Mukhang binura ng dating aktres ang isang mapait na pangyayari sa kanyang nakaraan.
Ang sabi niya kasi sa isa niyang panayam, ni minsan ay hindi siya nagkaroon ng boyfriend na artista.
Hindi binanggit at all ng dating aktres na bago ito pumasok sa showbiz, nagkaroon siya ng relasyon sa isang aktor na may asawa at mga anak.
Nung nalaman ng misis, parang eksena sa pelikula ang mga sumunod na nangyari.
Pumunta si misis, kasama ang mga anak, sa condominium unit na lihim na tagpuan ng aktor at dating aktres.
Read:
Guwapong aktor, malapit nang maging isang ganap na ama
PAMILYA O KABIT?
Sa harap ng dating aktres, pinapili ni misis ang aktor, na walang alinlangang pinili ang pamilya.
Labis na sumama ang loob ng dating aktres dahil umasa ito na siya ang pipiliin ng aktor.
Nang magising ang dating aktres sa katotohanang hindi na siya babalikan ng aktor, pinuntahan niya ang talent manager na matagal nang kumukumbinsi sa kanyang mag-artista.
Sa tulong ng talent manager, nakapasok sa showbiz ang kabit na nagtagumpay, sumikat, at nagbida sa mga pelikula.
Pero hindi nito kinaya ang kasikatang tinamasa at naapektuhan ang kanyang mental health.
Sa kabila ng kanyang popularidad sa entertainment industry at that time, tinalikuran niya ang showbiz.
Read:
Misis, nakumpirma ang affair ng asawang aktor sa aktres
Aktor, dyinowa ang kaibigan ng kanyang girlfriend
DATING AKTRES HATE ANG SHOWBIZ
At simula noon, kapag may mga nakakausap siyang mga tao mula sa industriya, mga hinaing at tampo ang bukambibig ni dating aktres na parang walang naitulong at naidulot sa kanya na maganda ang pagiging artista.
At kahit binago pa nito ang kuwento ng kanyang buhay, tila hindi pa rin makalimutan ng daring aktres ang mapait na nakaraan.
Mas pinapairal pa rin niya ang galit at tampo sa showbiz industry, lalo na sa aktor na tinalikuran siya at pinili ang tunay na pamilya.
Kahit gumawa ng sariling istorya ang dating aktres, hindi niya maitatago ang katotohanan dahil buhay na buhay ang kanyang kaibigang aktor, na siyang saksi sa lahat ng mga nangyari sa personal at propesyonal na buhay ng dating aktres.
Siya rin ang nagbahagi sa Cabinet Files ng detalyadong kuwento ng pakikipagrelasyon noon ng dating aktres sa aktor na isa nang maipluwensiyang personalidad.