GORGY RULA
Masaya ang buong pamilya ni Vilma Santos dahil makukumpleto sila ngayon sa pagsalubong ng bagong taon.
"Ang pinakamagandang balita lang, darating ang buong pamilya ko sa… darating sila dito sa Pilipinas sa December 30.
"Kaya magkakasama kami sa holiday hanggang sa birthday ni Ralph sa January.
"They will be staying here for almost a month, two to three weeks,” bulalas ni Ate Vi nang nakapanayam namin sa DZRH nung Lunes, December 25, 2023.
Ang Ralph na tinutukoy niya ay ang asawang si Ralph Recto na magse-celebrate ng 59th birthday sa January 11.
Read:
Ryan Christian Recto, pinahanga ang netizens sa birthday message para sa kapatid na si Luis Manzano
Luis Manzano thanks Alden Richards for last-minute save on hosting stint
Ito raw ang napapagkasunduan nilang magkakapatid nang magbakasyon sina Ate Vi sa Amerika nung nakaraang June.
"Last summer, kami, ang pamilya ko ang nagpunta dun kasi ang tagal na naming hindi nagkita-kita dahil sa pandemic.
"Almost four years, five years kaming hindi nagkita. Kaya pumunta kami dun, and then napag-usapan nga namin na sila naman ang pupunta rito, at tamang-tama sa holidays.
"Family bonding kami talaga. Kasama namin yung mga pamangkin ko, mga apo, kasama sila Lucky at saka ang aking apo,” sabi pa ni Ate Vi.
Kaya kahit pagod siya sa promo ng pelikula nilang When I Met You In Tokyo, excited siya dahil makukumpleto raw ang buong pamilya.
Read:
Vilma Santos and Christopher de Leon's birthday wish: for moviegoers to return to the cinemas
JERRY OLEA
Pero sa totoo lang, naninibago raw talaga si Vilma sa mga ginagawa nila ni Christopher de Leon na pagpu-promote ng pelikula.
Ngayon lang daw nila na-experience ang pagbebenta ng tickets, pag-iikot sa mga sinehan, at ang pagpu-promote sa social media.
Ibang-iba raw sa dati nilang ginagawa.
Ang sabi ng Star For All Seasons, "Yun ang isa rin sa aming napuna. Siguro, kailangang sumunod ako kung ano ang talagang klase ng promo na meron na pala ngayon.
"Ibang-iba na. Kasi yung mga ticket selling, ngayon ko lang naranasan iyan. Wala kaming ganyan nung araw.
"Pero alam niyo, sa totoo lang, ina-appreciate ko yung pamilya namin sa When I Met You In Tokyo sa sipag na ginagawa talaga sa promotion.
"Kasi you know what, hindi lang kami ganyan. Lahat na mga pelikulang kasali, ganun din yung ginagawang promotion.
"Ang ibig kong sabihin, hindi lang kami. Halos yung buong sampung movies na mga artista, talagang they go out of their way to really promote the movie, and to really promote the Metro Manila Film Festival.
"Ang pinakamaganda rito, gusto natin makuha ang adbokasiya naming mga artista na mabalik ang sigla ng pelikulang Pilipino sa pamamagitan ng panonood uli ng sine."
NOEL FERRER
Excited ako kung hanggang saan aabot ang suporta sa box office, kasi ang sisipag ng mga artista at production sa pagpo-promote.
Bilib talaga ako, and we all hope that all the efforts of our people will be rewarded.
Maligayang Pasko natin, araw-araw!!!