Kinumpirma ni Ian de Leon na bukas na ang komunikasyon sa pagitan nila ng kapatid na si Matet de Leon.
Matatandaang nagkaroon ng pagsiklab ng matinding hindi pagkakaunawaan sa pagitan niya, as biological child nina Nora Aunor at Christopher de Leon, at ng mga kapatid na sina Lotlot de Leon at Matet de Leon, na adopted children ng kanyang ina.
Nanatili namang tikom ang bibig ng mga nakababata nilang mga kapatid na sina Kenneth at Kiko.
Naisapubliko ang noon ay namumuong gap nang ianunsiyo ni Ian sa panayam niya kay Rico Hizon na siya ang sole legal heir ng lahat ng naiwan ng namayapang ina bagama't sinabi niyang hahatian ang mga kapatid.
Itinatag niya ang Nora Aunor Enterprise at Nora Aunor Foundation, na ayon sa kanya ay napag-usapan nilang magkakaptid sa Zoom, bagay na dineny nina Lotlot at Matet.
IAN DE LEON ON MATET
Nakapanayam ng PEP.ph (Philippine Entertainment Portal) si Ian sa nakaraang 42nd Star Awards For Movies na ginanap sa Winford Resort and Casino Manila nung October 25, 2026.
Dito siya nagkuwento tungkol kay Matet.
"Yeah, nag-uusap naman kami. We're fine, we're good. Naayos? Yeah, but like I've said, focus muna tayo sa kung ano ang naiwan ni Mommy.”
Naniniwala ba siya na walang sugat na hindi pinaghihilom ng panahon at magkakaayos sila sa bandang huli?
"Definitely it does. Of course, it's not forever, no. Christ forgave those who put Him in the cross, so why not us?
"Let us repent for what Christ do to save us from our sins.
"Kung Siya nagpatawad, why not us?
"Magkaayos? Things happen naman along the way sa buhay ng tao.
"Of course I don't wanna go there kasi iyang question, papunta na dun.
“Sa akin, para sa akin lang, we just flow with things, like I've said, I'm just here. If things are meant to be patched up in God's time, then so be it."
Read: Lotlot breaks down in tears over Ian feud: "He can have it all!"
MOM NORA'S AWARD
Para kay Ian malaking tulong ang pagkakaroon ng Nora Aunor Ulirang Artista Award para maipagpatuloy ang legacy na iniwan ng namayapang Superstar.
Ngayong taon ay ipinagkaloob ito kay Sharon Cuneta, na ni-represent ni Kakie Pangilinan, at kay Mowelfund President Rez Cortez.
"Well, it's very important, like what I've said, it's part of continuing our legacy.
"If it's not for this kind of event, siyempre, it's part of her life, part of her success and career when she's around.
"Of course ipagpapatuloy pa rin natin for many more generations."
Kasama ni Ian ang anak nang dumalo sa event.
"My son Jden, pag nag-uusap nga kami, sinasabi niya kung gaano siya ka-proud sa kanyang Mama Guy.
"I'm very happy, very blessed, sabi niya he's experiencing this even Mama Guy is not around.
"Napaka-blessed ni Mommy na until now, marami pa rin ang nagmamahal sa kanya.
"Happy ako, my Mom, her spirit, her presence is being supported by us, by the industry."
Read: Christopher de Leon breaks silence on Lotlot-Ian feud
ON NORA AUNOR FOUNDATION
Sa huli, kinumusta namin sa aktor tungkol sa foundation na ipinatayo niya para sa ina. Tila marami pa siyanda dapat gawin.
"Everyone is participating, slowly but surely gaining traction and momentum as we speak right now.
"But, of course, like I've always said, marami pang proseso ang kailangang pagdaanan.
"Sa mga malalaking plans like the foundation itself, it's not going to be an easy task.
"The task has to be fulfilled, kailangang busisiin everything.
"We cannot miss any missteps along the way, establishing things like these need to be.pulido, gusto natin maayos lahat.
"We have to keep in my mind that we are carrying the Nora Aunor badge under the two entities, di puwedeng basta-basta lang.
"Kailangan nating i-fulfill in such a way na talagang enggrande siya. It's also for the people, not only for Mom kasi yun ang advocacy niya.
"You know, ever since she's still around, nasa puso niya ang tumulong sa tao. Kahit walang-wala na siya, tutulong siya sa tao."
Ano ba ang plano niya sa museum, na balitang sa Iriga, Albay, kung saan ipinanganak at lumaki si Ate Guy, binabalak na itayo ito?
"The museum actually is on the way, the process like, I've said, di natin puwede basta-basta madaliin ang mga ganyang bagay.
"We wanted, kasi di naman extravagant, but we want to have an impact to the masses. Gusto naming pagpunta ng mga tao dun, they can still feel the presence of my Mom."
Read: Ian de Leon responds to sister Lotlot's tirades against him