Ang GMA Gala Night na ginaganap sa Marriott Hotel, Pasay City, ngayong Sabado, July 22, 2023, ang isa sa mga pinakamalaki at magarbong showbiz event na tiyak na tututukan ng mga tagahanga dahil interesado silang makita ang kasuotan ng mgainiidolo nilang artista.
Read: GMA-7’s power couples and prized stars, It’s Showtime main hosts attending GMA Gala 2023
Hindi mawawala sa GMA Gala ang traditional red-carpet walk ng mga imbitadong artista kaya malalaman ang katotohanan sa balita na, diumano, solong rarampa sina Barbie Forteza, Jak Roberto, at David Licuaco.
Kanya-kanya umano ang paglalakad ni Barbie at ng kanyang boyfriend na si Jak sa red carpet upang maiwasan ang bayolenteng reaksiyon ng selosong fans ng loveteam nina Barbie at David.
Read: Barbie Forteza, thankful na di seloso ang BF niyang si Jak Roberto
Solo ring maglalakad si David para hindi raw magalit ang mga sumusuporta sa real-life relationship nina Barbie at Jak, pero magkakaalaman ngayong gabi kung matutuloy ang nasabing plano o setup.
Read: Barbie Forteza's love-team partners through the years
Tiniyak ng It’s Showtime insider sa Cabinet Files na sigurado ang pagdalo sa GMA Gala 202 ng mga host ng programa na sina Vice Ganda, Anne Curtis, Vhong Navarro, at Jhong Hilario na imposibleng mangyari noong maigting pa ang network war sa pagitan ng ABS-CBN at GMA-7.
Naging maganda ang relasyon ng Kapuso at Kapamilya Networks nang magkaroon sila ng mga partnership matapos na hindi pagkalooban ng franchise ang ABS-CBN noong July 2020.
Tumibay ang kanilang business relationship buhat nang mapanood sa GTV ang It’s Showtime simula noong July 1, 2023. Ang GTV ang subsidiary network ng GMA Network Inc.
Sigurado rin ang pagdalo sa GMA Gala Night nina Bea Alonzo at Dominic Roque.
Ito ang unang pagkakataonng makikita ang dalawa na magkasama sa isang showbiz gathering ilang araw makalipas ang pinag-usapan na marriage proposal ni Dominic sa future wife niya.
Read: Bea Alonzo and Dominic Roque engaged!
Sa ulat ng 24 Oras noong Biyernes, July 21, naganap sa Bataan ang marriage proposal ni Dominic kay Bea. Pero nangyari ito sa Las Casas Filipinas de Acuzar sa Quezon City noong July 18, 2023 kaya nalito ang mga sumusubaybay sa kuwento.
Malinaw namang makikita na nakalagay sa proposal video na inilabas ni Dominic na inalok nito ng kasal si Bea sa Quezon City branch at hindi sa sangay ng Las Casas Filipinas de Acuzar sa Bataan.