Ang panandaliang paghihiwalay nila ni Jerald Napoles noong 2021 ang rebelasyon ni Kim Molina sa media conference ng Seoulmeyt.
Naganap ito sa isang events place sa Quezon City ngayong Huwebes ng gabi, Mayo 9, 2024.
Ipinagtapat ni Kim na may kinalaman ang pandemya at ang live-in arrangement nila ni Jerald sa pag-aaway nila sa set ng pelikulang kanilang ginagawa noon, ang Ikaw at Ako at ang Ending.
Read: Jerald Napoles, saludo sa paniniwala ni Kim Molina na di dapat maging problema ang pera sa relasyon
Sabi ni Kim tungkol kay Jerald, “Ang suwerte ko lang kasi katulad niya yung kasama ko sa buhay at saka ka-love team.
"Hindi talaga mahahalata ng mga katrabaho namin na may nangyayaring pag-aaway or anything."
KIM AND JERALD's BRIEF BREAKUP
Kasunod nito ay nagbigay ng mga detalye si Kim tungkol sa sandaling panahong naghiwalay sila ni Jerald.
Lahad ng actress-singer: “Like, may ginawa kaming pelikula before na hindi alam ng lahat na nag-break kami.
“Share ko lang sa inyo, ang tagal na naman nito.
"During pandemic po kasi, adjustment. First time din namin na magka-live in ni Je.
"So, yung mga problem namin bilang magdyowa, nagkasama-sama, na-pile up. First time namin magka-live in.
"Lahat naman ng problema namin, hindi namin mapagtuunan ng pansin na pag-usapan kasi kailangan namin kumita.
"Kailangan naming magbayad ng bills. Kailangan namin mag-work.
“E, yung Ikaw at Ako at ang Ending, nagkataon na mga best friend namin yung mga nandoon. Ang direktor namin, si Direk Irene [Villamor]. Hindi namin din sinabi kay Irene."
Kim Molina and Jerald Napoles in Ikaw at Ako at ang Ending
KIM & JERALD'S BED SCENE BEHIND THE CAMERA
Ipinagtapat ni Kim na nagkaayos sila ni Jerald pagkatapos ng kanilang "bed scene" sa likod ng kamera.
"Ang nangyari, ang location namin, sa Pagudpud, Ilocos Norte.
“Nag-away kami, nag-stay kami sa isang cottage. Nag-away kami, 'Break na tayo.' Nag-break kami.
"Tiningnan ko yung sequence guide, bed scene [ang kukunan] kinabukasan.
"Paano ko ito gagawin kasi drama po talaga yung Ikaw at Ako at ang Ending.
“Ito kasi si Je, hindi po kami nakakatulog nang hindi kami nagiging okay.
"So, naging okay naman po kami after nung bed scene na hindi naman [sa harap] ng kamera!" napahalakhak na lahad ni Kim.
Read: Jerald Napoles may butt exposure; itinodo ang steamy love scene nila ni Kim Molina
Pagpapatuloy ni Kim, “So, basically, naayos naman po namin yung aming problema pero walang nakakaalam.
"Kinabukasan, okay kami, natapos namin yung movie. Ngayon lang namin nasabi."
Nangyari na rin daw ito sa kanila habang ginagawa nila ang musical na Rak of Aegis, na siyang tinatayang pinaka-commercially successful show ng PETA.
Ayon kay Kim, “Nangyari na po siya before kahit Rak of Aegis, so we had to fall in love all over again onstage without the people knowing that there’s something happening off stage.”
At gaya ng pamagat ng pelikula nilang ipalalabas sa mga sinehan simula sa Mayo 29, 2024, siguradong-sigurado naman si Jerald na si Kim ang kanyang soulmate.
Ani Jerald, “Soulmate ko si Kim, ang tagal na natin, magpapa-eme eme pa ba?
"Parang hindi ko na ma-picture ang sarili ko na hindi ko siya kasama."
Read: Jerald Napoles, pinaghahandaan na ang kasal kay Kim Molina?