GORGY RULA
Para kay Heaven Peralejo, itinodo na niya ang pagpapa-sexy sa pelikulang Nanahimik ang Gabi, official entry ng Rein Entertainment sa nalalapit na Metro Manila Film Festival (MMFF) 2022.
Noong napanood niya ang snippets ng naturang pelikula, hindi raw siya makapaniwalang nagawa niya ang mga eksenang yun kasama si Ian Veneracion.
Read: Ian Veneracion, walang reaksiyon sa kandungan scene nila ni Heaven Peralejo?
Hindi raw niya masagot sa ngayon kung tatanggap ba siya uli ng ganoon kaseksing project.
“Yung nanay ko na mismo siguro ang masasabi ng no!” natatawang sagot ni Heaven sa PEP Troika.
Kaya raw niya tinanggap ang Nanahimik ang Gabi dahil sobrang nagandahan siya sa script at hindi na niya naisip kung paano siya magpapa-sexy sa ilang eksena.
Pero gusto raw ni Heaven ang pagpapa-sexy niya sa naturang pelikula dahil inalagaan naman ng direktor nilang si Shugo Praico.
Kung maganda raw ang material ng io-offer sa kanya, maaaring pag-isipan ng Kapamilya star kung tatanggapin niya ito. Basta hindi lang bastusin ang dating.
“Gusto ko yung feel ng sexy, kasi I’m confident with my own body. Whether hindi naman siya sobrang maganda talaga.
“Pero I’m confident. I love my body, and if it requires some sexy scenes for the film to work, why not? Parang ganun.
“Pero ayoko yung parang whole film, puro yun na lang. Hindi, e. Parang I don’t see the value in it,” sabi pa ni Heaven sa mediacon noong Disyembre 13, Martes, sa Director’s Club ng The Block, SM North EDSA, Quezon City.
NOEL FERRER
Pagkatapos nitong Nanahimik ang Gabi, okay lang ba kay Heaven na tawagin siyang sexy actress?
“I mean, yung sexy term kasi, parang nabibigyan ng malicious intent. Why can’t women be sexy all the time, di ba?
“For me, hindi malicious intent yung sexy actress. E, kung sexy ka, bakit?
"I think kung tinawag po ako, at least nag-work yung portrayal ko as Me-ann,” sey ni Heaven tungkol sa kanyang karakter sa pelikula.
Sobra ang tiwala ng Rein Entertainment kay Heaven na talagang sinugalan siya sa pelikulang ito. Kaya naman sabi ko kay Heaven nang makita ko siya na she should stick with them.
Tumango naman si Heaven na ang sabi’y, “I am grateful. I am very grateful.”
JERRY OLEA
Iyong script ng Nanahimik Ang Gabi ang nakahikayat kay Heaven na tanggapin ang role na Me-ann, na sugar baby ni Chief (karakter ni Ian.
“Nung nabasa ko po yung script, sabi ko, sobrang ganda ng message nito, e. It’s also for our generation,” paliwanag ni Heaven.
“And kasi, di ba, parang sa generation namin ngayon, sobrang umiingay yung, ‘I wanna be your sugar baby.’ ‘I wanna be this.’ ‘Glamorous life and everything like that!’
“Pero I think this film kasi, ahhmm it sends a message that kung sugar baby ka, you also have consequences. And those consequences, sometimes hindi ka ready.
“Hindi mo alam na malala pala, you know. And every choice that you make in life, laging may consequences, whether it’s good or bad.
“So, sabi ko, ‘I wanna be part of this film that is thought-provoking.'”
Sa snippets ng Nanahimik Ang Gabi na ipinasilip bago ang Q&A sa mediacon, seksing-seksi si Heaven sa eksenang naka-bikini at sumisid sa swimming pool.
“Sinisid” din ba niya si Ian sa movie?
“Siguro ang masasabi ko lang, pag napanood itong film na ito, ahhmm kayo na po mismo ang mag-decide kung ‘sinisid’ ko ba si Chief! Ha! Ha! Ha!” pagbungisngis ni Heaven.
First time ni Heaven na magbida sa pelikula.
“Alam ni Direk Shugo po iyan. Ahhmm, sabi ko nga nung una, nung na-pitch po sa akin ni Direk Shugo yung movie, sabi ko, ‘My God! Kaya ko ba?!’
“Kasi parang siyempre another milestone na naman ito sa career ko. And then sabi niya, ‘Kaming Rein Entertainment, aalagain ka namin the way na kung paano mo nabi-visualize itong film na ito, ganun din namin nabi-visualize.’
“And so they made me feel comfortable. And ewan ko, nakakatuwa kasi parang… I con portray that kind of role pala.
“So they pushed me to my limits and it’s a different Heaven that you’ll see.”
So, nawala ang hesitation niya at bigay na bigay siya sa shooting ng mga mapanuksong eksena?
“Walang Heaven. Puro Me-ann lang,” paglilinaw ng young actress.