GORGY RULA
Ngayong araw, November 1, bumalik sa taping ang upcoming prime-time series ng GMA-7 na I Left My Heart in Sorsogon.
Ito na ang huling cycle ng taping dahil ang tentative airing nito ay mid of November.
Isa sa nagpasalamat na nagswak ang schedule at hindi naapektuhan ang taping ay si Rey “PJ” Abellana.
Tumugma kasi sa break nila ang church wedding ng anak niyang si Carla Abellana at ni Tom Rodriguez.
Pagkatapos ng pangalawang cycle ng taping, at bago sila isalang sa quarantine ng pangatlong cycle ay ang inaabangang wedding nina Tom at Carla, kaya naihatid pa ni Rey sa altar ang kanyang anak.
Sa nakaraang virtual mediacon ng supporting cast ng I Left My Heart In Sorsogon, nagpasalamat si Rey na kahit nagkaroon ng konting bulilyaso, nairaos pa rin ang wedding at maganda ang kinalabasan.
Ang unang simbahan na napili nina Carla at Tom ay sa Madre de Dios Chapel sa Tagaytay Highlands, Talisay, Batangas.
Pero dahil sa restrictions kaugnay sa COVID-19, inilipat nila ito sa San Juan Nepomuceno Church sa San Juan, Batangas.
Ayon kay Rey, “Inspite of everything, for the last minute kailangan pang i-relocate yung wedding. Yung reception, venue… to the last minute because of the pandemic.
“Napalayo pa lalo yung pangalawang venue sa original venue na supposed to be sa Tagaytay lamang.
“But then, it turned out to be smooth, very successful, very happy, enjoy, and very memorable,” pahayag ni Rey.
Masaya ang buong pamilya Abellana na si Tom ang dumating sa buhay ni Carla. Nagtitiwala si Rey sa desisyon ng kanyang anak na si Tom ang pinakasalan nito.
“Mainly ako, kabisado ko siyempre yung anak ko. Alam ko yung choice niya. Alam ko ang mga desisyon niya.
“Very positive naman everything, and we are very happy and welcome talaga namin si Tom sa pamilya,” saad pa ng aktor.
Si Rey ang gumaganap na ama ni Heart Evangelista sa I Left My Heart in Sorsogon, kung saan sina Paolo Contis at Richard Yap ang leading men ng aktres.
JERRY OLEA
Best wishes kina Mr. & Mrs. Bartolome Alberto Mott (Tom Rodriguez)!
Abang-abang tayo sa mga kaganapan sa kasal nina Ellen Adarna at Derek Ramsay, ganundin kina Jennylyn Mercado at Dennis Trillo, Andi Eigenmann at Philmar Alipayo, at Direk Antoinette Jadaone at Direk Dan Villegas.
May balak din bang magpakasal sina McCoy de Leon at Elisse Joson… kahit civil lang muna, kay Yorme Isko Moreno?!
Hintay-hintay rin tayo kung saan hahantong ang romansa sa pagitan ng veteran actor at young actress.
Kung I Left My Heart In Sorsogon ang TV series na bida sina Heart Evangelista, Paolo Contis at Richard Yap… ano kayang title ang swak kina Paolo Contis at LJ Reyes?
For sure, hindi I Left My Heart In Baguio.
NOEL FERRER
Ang dami nating aabangang wedding, masaya iyan!
Mas hopeful naman kung iyan ang ating tututukan kaysa sa mga hiwalayan.
Aside from LJ and Paolo, Aljur Abrenica and Kylie Padilla, ang tanong ng mga netizens… based on the family vacation photos, wala na ba talaga sina Pancho Magno at Max Collins?
Ang nasagot ko lang, e, wala sa picture.
Use these Lalamove promo codes when you shop or order online. Marami pang ibang coupons dito.