JERRY OLEA
Eat Bulaga! na ang pangalan ng programang E.A.T. tampok ang TVJ at Legit Dabarkads umpisa Enero 6, 2024, Sabado, sa TV5 at CNN Philippines.
“Isa lang ang puwedeng tawaging Eat Bulaga!, at iyon ang Eat Bulaga! dito sa TV5!” bulalas ni Vic Sotto.
Read: Eat Bulaga! returns to TVJ: "Isa lang ang puwedeng tawaging Eat Bulaga!."
Ang revamped Eat Bulaga! ng GMA 7 ay ginawa nang Tahanang Pinakamasaya.
Read: TAPE noontime show, Tahanang Pinakamasaya na ang title
Sa presscon ng Rampa drag club ngayong Sabado sa Karma Lounge, Morato Extension, Quezon City, hiningan ng reaksiyon si Ice Seguerra sa latest development na ito ng Battle of Noontime Shows.
Read: Eat Bulaga! war and how it changes Philippine TV: A Timeline
“I’m so happy. Ako… nararapat lang. Kasi, di ba, ngayon, sila ang creators, e. So, parang nararapat lang na sa creator mapunta yung kumbaga… yung pinaghirapan,” sambit ni Ice.
“Yung pangalan na for some people, it’s just a name, but it’s not. It’s not just a name. It’s a name that symbolizes so many things.
“So, I’m just so happy sa desisyon.”
Sa Eat Bulaga! nag-umpisa ang career ni Ice noong three years old na sumali sa Little Miss Philippines. Doon siya lumaki at nahubog.
Read: Eat Bulaga! most memorable segments throughout the years
Ano ang wish niya ngayong nabalik sa TVJ ang karapatang gamitin ang Eat Bulaga! bilang title ng noontime show?
“It’s like they’re starting out again. I mean, siyempre, di ba, I was there, parang a month after lumipat sila,” lahad ni Ice.
“So I was there a month and a half, and I really saw na… alam mo yun, from something na nagawa na nila nang routine na, biglang nagbago ang marami.
“So, parang nagsimula sila ulit. But ako nga, as with anything, no, I’d rather start over than, you know, be in a relationship na contentious, alam mo yun, hindi ka na masaya.
“So ako, with this new beginning, especially now that they have the name back finally, I wish better things and I know that hereon, mas lalo pa silang magpupursige para mas magpasaya, mas mapaganda pa yung programa.
“And hopefully with the new home, 'no, which is TV5, alam ko, grabe rin ang suporta na ibinibigay ng TV5. So I’m very, very happy.”
Anak ang turing kay Ice nina Tito Sotto, Vic Sotto, at Joey de Leon. Any message para sa mga tatay-tatayan niya sa showbiz?
“Ako, sa totoo lang, siguro kaya rin ako ganito na I really... kumbaga, I really give importance to relationships is really because of them,” pagtatapat ni Ice.
“I grew up with them, and nakita ko that you know, di ba, the showbiz world, we always say na relationsips are fleeting. Di ba, it’s like one project after the other.
“But dun sa tatlong yun, and not just with them, but the whole Eat Bulaga! team na puwedeng hindi, e. Puwedeng ang relationship ay mag-stand ng test of time.
“Na hindi lang dahil sa programa pero kumbaga, humaba pa ito. And dun mo makikita.
“So ang wish ko for them, and siguro ang message ko for them — thank you.
“Thank you because hindi nyo lang binigyan ng halaga yung talentong nakita nyo sa akin na bago ko pa nakita na meron ako, nakita nyo na beforehand.
“You’ve taught me so many things about life, about friendship, about relationship na nagagamit ko hanggang ngayon.
“You’ve always believed in me, in what I can do, and in return, you will always have me and my loyalty. Mahal na mahal ko kayo!”
Co-owners ng drag club na Rampa sina RS Francisco, Loui Gene Cabel, Ice Seguerra, Liza Diño, at ang Divine Divas na sina Precious Paula Nicole, Viñas De Luxe, at Brigiding.
Sa Enero 17 ang soft opening ng Rampa sa puso ng Quezon City.
Rampa owners (from left) Loui Gene Cabel, Brigiding, Liza Diño, Precious Paula Nicole, Ice Seguerra, RS Francisco, and Viñas De Luxe
GORGY RULA
Mabilis ang sagot ni Ice Seguerra na never siyang magge-guest sa Tahanang Pinakamasaya sa GMA 7.
Noon pa man ay talagang pinanindigan niyang hindi niya puwedeng tapatan ang Eat Bulaga! ng TVJ na pinanggalingan niya.
“Never! Not because of anything… again, my loyalty remains with TVJ and Eat Bulaga!. Sila yun, e. Nandito ako because of them,” pakli ni Ice.
Wala raw siyang galit o anumang hindi magandang nararamdaman sa mga host ng TAPE, Inc.
“No hard feelings. Wala akong kagalit. Alam mo yun, ang liit ng industriya natin para magkaroon ng kagalit.
“It’s just because, I am not comfortable with the fact na… para akong nagtaksil, e. Hindi ko kaya. And they know that.
“Even with Showtime, kumbaga, I’ve been asked to guest. Even the time na walang Eat Bulaga! nun sa ere, but I will always tell them in a very nice way na hindi lang talaga.
“Kumbaga, bigay niyo na lang sa akin yun,” dagdag niyang pahayag.
Pero para kay Ice, maganda na rin daw na may sarili nang title ang noontime show ng TAPE sa GMA-7 para magkaroon sila ng sariling identity, at sana ay makapag-move on na raw ang lahat.
“Sana. This is not just for Eat Bulaga! to move on, but for the other show to… sa Tahanang Pinakamasaya, move on as well. Yun, e!
“Siguro hangga’t… kung wala yung desisyon na yun, mahirap mag-move on both parties, e.
“Kumbaga, it’s nice din, at least merong Tahanang Pinakamasaya din, they have their own identity.
"Kasi, hangga’t they’re using Eat Bulaga!, they will always be in the shadow of TVJ. Di ba?
"Parang ako rin, if I’ll be part of the other show, parang I want to have my own identity.
“Now, they can do whatever they wanna do na hindi ikukumpara, di ba? Because they’re different show now. They’re not Eat Bulaga!.
"So, at least, start again,” saad ni Ice.
NOEL FERRER
At least, mangyayari na ang dapat nangyari na dati pa. I remember even before Paolo Contis even accepted the job sa GMA noontime show, e, yun na rin ang suggestion niya, na magkaroon ng sariling brand, ng sariling title, to start anew.
"Di ba nga, lagi nating sinasabi sa PEP Troika na sana yun ang plot twist na kusang ibibigay na lang sa TVJ ang title na sila naman ang nagpasimula, at siguro naging mas win-win pa ang sitwasyon, at puno pa ng goodwill ang lahat.
Oh well, things had to happen this way. At least may natututunan tayo rito.
Sana talaga, goodwill talaga ang mamayani.