Naniniwala ang aktres at Miss International 1979 na si Melanie Marquez na "blackmail for money" umano ang motibo ni Bonifacio Baro.
Si Baro ang driver at personal assistant ni Rhian Ramos na naghain ng mga reklamo na torture at illegal detention sa National Bureau of Investigation (NBI) laban sa kanyang anak na si Michelle Dee.
Ibinahagi ni Melanie sa Facebook post nito ngayong Sabado, Enero 31, 2026, ang kanyang saloobin tungkol sa paratang kay Michelle.
Diumano, binugbog at ikinulong ni Michelle si Baro dahil sa diumano’y pagnanakaw nito ng angpao na naglalaman ng mga maseselan na larawan.
Dawit sa kontrobersiya ang housemate ni Michelle na si Rhian Ramos at ang beauty queen na si Samantha Panlilio.
RELATED STORIES
- Rhian at Michelle, inireklamo ng torture at illegal detention
- Michelle Dee, sinampahan ng qualified theft ang driver ni Rhian
- VACC supports driver's complaints vs Rhian, Michelle, Samantha
- Sam Verzosa, Wil Dasovich dawit sa isyu ng driver ni Rhian Ramos
- Samantha Panlilio camp refutes allegations of Rhian's driver
MELANIE MARQUEZ CALLS RHIAN'S DRIVER "MAGNANAKAW, SINUNGALING"
Matapang na pahayag ni Melanie: "The way I see it... Ang sinungaling ay kapatid ng magnanakaw! It’s exactly the definition of Rhian’s driver!
"His real intention is to blackmail for money with conspiracy behind this liar!
"With the number of days past, conspiracy can create a juicy story to create lies against our achievers celebrity.
"Their main purpose is their greediness mentality to blackmail our celebrities for money which is so ridiculous!"
Nanawagan pa si Melanie na huwag daw agad husgahan ang kanyang anak sa aniya'y pinapakalat na mga kasinungalingan ni Baro.
"Mukhang nasasangkot ang driver sa conspiracy sa mga araw na pinalaya ito.
"Ito ay isang malinaw na POSIBILIDAD! The person who started and feed this malicious evil acts of crime to scandalous the images of our accomplished artist must put in jail.
"No one should stoop to his level of lies except their lawyers who’ll protect and defend them properly.
"Please…let us not judge our self-made celebrity harshly and injustly. The truth will prevail. Thank you.”
Si Melanie ay kasalukuyang nasa Utah, USA dahil inaasikaso niya ang mga kaso ng pang-aabuso na ihinain laban sa kanyang estranged husband na si Randy Lawyer.
Bukod sa social media post ni Melanie, ibinahagi rin niya ang kanyang opinyon sa comments section ng mga news organization na naglalabas ng balita tungkol sa isyu na kinakaharap nina Michelle, Rhian, Samantha.
Sinasabi ni Baro sa mga panayam sa kanya ng media na siya ay biktima umano ng torture at illegal detention mula Enero 17 hanggang Enero 19 sa condominium unit sa Makati City na tinitirhan nina Rhian at Michelle.
NO FORMAL COMPLAINT AT THE FISCAL LEVEL
Sa ngayon ay nasa NBI pa lamang ang imbestigasyon sa mga akusasyong serious illegal detention at torture na binibintang ni Baro laban kina Michelle, Rhian, at Samantha.
Wala pang pormal na reklamong inihain sa piskalya.
Naghain naman si Michelle ng panibagong reklamong qualified theft laban kay Baro.
Sinabi rin ng legal counsel ni Michelle, si Atty. Maggie Abraham-Garduque, na pinag-iisipan ng kanyang kliyente na magdemanda ng libel at perjury laban kay Baro.