JERRY OLEA
Kumusta na ang bonding ng pamilya Atayde ngayong may bagong member na — si Maine Mendoza?
“OK naman po, We love Maine!” sabi ni Ria Atayde sa mediacon ng pelikulang Fruitcake noong Setyembre 23, 2023, Sabado, sa Kao Manila, World Resorts, Newport Mall, Pasay City.
Sinamahan ni Maine si Congressman Arjo Atayde sa premiere ng pelikula nitong Topakk sa Frightfest (Setyembre 21-28) sa Austin, Texas, USA.
“Happy. We’re all doing OK, we’re all happy, and it’s nice,” dagdag ni Ria.
Naiinis ba siya kapag naiintriga ang pag-a-abroad ni Arjo? Naku-question ang pagiging public servant ng kanyang kapatid, partikular ang gastos nito sa biyahe.
Sey ni Ria, “I feel like it comes with the territory naman po kasi. That’s something you should expect, you know.
“As celebrities, medyo… or as artistas, medyo public na po yung life namin, and even more as a public servant, di ba?
“So, it comes with the territory. Of course, of course, that’s like nakakaasar din minsan pero kailangan lang talagang tanggapin na yun yung ginagalawan naming mundo.”
Gusto na ba niyang magkaroon ng pamangkin kina Arjo at Maine? Ilan, if ever?
“Ay! Hindi po! Ako po, kung ano po ang gusto nila, go lang. Not for me to dictate or to demand or to meddle in the affairs that I shouldn’t even be talking about,” pagmamatuwid ni Ria.
Ang mother nila ni Arjo na si Sylvia Sanchez, matagal nang gustong maging lola. Noon pa bumibili ng mga gamit para sa baby!
“My God! Kahit wala kaming mga dyowa, gusto na niya ng apo!” bulalas pa ni Ria.
NOEL FERRER
Nagba-bonding ba silang dalawa ni Maine bilang sisters-in-law? Iyong silang dalawa lang.
“We haven’t had the chance. Our schedules really don’t match,” pag-amin ni Ria.
“Ang hirap ng adulting. Ngayon ko mas nare-realize that adulting is so hard. Like, you need to schedule hang-outs.
“Like, ‘Are you free on Monday?’ ‘No.’ ‘How about next month?’ You know what I mean. Medyo ganun.
“So, at most we talk a lot on socials or messaging. But yung bonding talaga in person, at most siguro on Sundays.
“Kasi we try to do family day pa rin.”
Tama naman ang family day!!! Sana all!!!
GORGY RULA
Matapos maging calendar girl si Ria, may mga nag-akalang gagawa na rin siya ng sexy movie.
Read: Calendar girl Ria Atayde addresses body shamers
“Ay! I mean, Nag-aapoy Na Damdamin is a little bit edgy,” sambit ni Ria.
Pero iba pa rin sa movie kumpara sa TV!
“Wala pa naman pong offers these days that have come up. But if I do get an offer, then definitely it’s something I’d be a lot more open to consider since nagawa ko na rin po yung Nag-aapoy Na Damdamin,” sagot ni Ria.
Nag-aapoy ba ang damdamin niya sa mga araw na ito?
“Ay! Oo naman po!” O masyadong matapos dahil sa Fruitcake?
Natawa si Ria, “Ha! Ha! Ha! Nai-segue, ha?! Nag-aapoy po yung Fruitcake.”
Kabilang sa co-stars ni Ria sa pelikulang Fruitcake sina Joshua Garcia, Empoy Marquez, Enchong Dee, Dominic Ochoa, Heaven Peralejo, Jane Oineza, KD Estrada, Queenay, Alex Diaz, Markus Paterson, Noel Comia Jr., Victor Anastacio, Kat Galang, Macoydubs, Red Ollero, Pocholo Barretto, Kaila Estrada, Donna Cariaga, at Karina Bautista.