Miss Universe Philippines 2025 Ahtisa Manalo, Miss Universe Philippines 2023 Michelle Dee, Miss Universe Philippines 2013 Ariella Arida, at Miss Universe Philippines 2014 MJ Lastimosa.
Sa media conference ng pelikula noong September 29, 2026, tinanong ang apat kung sino sa kanilang co-stars na mga artista ang nakikita nilang bagay sumali sa beauty pageants.
Read: Dennis Trillo reacts to Patrick Garcia’s resurfaced interview
MICHELLE DEE
Si Michelle ang unang sumagot sa tanong ng press sa question-and-answer portion ng media conference.
"Alam niyo po, napakasarap ng experience noong ginagawa po namin yung pelikula na to.
"Marami pong beauty queens na nakasama bilang artista and then vice versa po," simula niya.
At ang napili niya na masaring sumali sa tunay na beauty pageant ay si Shuvee Etrata.
"So to answer your question, I think Shuvee. I think dapat ilaban si Shuvee sa isang international na competition.
"Nakita niyo naman po siya kung paano gumalaw, um-aura, at mag-project.
"And napakatalino po niya kahit magaling siya magpatawa," paliwanag niya.
Read: Patrick Garcia clarifies his family was never against Jennylyn
AHTISA MANALO
Si Faith da Silva naman ang choice ni Ahtisa.
Paliwanag ng Miss Universe 2025 3rd runner-up: "Ako, for me, sa lahat ng nakasama ko, marami magaganda, but I think si Faith da Silva yung someone na puwedeng maging beauty queen.
"Kasi, you see that she has the personality, she likes people. That's very important for a beauty queen.
"Also, she has the drive and fire inside her na kapag nilapat mo yan sa stage, lalaban yan for the Philippines."
Read: Nikka Garcia stands by Patrick amid Jennylyn Mercado backlash
ARIELLA ARIDA
Lima naman ang napili ni Ariella: sina Shuvee, Faith, Sanya Lopez, Ashley Ortega, at AZ Martinez.
Sani Ariella: "Puwedeng Universe, International, Supra. Puwede ring Grand and Cosmo.
"Simula natin kay Sanya. Di ba, Sanya, I remember you have a background, a history of joining pageant.
"I remember meeting you first, di ba, na basta...
"That's why I appreciate Sanya, kasi before I met her, hindi pa siya nag-aartista, nagpa-pageant siya.
"And then the next time I saw her, she's a big star and still the same, very humble.
"So, I guess may calling talaga siya for pageant and her face, puwede pang-Miss Universe. And I would say for International... ay, nilahat!
"I think si AZ and Ashley will be good competitors. Oo.
"Oo, saka yung beauty nila, alam mo yung peg talaga is... like, parang effortless na maganda. Parang as is, ganyan.
"And then si Shuvee. I can see you sa Universe or Grand. Especially the personality and the look as well. Very, very pareho for Miss U and Grand.
"And of course, si Faith. Siyempre, let the fate decide kung makikita natin siya in the upcoming pageant.
"So good luck on your journey, all the girls."
Read: EXPLAINER: Can a father stop child support if denied visitation?
MJ LASTIMOSA
Sina Sanya at Faith din ang choice ni MJ.
Sabi ni MJ: "Ako, masasabi ko Sanya Lopez. Kasi this girl joined the same pageant that I did way back pa. Huwag na natin ibalik yung taon.
"Wag na natin pag-usapan yan. I think she has the grit and the wit.
"And since acting na acting ang mare ko, kailangang-kailangan kasi sa pageant yan.
"No matter how tired you are, how sick you are, kailangan, alam mo yun, you know how to handle yourself — the confidence, the smile.
"At importante fresh ka pa rin kahit isang oras lang yung tulog mo. I think she has all that.
"Pero isa sa mga wish list next year, Faith da Silva. Kailangang makita natin yan.
"Kailangang makita natin yan sa national stage at I feel like it will happen."
Read: Ruru Madrid and Bianca Umali meet Baby Atlas
THE RED CROWN MOVIE
Matutunghayan sa pelikulang Red Crown ang 25 candidates na maglalaban-laban sa korona sa fictional na pageant na Queen of the Islands na nagdiriwang ng ika-25 anibersaryo.
Ang grand prize winner ay makakatanggap ng PHP25M.
Ano kaya ang gagawin ng mga kandidata kung ang inakala nilang glamorous competition ay magiging deadly fight for survival?
Ano kaya ang kanilang gagawin kung malaman nila ang kahindik-hindik na katotohanan sa likod ng tinaguriang deadly competition?
Magkakanya-kanya ba sila o kanilang isasantabi ang pangarap na korona at pera at magtulungan para makaligtas sa weekly execution... este elimination.
Kabilang sa cast ng Red Crown sina (in alphabetical order) Yana Aduana, Alethea Ambrosio, Ariella Arida, Herlene Budol, Skye Chua, Faith, Michelle Dee, Haley Dizon, MJ Encabo, Shuvee Etrata, at Gazini Ganados.
Kasali rin sa thriller film sina Rein Hillary, Maika Kemmochi, Aira Lopez, Sanya Lopez, Ahtisa, AZ, Ashley, Vanessa Peña, Sandy Riccio, Jade Tecson, Tarah Valencia, Yna Angela Uy, at Yza Thalia Uy.
Nasa cast din sina Michael de Mesa, Epy Quizon, Biarica Manalo, Vince Maristela, Roxie Smith, Christian Singson, Jay Ortega, Tim Yap, Pinky Tobiano, Cat Arambulo, Anna Magkawas, at Ruffa Gutierrez.
Ang pelikula ay mula sa panulat nina Kit Villanueva at Ken de Leon, at sa direksiyon ni Dominic Zapata.
Ito ay mapapanood sa mga sinehan nationwide simula October 28, 2026.
Read: MJ Lastimosa embraces “Meme Queen” status over viral NatCos