Dumating na ang malaking oportunidad na pinakahihintay sa entertainment industry ng 28-year-old actor na si Gab Lagman.
Ito ay dahil sa mga proyektong ibinigay sa kanya ng home studio niya, ang Viva Entertainment, at ang paglulunsad nito saHyGab, ang love team nila ng aspiring actress na si Hyacinth Callado.
Si Gab ay pitong taon nang contract star ng Viva Artists Agency, ang talent management arm ng Viva Entertainment, kaya nagpapasalamat siya sa pambihirang pagkakataong ipinagkatiwala sa kanya.
“I am really thankful kay Boss VR [Veronique del Rosario-Corpus, VAA President and COO] and Boss Vic [del Rosario, Viva Entertainment CEO] 'coz we’ve been talking about this for a long time since I was with them for almost seven years na.
"And they finally gave me, they finally trusted me for the lead project.
“And I’m really thankful na si Hyacinth yung napiling love team ko.
"I’m gonna support her and I’m gonna be here for her at all times," pahayag ni Gab sa media conference ng Unilove Squad na naganap sa Viva Café, Quezon City, nitong Martes ng tanghali, Abril 9, 2024
Opisyal na ipinakilala sa Unilove Squad ang tatlo sa mga love team na itinataguyod ng Viva Entertainment — ang MarVen love team nina Marco Gallo at Heaven Peralejo, ang KrisshRome love team nina Jerome Ponce at Krissha Viaje, at ang HyGab, ang love team nina Gab at Hyacinth.
View this post on Instagram
Dalawang proyekto ang nakatakdang gawin ng HyGab love team — ang TV adaptation ng University series na Chasing in the Wild at ang limited horror series na Sem Break, na mapapanood sa Viva One simula sa May 10, 2024.
Sabi ni Gab, “Our first project together will be Sem Break.
"We are really grateful and thankful sa Viva na before doing Chasing in the Wild, we got to do a series together.
“We’re really grateful, of course, sa HyGab fans for always supporting us kahit hindi pa nag-start yung Chasing in the Wild.”
Ano sa tingin niya ang lakas at kahinaan ng love team nila ni Hyacinth?
Ayon kay Gab, “We both grew up in the U.S. Ang strength namin, we get along together. We like similar stuff.
"But yung weaknesses, hindi tulad nung love team nina MarVen at KrissRome, nag-work na sila with their own projects.
"Kami ni Hy, we haven’t started yet, so we’re really excited to work together.
“I will always be here for her, to guide her 'coz this is gonna be her first project.”